Azərbaycan Texnologiya Universitetində (ATU) 2023/2030-cu illəri əhatə edən Strateji İnkişaf Planına uyğun olaraq 2025-ci il üzrə müxtəlif ixtisaslar üzrə təlim və ixtisasartırma tədbirləri həyata keçirilir.

Tədbirlər çərçivəsində “Kompüter mühəndisliyi və telekommunikasiya”, “İqtisadiyyat” və “İdarəetmə” kafedralarının təşkilatçılığı ilə universitet əməkdaşları və tələbələr üçün silsilə təlimlər baş tutub. 

Təlimlər biliklərinin artırılması, 1C proqram təminatı, subordinasiya, daxili ünsiyyət, idarəetmə, liderlik, stress altında çalışma, kreativ və tənqidi düşüncə, vaxtın idarəolunması kimi yumşaq bacarıqlara yiyələnmə və s. mövzuları əhatə edib. 

Strateji planın icrası çərçivəsində reallaşdırılan bu tədbirlər universitetin tədris keyfiyyətinin artırılmasına və əmək bazarının tələblərinə uyğun kadrların hazırlanmasına yönəlib.

Bu təşəbbüs SDG 4 (Keyfiyyətli təhsil) və SDG 8 (Layiqli iş və iqtisadi artım) ilə sıx bağlıdır. Yumşaq bacarıqların inkişafına yönəlmiş təlimlər əmək bazarının tələblərinə uyğun kadr hazırlığını gücləndirir. İdarəetmə və kommunikasiya bacarıqlarının təkmilləşdirilməsi fərdlərin peşəkar effektivliyini artırır. Bu yanaşma davamlı insan resursları inkişafına xidmət edir.

Azərbaycan Texnologiya Universitetində (ATU) tələbələrin peşəkar inkişafına və sənaye ilə əlaqələrinin gücləndirilməsinə dəstək məqsədilə “AzerGold” QSC-nin seminarı təşkil olunub.

Seminarda universitet-sənaye əlaqələri üzrə rektor müşaviri Rövşən Əliyev, “AzerGold"un İnsan resursları şöbəsinin mütəxəssisi Qaffar Məmmədov, Kimya və metallurgiya mühəndisliyi kafedrasının müdiri Niyar Əmiraslanova, eləcə də universitetin müəllim və tələbə heyəti iştirak edib.

Tədbirdə çıxış edən Qaffar Məmmədov "AzerGold"un fəaliyyət istiqamətləri, tətbiq olunan istehsal texnologiyaları və insan resurslarının idarə olunması sahəsindəki yeniliklər barədə geniş məlumat verib. O, həmçinin “AzerGold”da mütəxəssis qəbulu ilə bağlı prosedur qaydalarını iştirakçıların diqqətinə çatdırıb, müəllim və tələbələrin suallarını cavablandırıb.

Qeyd edək ki, seminar ATU ilə “AzerGold” QSC arasında imzalanmış qarşılıqlı əməkdaşlığa dair fəaliyyət planı çərçivəsində təşkil olunub və bu istiqamətdə tədbirlərin davam etdirilməsi nəzərdə tutulur.

Bu fəaliyyət SDG 8 (Layiqli iş və iqtisadi artım) və SDG 9 (Sənaye, innovasiya və infrastruktur) məqsədləri ilə əlaqəlidir. Sənaye nümayəndələrinin universitet mühitinə inteqrasiyası tələbələrin real istehsal prosesləri haqqında biliklərini genişləndirir. İnsan resurslarının idarə olunması və texnoloji yanaşmaların təqdimatı peşəkar bacarıqların formalaşmasına şərait yaradır. Bu isə təhsil ilə sənaye arasında effektiv körpü rolunu oynayır.

Azərbaycan Texnologiya Universitetinin (ATU) tələbələrinin istehsalat təcrübəsi davam edir.

2024/2025-ci tədris ilinin yaz semestrində ATU-nun 260 tələbəsi istehsalat təcrübəsinə cəlb olunub. 

Hazırda tələbələrimiz 1 saylı Gəncə “Asan xidmət” Mərkəzi, Azərbaycan Dəmir Yolları QSC-nin, Azərbaycan Yerüstü Nəqliyyat Agentliyinin Gəncə Regional bölmələri, Azəralüminium Zavodu, Gəncə Tekstil fabriki, 10 saylı Regional Ekologiya və Təbii Sərvətlər İdarəsi, Ekoloji Park Kompleksi, Regional Turizm İdarəsi, Telekommunikasiya İdarələri, qabaqcıl bankların filialları, tanınmış otellər olmaqla ümumilikdə 19 müəssisədə istehsalat təcrübəsi keçir. 17 fevral tarixindən start verilmiş istehsalat təcrübəsi müvafiq olaraq may və iyun aylarının sonunadək davam edəcəkdir.

Qeyd edək ki, tələbələrin istehsalat təcrübəsi dövrünün səmərəli və effektiv təşkili üçün universitet müasir tələblərə cavab verən müəssisələrlə daim yeni əlaqələr qurur, əməkdaşlıq imkanlarını genişləndirir.

Bu fəaliyyət SDG 4 (Keyfiyyətli təhsil) və SDG 8 (Layiqli iş və iqtisadi artım) ilə əlaqələndirilir. Tələbələrin müxtəlif müəssisələrdə təcrübə keçməsi onların nəzəri biliklərini praktik bacarıqlarla möhkəmləndirir. Bu proses əmək bazarına daha hazırlıqlı daxil olmalarını təmin edir. Eyni zamanda işəgötürənlərlə əlaqələrin genişlənməsi gələcək məşğulluq imkanlarını artırır.

Azərbaycan Texnologiya Universitetində gənc nəsli gələcəyin texnologiyaları ilə tanış etmək və onlara yeni bacarıqlar qazandırmaq məqsədilə maraqlı bir təlim baş tutub. "Süni intellekt alətləri və tədrisdə innovativ yanaşma" mövzusunda keçirilən təlimdə təlimçi qismində meynəlxalq sertifikatlı təlimçi(Google Certificate), ATU İnnovasiya Mərkəzinin direktoru Şamo Salayev çıxış edib. Təlim zamanı tələbələr aşağıdakı mövzularla tanış olublar:

-ChatGPT, Canva AI, Quillbot və digər süni intellekt alətləri

-İnnovativ tədris metodları və fərdi öyrənmə yanaşmaları

-Rəqəmsal dərs planlarının hazırlanması

-Gələcəkdə təhsilin necə dəyişəcəyinə dair maraqlı müzakirələr

Təlim interaktiv şəkildə, sual-cavab və praktiki nümunələrlə keçirilib. Gənclər süni intellekt alətlərini necə tətbiq edə biləcəklərini real nümunələr üzərindən öyrəniblər.

Qeyd edək ki, bu fəaliyyət SDG 4 (Keyfiyyətli təhsil) və SDG 9 (Sənaye, innovasiya və infrastruktur) ilə əlaqəlidir. Elmi vebinarlar tədqiqatçıların beynəlxalq standartlara uyğun bilik və bacarıqlar əldə etməsinə şərait yaradır. Süni intellekt əsaslı yanaşmaların öyrənilməsi elmi məhsuldarlığın artırılmasına kömək edir. Bu isə qlobal elmi inteqrasiyanı gücləndirir.

Azərbaycan Texnologiya Universitetinin (ATU) "Avtomatika, rabitə və informasiya texnologiyaları” adlı elmi jurnalının ilk nömrəsi işıq üzü görüb. Bu, universitetin bu mövzu üzrə ilk ixtisaslaşmış elmi jurnalıdır.

Jurnal avtomatika, rabitə və informasiya texnologiyaları sahəsində aparılan elmi-tədqiqat işlərini əhatə edir və bu istiqamətdə çalışan alim və tədqiqatçılar üçün nəzərdə tutulub. Nəşr elmi biliklərin yayılması, təcrübə mübadiləsinin aparılması və müasir texnoloji tendensiyaların elmi təhlili üçün mühüm platforma olacaq.

ISSN: 3080-0927 (Print) nömrəsi ilə qeydiyyatdan keçmiş jurnalın nəşri Gəncə şəhərində həyata keçirilir. Jurnal haqqında daha ətraflı məlumat və növbəti buraxılışlarla bağlı elanları www.atu.edu.az saytından (elmi jurnallar bölməsi) əldə etmək olar.

Bu fəaliyyət SDG 4 (Keyfiyyətli təhsil) və SDG 9 (Sənaye, innovasiya və infrastruktur) ilə əlaqəlidir. Elmi jurnalların nəşri akademik biliklərin yayılması və tədqiqat nəticələrinin paylaşılması üçün mühüm platforma rolunu oynayır. Bu cür nəşrlər elmi diskursun genişlənməsinə və yeni ideyaların formalaşmasına şərait yaradır. Nəticədə innovasiya yönümlü elmi mühit daha da güclənir.

İnnovasiya və sürət lideri "Bakcell" Təhsilin İnkişafı Fondu (TİF) ilə birgə əməkdaşlığı çərçivəsində tələbələrə DaimOnline paketi ilə 5GB internet hədiyyə edir. Belə ki, “TələbəPlus” kartına sahib olan tələbələr bu üstünlükdən faydalana biləcəklər.

09.04.2025-ci ik tarixdə Bakcell nümayəndələri tərəfindən Azərbaycan Texnologiya Universitetində 5 GB hədiyyə internet paketinin əldə edilməsi və Bakcell-də karyera imkanları ilə bağlı tələbələrlə görüş keçiriləcəkdir.

Bu əməkdaşlığın əsas məqsədi tələbələrin rəqəmsal imkanlarını genişləndirmək, onların akademik və şəxsi inkişafını dəstəkləmək, eləcə də internetə daha rahat çıxışını təmin etməkdir.

Əməkdaşlıq çərçivəsində “TələbəPlus” kart sahibləri üçün xüsusi güzəştlər və əlavə imkanlar nəzərdə tutulur. DaimOnline paketi çərçivəsində tələbələrə hər ay 5GB əlavə internet bonusu təqdim ediləcək. Bu bonus onların təhsil prosesində onlayn resurslardan daha rahat və sərbəst şəkildə faydalanmasına imkan yaradacaqəbələrin rəqəmsal imkanlarını genişləndirmək, onların akademik və şəxsi inkişafını dəstəkləmək, eləcə də internetə daha rahat çıxışını təmin etməkdir.

Əməkdaşlıq çərçivəsində “TələbəPlus” kart sahibləri üçün xüsusi güzəştlər və əlavə imkanlar nəzərdə tutulur. DaimOnline paketi çərçivəsində tələbələrə hər ay 5GB əlavə internet bonusu təqdim ediləcək. Bu bonus onların təhsil prosesində onlayn resurslardan daha rahat və sərbəst şəkildə faydalanmasına imkan yaradacaq

Bu fəaliyyət SDG 9 (Sənaye, innovasiya və infrastruktur) və SDG 4 (Keyfiyyətli təhsil) ilə əlaqəlidir. Rəqəmsal resurslara çıxışın genişləndirilməsi tələbələrin təhsil prosesində daha fəal iştirakını təmin edir. İnternet imkanlarının artırılması onlayn tədris və tədqiqat fəaliyyətlərini dəstəkləyir. Bu isə rəqəmsal bərabərliyin gücləndirilməsinə xidmət edir.