Azərbaycan Texnologiya Universitetinin (ATU) rektoru Yaşar Ömərov Özbəkistanda keçirilən Birinci Rektorlar Forumunda iştirak edib. 

Azərbaycan Respublikası Elm və Təhsil Nazirliyinin və Özbəkistanın Ali Təhsil, Elm və İnnovasiyalar Nazirliyinin birgə təşkilatçılığı keçirilən forum Əndican şəhərində baş tutub. Tədbirdə Azərbaycan Respublikasının elm və təhsil nazirinin müavini İdris İsayev və Özbəkistanın ali təhsil, elm və innovasiyalar nazirinin müavini Şaxrux Daliyev açılış nitqi ilə çıxış edərək iki ölkə arasında elm və ali təhsil sahəsində əməkdaşlığın genişləndirilməsindən bəhs ediblər. 

Forum çərçivəsində ATU rektoru Yaşar Ömərov Ömərov “Universitet–sənaye əməkdaşlığı, region universitetlərin baxışı və rolu” mövzusu ilə çıxış edərək ATU-nun sənaye əlaqələri təcrübəsini bölüşüb. ATU təcrübəsi forum iştirakçılarının marağına səbəb olub. 

İki gün davam edən forumda 17 Azərbaycan universitetinin, eləcə də Özbəkistanın aparıcı ali təhsil müəssisələrinin rektorları iştirak edib. Sessiyalar zamanı ikili diplom proqramlarının yaradılması, tələbə və müəllim mübadiləsi, birgə elmi tədqiqatlar və beynəlxalq reytinqlərdə irəliləyiş kimi mövzular müzakirə olunub.

Bu təşəbbüs SDG 17 (Məqsədlər üçün tərəfdaşlıqlar) və SDG 4 (Keyfiyyətli təhsil) ilə sıx bağlıdır. Forum çərçivəsində ali təhsil müəssisələri arasında təcrübə mübadiləsi və birgə təşəbbüslərin müzakirəsi akademik əməkdaşlığın dərinləşməsinə şərait yaradır. Universitet–sənaye əlaqələri üzrə təcrübənin paylaşılması region universitetlərinin inkişaf modelinə yeni baxışlar qazandırır. Bu cür platformalar təhsilin beynəlmiləlləşdirilməsi və institusional tərəfdaşlıqların genişləndirilməsi baxımından mühüm rol oynayır.

Azərbaycan Texnologiya Universiteti (ATU) “Round University Ranking” (RUR) beynəlxalq reytinqində Azərbaycanın region universitetləri arasında 1-ci, ölkə universitetləri arasında 8-ci pillədə yer alıb. 

ATU nüfuzlu beynəlxalq reytinq cədvəlinin 2025-ci il siyahısının dünya sıralamasında isə 1117-ci yerdə qərarlaşıb.

RUR reytinqi dünya üzrə ali təhsil müəssisələrinin fəaliyyətini 20 göstərici əsasında dörd strateji sahə – tədris (40%), tədqiqat (40%), beynəlxalq müxtəliflik (10%) və maliyyə dayanıqlığı (10%) üzrə qiymətləndirir.

Qeyd edək ki, RUR reytinqinin məlumatları nüfuzlu “Clarivate Analytics” şirkətinin “Global Institutional Profiles Project” platforması vasitəsilə toplanır və “Web of Science Core Collection” bazasındakı bibliometrik göstəricilərə əsaslanır. Tədris və tədqiqat sahələrində reputasiya göstəriciləri isə hər il keçirilən Akademik Reputasiya Sorğusu əsasında müəyyənləşdirilir.

Bu nəticə Azərbaycan Texnologiya Universitetində son illər görülən işlərin - tədris, elmi fəaliyyət və beynəlxalq əməkdaşlıq sahəsindəki uğurların əyani göstəricisidir.

Bu nailiyyət SDG 4 (Keyfiyyətli təhsil), SDG 9 (Sənaye, innovasiya və infrastruktur) və SDG 17 (Məqsədlər üçün tərəfdaşlıqlar) ilə əlaqələndirilə bilər. Beynəlxalq reytinqdə irəliləyiş universitetin tədris, tədqiqat və beynəlxalq əməkdaşlıq istiqamətlərində sistemli inkişafını əks etdirir. Belə nəticələr institusional keyfiyyətin qlobal ölçülərlə təsdiqlənməsi baxımından xüsusi əhəmiyyət daşıyır. Bu isə universitetin akademik nüfuzunun və rəqabət qabiliyyətinin artmasına töhfə verir.

Azərbaycan Texnologiya Universitetində yay imtahan sessiyasına start verilib. Universitetin rektoru Yaşar Ömərov imtahan prosesini izləyib, tələbələrlə yerində görüşərək onların fikirlərini öyrənib, müvafiq tövsiyələr verərək imtahanda uğur və müvəffəqiyyətlər arzulayıb.

Qeyd edək ki, 3 iyul 2025-ci il tarixinədək davam edəcək sessiya müddətində imtahanlar test və yazılı qaydada keçirilir.

Elm və Təhsil Nazirliyinin müvafiq əmrinə uyğun olaraq imtahanların şəffaf və obyektiv keçirilməsi üçün İmtahan Qərargahı və Apellyasiya Komissiyası fəaliyyət göstərir. Bundan başqa, bütün korpuslarda tələbələr üçün təklif və şikayətlər qutusu yerləşdirilib.

Bu fəaliyyət SDG 4 (Keyfiyyətli təhsil) ilə birbaşa bağlıdır. İmtahanların şəffaf, obyektiv və tələbəyönümlü şəkildə təşkili təhsil keyfiyyətinin mühüm göstəricilərindən biridir. Apellyasiya mexanizmləri və müraciət imkanlarının yaradılması akademik etimadı möhkəmləndirir və tələbə hüquqlarının qorunmasına xidmət edir. Bu yanaşma ali təhsil müəssisəsində məsuliyyətli idarəetmə və ədalətli qiymətləndirmə mühitini gücləndirir.

Azərbaycan Texnologiya Universiteti ilə Özbəkistanın Fərqanə Dövlət Universiteti, Əndican Dövlət Universiteti və Namanqan Dövlət Texniki Universiteti arasında əməkdaşlıq müqavilələri imzalanıb.

Müqavilələrə  Azərbaycan Texnologiya Universitetinin rektoru Yaşar Ömərov, Fərqanə Dövlət Universiteti, Əndican Dövlət Universiteti və Namanqan Dövlət Texniki Universitetinin rektorları tərəfindən Azərbaycan–Özbəkistan Birinci Rektorlar Forumu çərçivəsində imza atılıb.

İmzalanmış müqavilələr ali təhsil müəssisələri arasında elmi və akademik əlaqələrin genişləndirilməsini, birgə tədqiqat layihələrinin həyata keçirilməsini, tələbə və müəllim mübadiləsini, ortaq təlim proqramlarının hazırlanmasını, innovasiya və texnologiya sahəsində əməkdaşlığın qurulmasını nəzərdə tutur.

Bu fəaliyyət SDG 17 (Məqsədlər üçün tərəfdaşlıqlar), SDG 4 (Keyfiyyətli təhsil) və SDG 9 (Sənaye, innovasiya və infrastruktur) ilə bağlıdır. Müqavilələrin elmi layihələr, müəllim-tələbə mübadiləsi və ortaq təlim proqramlarını əhatə etməsi universitetlərarası əməkdaşlığın uzunmüddətli və çoxşaxəli xarakter daşıdığını göstərir. Belə tərəfdaşlıqlar bilik transferini, ortaq innovasiya mühitini və beynəlxalq akademik inteqrasiyanı gücləndirir. Bu isə ali təhsildə keyfiyyətin və rəqabət qabiliyyətinin artırılmasına xidmət edir.

Azərbaycan Texnologiya Universiteti (ATU) Özbəkistanın paytaxtı Daşkənd şəhərində təşkil olunan beynəlxalq təhsil sərgisində uğurla təmsil olunub. Elm və Təhsil Nazirliyinin dəstəyi ilə keçirilən tədbirdə Azərbaycanın 17 ali təhsil müəssisəsi iştirak edib.

Sərgidə ATU-nun təqdim etdiyi stend ziyarətçilərin, xüsusilə də Özbəkistanın abituriyent və tələbələrinin böyük marağına səbəb olub. Universitetin tədris proqramları, ixtisasları, beynəlxalq əməkdaşlıq imkanları və tələbələr üçün təqdim olunan üstünlüklər haqqında ziyarətçilərə ətraflı məlumat verilib.

Bu təşəbbüs SDG 4 (Keyfiyyətli təhsil) və SDG 17 (Məqsədlər üçün tərəfdaşlıqlar) ilə əlaqəlidir. Beynəlxalq təhsil sərgilərində iştirak universitetin tədris imkanlarının və beynəlxalq əməkdaşlıq potensialının daha geniş auditoriyaya təqdim olunmasına şərait yaradır. Xarici abituriyent və tələbələrlə birbaşa təmas təhsilin beynəlmiləlləşməsi baxımından mühüm əhəmiyyət daşıyır. Bu yanaşma ali təhsil müəssisəsinin qlobal görünürlüğünü və cəlbediciliyini artırır.

Azərbaycan Texnologiya Universitetində (ATU) 28 May - Müstəqillik Gününə həsr olunmuş tədbir keçirilib. Tədbirdə Azərbaycan Respublikasının Dövlət Himni səsləndirilib. Daha sonra Ulu Öndər Heydər Əliyevin və Azərbaycanın müstəqilliyi, ərazi bütövlüyü uğrunda canından keçən şəhidlərin əziz xatirəsi bir dəqiqəlik sükutla yad edilib. Ardınca “Tarixin izi ilə” adlı qısametrajlı film nümayiş etdirilib.

Tədbirdə ATU-nun sosial məsələlər və ictimaiyyətlə əlaqələr üzrə prorektoru Şahmar Həsənov, İctimai elmlər və multikulturalizm kafedrasının dosentləri Hüseyn Budaqov, Mehriban Tağıyeva 28 May - Müstəqillik Gününə həsr edilmiş mövzularla çıxış ediblər. 

Çıxışlarda qeyd olunub ki, Azərbaycan Xalq Cümhuriyyəti cəmi 23 ay fəaliyyət göstərməsinə baxmayaraq, ilk respublika dövründə həyata keçirilən tədbirlər müstəqil dövlətçiliyimizin əsaslarının yaradılması və gələcək inkişaf yolunun müəyyənləşdirilməsində böyük əhəmiyyət kəsb edib. Tədbirdə Azərbaycan xalqının müstəqillik uğrunda apardığı mübarizələrdən bəhs edilib,  XX əsrin sonlarında yenidən müstəqilliyinə qovuşan Azərbaycanı parçalanmaqdan məhz Ümummilli Lider Heydər Əliyevin xilas etdiyi, Ulu Öndər siyasi kursunun davamçısı Prezident İlham Əliyevin müasir dünyaya səs salan Zəfər salnaməsi ilə Azərbaycanın öz müqəddəratını təyin etməyə qadir olduğunu bir daha sübuta yetirdiyi, istiqlal ideyası uğrunda atılan addımların bu gün Azərbaycanı gələcəyə doğru inamla irəliyə aparan yol olduğu qeyd edilib.