İclasda Elmi Şura sədri, ATU-nun rektoru v.m.i.e. dos. Yaşar Ömərov kvorumu nəzərə alaraq iclası açıq elan edib, gündəlikdə duran məsələləri şura üzvlərinin diqqətinə çatdırıb.

İclasda tədris işləri üzrə prorektor Raqif Hüseynov növbəti tədris ilinin qəbul planı barədə məruzə ilə çıxış edib. 

Daha sonra Ümumi və tətbiqi fizika kafedrasının müdiri prof. Məntiq Cəfərovun hesabatı dinlənilib.

İclas çərçivəsində İqtisadiyyat kafedrasının dosenti Rafayıl Şükürov, Maşın mühəndisliyi və logistika kafedrasının dosenti Fərhad Vəliyev yubiley münasibətilə təltif ediliblər.

Azərbaycan Texnologiya Universitetinin (ATU) tərəfdaş olduğu, Avropa Birliyi tərəfindən maliyyələşdirilən, Azərbaycan Dövlət İqtisad Universitetinin (UNEC) koordinatorluğu ilə həyata keçirilən “Azərbaycan Universitetlərində Yaşıl və Dayanıqlı İqtisadiyyatın Təkmilləşdirilməsi: Bərpa Olunan Enerji və İqlim Dəyişikliklərinin Azaldılması - REFRESH” layihəsi çərçivəsində İspaniya Krallığının Barselona Universitetinə (UB) təcrübə səfəri baş tutub.

Səfərdə Azərbaycan Texnologiya Universitetini Strateji inkişaf və rəqəmsallaşma məsələləri üzrə rektor müşaviri Mehman Kərimov təmsil edib.

Səfər çərçivəsində iştirakçılar UB-nin Bərpa Olunan və Daynıqlı Enerji üzrə magistratura proqramının tədris planı, sillabusda əhatə olunan mövzular, proqramın məqsədi, kompetensiyalar, qəbul kriteriyaları, sessiyaların və praktik məşğələlərin təşkili, tədris metodologiyaları, qiymətləndirmə sistemləri və tələbə dəstəyi xidmətləri ilə yaxından tanış olub, Dövri İqtisadiyyat və Dayanıqlılıq üzrə İxtisaslaşma proqramı haqqında məlumat əldə ediblər.

Təcrübə səfərinin son günündə UB nümayəndələri tərəfindən "İnnovasiya Ekosistemlərinin Qurulmasında Universitet-Sənaye Əlaqələrinin Rolu" mövzusunda seminar, eləcə də Azərbayacanın COP29-a sədrlik etməsinin əhəmiyyəti haqqında müzakirə sessiyası baş tutub.

Əvvəlcə Azərbaycan Respublikasının Dövlət Himni səsləndirilib. Ardınca Ulu Öndər Heydər Əliyevin və Vətənimizin bütövlüyü uğrunda canından keçən şəhidlərin əziz xatirəsi bir dəqiqəlik sükutla yad edilib.

Giriş sözü ilə Azərbaycan Texnologiya Universitetinin rektoru v.m.i.e dos.Yaşar Ömərov çıxış edib. Y.Ömərov bu günün ATU ailəsi üçün əlamətdar bir gün olduğunu qeyd edib. O, məzunların bundan sonra da layiqli vətəndaş olacaqlarına, gələcək həyatda, təhsil sahəsində yeni-yeni uğurlara imza atacaqlarına əminlik ifadə edib.

Gəncə şəhər İcra Hakimiyyətinin başçısı Niyazi Bayramov, Yeni Azərbaycan Partiyasının Gəncə şəhər təşkilatının sədri Bayram Aslanov, “Nar" şirkətinin Baş icraçı direktoru Qunnar Panke, Azərbaycan Texnologiya Universitetinin professoru Ələmdar Əlbəndov, valideynlər, əlaçı və eyni zamanda qazi məzunlar çıxış edərək tələbələri təbrik edib, həyatlarının bundan sonrakı mərhələsində uğur və nailiyyətlər arzulayıblar.

Tədbir ən yüksək göstəriciləri olan, universitetin ictimai həyatında və idman sahəsində fərqlənən tələbələrin təltif olunması ilə davam edib. Ən yüksək nəticələrlə məzun olanların şəkilləri və məlumatları monitorda əks olunub. Məzunlarımıza ATU ilə əməkdaşlığı olan ATS Food MMC-nin Şəmkir istehsal sahəsi, “Nar"  şirkəti tərəfindən hədiyyələr verilib. 

Məzun Günü “Eurovision-2022” müsabiqəsində ölkəmizi təmsil edən, Respublikamızın gənc və istedadlı ifaçılarından olan Nadir Rüstəmlinin konsert proqramı ilə davam edib.

Bundan başqa DJ Xaliq Bağırov, “Gəncə band” nəfəsli alətlər qrupu, Gəncə Dövlət Filarmoniyasının solistləri, eləcə də universitetin məzun tələbələri tədbir iştirakçıları qarşısında maraqlı musiqi nömrələri ilə çıxış edib.

Məzun Günü tələbələrin müxtəlif musiqi sədaları altında rəqsi ilə davam edib.

Sonda məzunlar Vətənə, xalqa, dövlətə sadiq qalacaqlarına, bundan sonrakı həyatlarında böyük həvəslə çalışaraq layiqli mütəxəssis olacaqlarına and içərək məzun papaqlarını səmaya atıblar.

Azərbaycan Texnologiya Universitetində Qurban bayramı münasibətilə təsərrüfat işçiləri ilə görüş keçirilib. 

Görüşdə tədris işləri üzrə prorektor Raqif Hüseynov, sosial məsələlər və ictimaiyyətlə əlaqələr üzrə prorektor Şahmar Həsənov, ümumi işlər üzrə prorektor Rauf Bağırov, Təsərrüfat və təchizat şöbəsinin müdiri Mətləb Əliyev, Həmkarlar İttifaqı Komitəsinin sədri Xudayar Məmmədov iştirak edib, işçiləri universitet rəhbərliyi adından bayram münasibətilə təbrik edərək xoş arzularını çatdırıblar.

Daha sonra bütün təsərrüfat işçilərinə ATU Həmkarlar İttifaqı Təşkilatının xətti ilə bayram sovqatı və "Azersun" şirkətinin hədiyyələri paylanıb.

Azərbaycan Texnologiya Universitetində İctimai Şuranın (İŞ) ikinci iclası keçirilib. İclasda Azərbaycan Texnologiya Universitetinin rektoru v.m.i.e. dos. Yaşar Ömərov İctimai Şura üzvlərini salamlayıb, müzakirə olunacaq məsələlərin, ediləcək təklif və tövsiyələrin, ümumilikdə ictimai rəyin öyrənilməsinin universitetin fəaliyyətində əhəmiyyətini vurğulayıb.

İclasda İŞ sədri, Azərbaycan Milli Elmlər Akademiyasının Gəncə Bölməsinin sədri akademik Fuad Əliyev, üzvlərdən “Respublika” qəzetinin bölgə müxbiri Zabit Xəlilov, “Regional İnkişaf” İctimai Birliyinin (İB) Gəncə-Daşkəsən bölməsinin nümayəndəsi Aişə Osmanlı, “Təmas” Regional İnkişaf İB-nin sədri Südabə Məmmədova, “Təşəbbüslərin İnkişaf Mərkəzi” İB-nin sədri Azad Rəhimov, ATU-nun tədris işləri üzrə prorektoru Raqif Hüseynov, sosial məsələlər və ictimaiyyətlə əlaqələr üzrə prorektoru Şahmar Həsənov iştirak edib.

İŞ sədri və üzvləri 2023/2024-cü tədris ilinin yay imtahan sessiyası ilə tanış olub, prosesi monitor vasitəsilə izləyiblər. Onlara imtahanların gedişi və təşkili, İmtahan Komissiyası, Apellyasiya Komissiyasının fəaliyyəti ilə bağlı məlumatlar təqdim edilib. 

İclasda yay imtahan sessiyasının ardından ATU-nun inkişafı ilə bağlı mövcud vəziyyət və qarşıda duran məsələlər müzakirə edilib. Yekunda şura tərəfindən universitet rəhbərliyinə təklif və tövsiyələr təqdim edilib.

Qeyd edək ki, ötən il əsası qoyulan İctimai Şura ictimai rəyin əhəmiyyəti əsas götürülərək Gəncə universitetləri arasında ilk dəfə Azərbaycan Texnologiya Universitetində yaradılıb.