Bakalavr və magistr tələbələri üçün təşkil olunmuş "Ekoloji Monitorinq Əsasları və Müasir Dünyada Yaşıl Texnologiyaların Tətbiqi ilə İnnovativ Həllər" mövzusunda geniş təlim baş tutdu.

Təlimçi :Azərbaycan Texnologiya Universiteti İnnovasiya Mərkəzinin direktoru və "Ətraf mühitin mühafizəsi " kafedrasının müəllimi Şamo Salayev

Təlimdə tələbələr:

Ekoloji monitorinqin prinsipləri və metodları,

Ətraf mühitin qorunması üçün istifadə olunan yeni texnologiyalar,

Dayanıqlı inkişaf və yaşıl texnologiyaların əhəmiyyəti,

İqlim dəyişiklikləri ilə mübarizədə texnoloji innovasiyaların rolu,

Tədqiqat və elmi araşdırma mövzularının düzgün seçilməsi üsulları haqqında geniş məlumat əldə etdilər.

Təlim zamanı tələbələrə həm nəzəri biliklər, həm də praktiki nümunələr təqdim edildi. Gələcəkdə aparacaqları elmi araşdırmalar və magistr dissertasiya mövzularını seçərkən diqqət etməli olduqları əsas istiqamətlər izah edildi.

Bu təşəbbüs SDG 13 (İqlim dəyişikliklərinə qarşı mübarizə), SDG 9 (Sənaye, innovasiya və infrastruktur) və SDG 4 (Keyfiyyətli təhsil) ilə əlaqəlidir. Ekoloji monitorinq metodlarının öyrənilməsi ətraf mühitin qorunmasına elmi yanaşmanı gücləndirir. Yaşıl texnologiyaların tətbiqi davamlı inkişafın təmin olunmasında mühüm rol oynayır. Bu isə ekoloji və texnoloji inteqrasiyanın inkişafına töhfə verir.

Azərbaycan Texnologiya Universitetinin Qida mühəndisliyi fakültəsi Gəncə şəhəri və ətraf rayonların, o cümlədən kənd məktəblərinin yuxarı sinif şagirdləri üçün tanıtım kampaniyası təşkil edib. 

Kampaniya çərçivəsində fakültənin nəzdində fəaliyyət göstərən Qida mühəndisliyi və ekspertiza, Ətraf mühitin mühafizəsi kafedralarının əməkdaşları Gəncə şəhərinin 11, 14 və 15 saylı orta məktəblərində, eləcə də Goranboy, Şəmkir, Tovuz məktəblərində şagirdlər ilə görüşlər keçiriblər. 

Təqdimatlarda kafedra nümayəndələri tədris olunan ixtisaslar, qəbul imkanları, təcrübə proqramları, əmək bazarındakı perspektivlər, o cümlədən universitetin maddi-texniki bazası və tələbələrə yaradılan şərait barədə ətraflı məlumat veriblər. Eyni zamanda, şagirdləri maraqlandıran suallar cavablandırılıb, ixtisas seçimində dəstək ola biləcək çap materialları təqdim olunub, daha yaxından tanışlıq üçün valideynləri ilə birgə ATU-ya dəvət ediliblər.

Görüş çərçivəsində Azərbaycan Texnologiya Universitetinin İnnovasiya Mərkəzinin direktoru Şamo Salayev tərəfindən mərkəzin fəaliyyəti, mövcud klublar və onların istiqamətləri haqqında ətraflı məlumat verilib.

Əməkdaş və könüllülərə innovativ layihələr və startaplar barədə geniş məlumat təqdim olunaraq, bu sahədəki yeni imkanlar və təşəbbüslər müzakirə edilib.

Bu təşəbbüs SDG 9 (Sənaye, innovasiya və infrastruktur) və SDG 17 (Məqsədlər üçün tərəfdaşlıqlar) ilə əlaqələndirilir. Dövlət qurumları ilə universitet arasında əməkdaşlıq innovativ ideyaların inkişafına yeni imkanlar yaradır. Bu cür görüşlər iştirakçılara real innovasiya mühitini yaxından tanımaq imkanı verir. Bu isə innovasiya ekosisteminin genişlənməsinə töhfə verir.

Azərbaycan Texnologiya Universitetinin Yüngül sənaye mühəndisliyi və logistika fakültəsi Gəncə şəhəri və ətraf rayonların, o cümlədən kənd məktəblərinin yuxarı sinif şagirdləri üçün tanıtım kampaniyası təşkil edib.

Kampaniya çərçivəsində fakültənin nəzdində fəaliyyət göstərən Yüngül sənaye mühəndisliyi və dizayn, Maşın mühəndisliyi və logistika, eləcə də Kimya və metallurgiya mühəndisliyi kafedralarının əməkdaşları Gəncə, Mingəçevir, Göyçay, Goranboy, Göygöl, Şəmkir, Tovuz kimi şəhər və rayonlarda, eləcə də kənd məktəblərində şagirdlər ilə görüşlər keçiriblər.

 Təqdimatlarda kafedra nümayəndələri tədris olunan ixtisaslar, qəbul imkanları, təcrübə proqramları, əmək bazarındakı perspektivlər, o cümlədən universitetin maddi-texniki bazası və tələbələrə yaradılan şərait barədə ətraflı məlumat veriblər. Eyni zamanda, şagirdləri maraqlandıran suallar cavablandırılıb, ixtisas seçimində dəstək ola biləcək çap materialları təqdim olunub, daha yaxından tanışlıq üçün valideynləri ilə birgə ATU-ya dəvət ediliblər.

Azərbaycan Texnologiya Universitetində (ATU) Elmi Şuranın növbəti iclası keçirilib. Universitetin rektoru, elmi şura sədri Yaşar Ömərov yetərsayı nəzərə alaraq iclası açıq elan edib, gündəlikdə duran məsələləri diqqətə çatdırıb. 

İclasda Tədrisin təşkili və idarə olunması şöbəsinin müdiri Cəsarət Şabanovun yaz imtahan sessiyasına hazırlığın vəziyyətinə dair hesabatı dinlənilib. Ardınca İctimai elmlər və multikulturalizm kafedrasının müdiri Fuad Yusifovun, Beynəlxalq əməkdaşlıq şöbəsinin müdiri Ülviyyə Məmmədovanın, eləcə də Mühasibat uçotu və iqtisadi təhlil şöbəsinin müdiri İradə Zeynalabdinzadənin hesabatı dinlənilib. Daha sonra strateji inkişaf və rəqəmsallaşma məsələləri üzrə müşavir Mehman Kərimov Dayanıqlılıq komissiyasının yaradılması barədə təkliflə çıxış edib.  
                                               
İclasda Maşın mühəndisliyi və logistika kafedrasının əməkdaşı Rəsmiyyə Rzayevanın dosent elmi adı alması üçün Azərbaycan Respublikasının Prezidenti yanında Ali Attestasiya Komissiyası (AAK) qarşısında vəsatət qaldırılması ilə bağlı seçki keçirilib. 

İclas çərçivəsində Avtomatika, telekommunikasiya və informatika fakültəsinin dekanı, Avtomatika və informasiya texnologiyaları kafedrasının dosenti Rövşən Mustafa oğlu Hacıyev AAK-ın 11.04.2025-ci il tarixli qərarı ilə 3102.01 – Aqromühəndislik ixtisasında texnika elmləri elm sahəsi üzrə elmlər doktoru dərəcəsi alması münasibəti ilə təltif edilib.

Azərbaycan Texnologiya Universitetinin  akademik heyəti və gənc tədqiqatçıları  üçün “Web of Science” platformasına dair seminar təşkil olunub. Elm və Ali Təhsil üzrə Dövlət Agentliyinin təşkilatçılığı ilə baş tutan seminar "Elmi informasiya resurslarına çıxış və tədqiqat dəstəyi" mövzusuna həsr edilib.

Tədbirdə giriş sözü ilə ATU-nun elm və innovasiyalar üzrə prorektoru v.m.i.e., elm və xarici əlaqələr üzrə müşaviri Sahil Həmidov çıxış edib, keçilən mövzuların aktuallığını vurğulayaraq Agentliyin tədqiqatçılar üçün təşkil etdiyi silsilə tədbirlərin elmi potensialın artırılmasında və yeni imkanların tanıdılmasında mühüm rol oynadığını bildirib.  

Seminarı Clarivate şirkətinin Azərbaycan üzrə məsul əməkdaşı İltifat İbrahimov təqdim edib, iştirakçılara “Web of Science” platforması, “Web of Science Research Assistant” Suni İntellekt aləti, “Journal Citation Reports”, təşkilat və tədqiqatçı profilləri, həmçinin “EndNote” referans idarəetmə sistemi barədə geniş məlumat verərək mövzu ətrafında ünvanlanan sualları cavablandırıb.

Bu təşəbbüs SDG 4 (Keyfiyyətli təhsil) və SDG 9 (Sənaye, innovasiya və infrastruktur) ilə uyğunluq təşkil edir. Elmi informasiya bazalarından istifadə bacarıqlarının inkişaf etdirilməsi tədqiqat keyfiyyətinin yüksəldilməsinə şərait yaradır. Müasir alətlərin tətbiqi elmi nəticələrin ölçülməsi və təqdim olunmasını daha effektiv edir. Bu isə akademik fəaliyyətin beynəlxalq səviyyədə rəqabət qabiliyyətini artırır.