Azərbaycan Texnologiya Universiteti ilk dəfə "Times Higher Education" (THE) reytinqində yer alıb.
Azərbaycan Texnologiya Universiteti (ATU) dünyanın ən nüfuzlu reytinq təşkilatlarından biri olan “Times Higher Education” (THE) agentliyinin “Impact Rankings 2025” reytinqində yer alıb.
Bu reytinqdə ilk dəfə yer alan ATU 4 Dayanıqlı İnkişaf Məqsədi (DİM) üzrə qərarlaşaraq dünya üzrə 1501+ diapazonunda və Respublika üzrə isə 14-cü sırada mövqe tutub.
Belə ki, ATU DİM 1 istiqaməti üzrə 601-800 diapazonunda yerləşməklə Azərbaycanın region universitetləri arasında birinci yerdə qərarlaşıb.
ATU “Impact Rankings 2025”də DİM 2 istiqaməti üzrə 601-800 diapazonunda, DİM 8 istiqaməti üzrə 1001+ diapazonunda, DİM 17 istiqaməti üzrə isə 1001-1500 diapazonunda mövqe tutub.
“THE Impact Rankings” reytinq siyahısı THE tərəfindən hazırlanmış və BMT-nin Dayanıqlı İnkişaf Məqsədləri əsasında dünyanın ali təhsil müəssisələrinin sosial, iqtisadi və ekoloji sahələrdəki töhfəsini ölçən qlobal reytinq sistemidir. Bu reytinq universitetlərin tədqiqat fəaliyyəti, idarəetmə siyasətləri, sosial təsiri və ictimai öhdəliklərini obyektiv meyarlarla qiymətləndirməklə onların dayanıqlı inkişafa verdiyi dəstəyi əks etdirir.
Bu nailiyyət SDG 1 (Yoxsulluğa son), SDG 2 (Aclığa son), SDG 8 (Layiqli iş və iqtisadi artım) və SDG 17 (Məqsədlər üçün tərəfdaşlıqlar) istiqamətlərində universitetin fəaliyyətinin beynəlxalq səviyyədə tanındığını göstərir. “THE Impact Rankings”də yer almaq ali təhsil müəssisəsinin sosial, iqtisadi və institusional təsirinin qlobal meyarlarla qiymətləndirilməsi baxımından xüsusi önəm daşıyır. Bu nəticə universitetin dayanıqlı inkişaf gündəliyinə inteqrasiya olunmuş fəaliyyət modelini ortaya qoyur. Eyni zamanda, beynəlxalq görünürlüyün artması gələcək əməkdaşlıq və inkişaf imkanlarını daha da genişləndirir.
Azərbaycan Texnologiya Universitetində “Konstitusiya və Suverenlik İli” çərçivəsində “15 İyun Milli Qurtuluş Günü”nə həsr edilmiş tədbir keçirilib.
Tədbir Azərbaycan Respublikası Dövlət Himninin səsləndirilməsi, Ulu Öndər Heydər Əliyevin və Azərbaycanın müstəqilliyi və suverenliyi uğrunda canından keçmiş şəhidlərimizin əziz xatirəsinin bir dəqiqəlik sükutla yad edilməsi ilə başlayıb.
Daha sonra Milli Qurtuluş Gününə həsr edilmiş çarx nümayiş etdirilib.
Tədbirdə ATU-nun rektoru dos. Yaşar Ömərov açılış nitqi ilə çıxış edib. Bildirib ki, demokratik dəyərlərə və prinsiplərə uyğun ilk milli Konstitusiya Ümummilli Lider Heydər Əliyevin rəhbərliyi ilə hazırlanaraq 12 noyabr 1995-ci ildə ümumxalq səsverməsi yolu ilə qəbul edilib və bununla da Azərbaycanda demokratik quruluşun və hüquqi dövlətin təməli qoyulub. Rektor qeyd edib ki, Konstitusiyamız müasir və müstəqil Azərbaycanın Prezident cənab İlham Əliyevin rəhbərliyi ilə bugünkü yüksək və dinamik inkişaf səviyyəsinə çatmasını, Zəfər və nailiyyətlərə imza atmasını təmin edib.
Tədbirdə həmçinin, Gəncə şəhər İcra Hakimiyyəti başçısının müavini Adil Tağıyev, YAP Gəncə şəhər təşkilatının sədri Bayram Aslanov, Gəncə şəhər prokuroru Rauf Gözəlov, Gəncə Şəhər Məhkəməsinin sədri Xəqani Tağıyev çıxış edib, müstəqil Azərbaycanın inkişaf yolundan, Milli Qurtuluş Gününün tarixindən, suverenliyin bərpa edilməsindən, bu yolda Ulu Öndər Heydər Əliyevin və onun davamçısı Prezident İlham Əliyevin misilsiz xidmətlərindən bəhs ediblər.
Bu tədbir SDG 16 (Sülh, ədalət və güclü institutlar) ilə əlaqəlidir. Dövlətçilik, konstitusiya və suverenlik mövzularının gənclərə aşılanması hüquqi şüurun və vətəndaş məsuliyyətinin formalaşmasına xidmət edir. Tarixi-siyasi yaddaşın qorunması ictimai həmrəyliyin və milli dəyərlərə bağlılığın güclənməsinə şərait yaradır. Bu cür tədbirlər sabit, hüquqi və institusional baxımdan dayanıqlı cəmiyyət modelini dəstəkləyir.
Azərbaycan Texnologiya Universitetinin (ATU) rektoru Yaşar Ömərovun “Agro Dairy” MMC-nin nümayəndə heyəti ilə görüşü keçirilib.
ATU-da baş tutan görüşdə “Agro Dairy” şirkətini İnsan Resursları üzrə Baş direktor və İdarə Heyətinin üzvü Fatimə Tağıyeva, işə qəbul meneceri Kəmalə Eynullayeva, aqronomiya məsələləri üzrə müşavir Nizami Kazımov, rəqəmsal marketinq mütəxəssisi Leyla Acalova və ictimaiyyətlə əlaqələr üzrə aparıcı mütəxəssis Günel Məmmədova təmsil edib.
Görüş zamanı sənaye yönümlü əməkdaşlıq imkanları, xüsusilə kadr hazırlığı, elmi-praktik tərəfdaşlıq, birgə layihələrin icrası və universitet–sənaye əlaqələrinin gücləndirilməsi məsələləri müzakirə olunub. Tərəflər gələcək əməkdaşlığın əsas istiqamətləri üzrə razılığa gəliblər.
Qeyd edək ki, “Agro Dairy” 10 illik təcrübə ilə Azərbaycanın aparıcı kənd təsərrüfatı və qida sənayesi şirkətlərindən biridir. 2024-cü ildən etibarən isə bitkiçilik, taxıl emalı, heyvandarlıq, süd və ət məhsullarının istehsalı sahəsində ixtisaslaşmış 14 müəssisənin birləşməsi ilə vahid “Agro Dairy” şirkəti adı altında fəaliyyətini davam etdirir.
Bu fəaliyyət SDG 8 (Layiqli iş və iqtisadi artım), SDG 9 (Sənaye, innovasiya və infrastruktur) və SDG 17 (Məqsədlər üçün tərəfdaşlıqlar) ilə bağlıdır. Universitet və aqrar-sənaye şirkəti arasında əməkdaşlığın genişlənməsi praktik kadr hazırlığının və tətbiqyönümlü layihələrin inkişafına şərait yaradır. Birgə təşəbbüslərin müzakirəsi təhsil ilə istehsalat arasında qarşılıqlı faydalı əlaqələrin möhkəmlənməsinə xidmət edir. Bu yanaşma müasir əmək bazarının ehtiyaclarına uyğun peşəkar hazırlığın güclənməsini təmin edir.
Azərbaycan Texnologiya Universitetində (ATU) Elmi Şuranın yeni tərkibdə ilk iclası keçirilib. Universitetin rektoru, elmi şura sədri Yaşar Ömərov yetərsayı nəzərə alaraq iclası açıq elan edib, gündəlikdə duran məsələləri diqqətə çatdırıb.
İclasda Tədri̇si̇n təşki̇li̇ və İdarə edi̇lməsi̇ şöbəsinin müdiri Cəsarət Şabanov buraxılış işlərinin, magistr dissertasiyalarının yerinə yetirilməsinin və dövlət imtahanlarına hazırlığın, eləcə də qəbul planının vəziyyəti barədə məruzə ilə çıxış edib.
Daha sonra İdarəetmə kafedrasının müdiri Fizuli Məmmədovun, İqtisadiyyat kafedrasının müdiri Natiq Cavadovun hesabatları dinlənilib.
Elmi Şurada Rektor təqaüdünün məbləğinin artırılması, yeni ixtisasların açılması ilə bağlı işçi qrupunun yaradılması, tədris metodiki vəsaitlərin təsdiqi kimi məsələlərə baxılıb, əməkdaşlardan Minurə Kərimovanın dosent elmi adı alması üçün Azərbaycan Respublikasının Prezidenti yanında Ali Attestasiya Komissiyası qarşısında vəsatətin qaldırılması ilə bağlı səsvermə keçirilib.
İclas çərçivəsində Maşın mühəndisliyi və logistika kafedrasının dosenti Şahin Quliyev 70 illik yubileyi, İdarəetmə kafedrasının əməkdaşı Gülgün Abdıyevaya fəlsəfə doktoru elmi dərəcəsinə layiq görülməsi münasibəti ilə təltif edilib.
Azərbaycan Texnologiya Universitetində (ATU) 2023–2030-cu illəri əhatə edən Strateji İnkişaf Planı (SİP) çərçivəsində tələbələrin bilik və bacarıqlarının artırılması məqsədilə silsilə təlimlər təşkil olunur.
Universitetin Qida mühəndisliyi, Avtomatika, telekommunikasiya və informatika, Yüngül sənaye mühəndisliyi və logistika, həmçinin İqtisadiyyat və idarəetmə fakültələrinin tələbələrini əhatə edən növbəti təlimlər rəqəmsal savadlılığın artırılmasına, tələbələrin əmək bazarına hazırlıq səviyyəsinin yüksəldilməsinə və müasir texnologiyalara çıxış imkanlarının genişləndirilməsinə xidmət edib.
Təlimlər Kompüter mühəndisliyi və telekommunikasiya kafedrasının əməkdaşları – Ababil Nağıyeva, Kənan Abdullayev və Ülvi Rəfizadə tərəfindən həyata keçirilib. Sessiyalar çərçivəsində tələbələrə "MS Office” proqramlarının funksional imkanları ilə işləmək bacarıqları və "Python" müasir proqramlaşdırma dillərinin əsasları öyrədilib.
Bu təşəbbüs SDG 4 (Keyfiyyətli təhsil), SDG 8 (Layiqli iş və iqtisadi artım) və SDG 9 (Sənaye, innovasiya və infrastruktur) ilə uyğunluq təşkil edir. Rəqəmsal savadlılıq və proqramlaşdırma bacarıqlarının inkişafı tələbələrin əmək bazarına hazırlıq səviyyəsini yüksəldir. Müasir texnologiyalar üzrə praktik biliklərin verilməsi onların peşəkar uyğunlaşma imkanlarını genişləndirir. Bu isə innovasiya yönümlü insan kapitalının formalaşmasına mühüm töhfə verir.
Azərbaycan Texnologiya Universitetində İmtahan sessiyası ilə bağlı təklif, irad və digər müraciətlərinizi daha çevik formada göndərmək imkanı yaradılıb.
Artıq QR kodu skan edərək fikir və təkliflərinizi elektron formada göndərə bilərsiniz.
Bu fəaliyyət SDG 4 (Keyfiyyətli təhsil) və SDG 16 (Sülh, ədalət və güclü institutlar) ilə əlaqələndirilə bilər. Rəqəmsal müraciət mexanizminin tətbiqi tələbələrlə idarəetmə arasında daha operativ və şəffaf kommunikasiya qurulmasına xidmət edir. Bu yanaşma problemlərin vaxtında aşkarlanmasına və həllinə imkan yaradır. Nəticədə tələbəyönümlü, hesabatlı və əlçatan universitet idarəçiliyi modeli güclənir.
