Azərbaycan Texnologiya Universitetində ECAR layihəsi çərçivəsində Ali təhsildə beynəlmiləlləşmə üzrə komitənin növbəti iclası keçirilib
Bakı Biznes Universitetinin koordinatorluğu və Avropa Komissiyasının maliyyə dəstəyi ilə həyata keçirilən “Azərbaycanda Rektorlar Konfransının yaradılması” (ECAR) adlı Erasmus+ layihəsi çərçivəsində Azərbaycan Texnologiya Universitetində (ATU) Ali təhsildə beynəlmiləlləşmə üzrə komitənin hibrid formatda növbəti iclası keçirilib.
İclasda ATU-nun tədris işləri üzrə prorektoru dos.Raqif Hüseynov iştirakçıları salamlayaraq bu layihənin təhsilin beynəlmiləlləşməsi, eləcə də rəqəmsal və innovativ iqtisadiyyatda ali təhsil müəssisələrinin rolunu artırmaq məqsədilə universitetlərarası əlaqələrin təmin olunmasına əhəmiyyətli dərəcədə dəstək verdiyini vurğulayıb.
15-ə yaxın ali təhsil müəssisəsindən məsul şəxslərin iştirakı ilə keçirilən görüşdə Azərbaycan Dillər Universitetinin Beynəlxalq əlaqələr üzrə prorektoru, əvvəlki komitə sədri dosent Jalə Qəribova tərəfdaşlara müvafiq komitənin hesabatını təqdim edib, daha sonra Bakı Biznes Universitetinin Beynəlxalq əlaqələr üzrə prorektoru Eşqin Bayramov komitə sədri və sədr müavinlərinin yenidən seçkisi barədə iştirakçılara məlumat verib, müvafiq komitənin səsverməsi həyata keçirilib.
İclasda ATU-nun Beynəlxalq əməkdaşlıq şöbəsinin müdiri v.m.i.e. Ramidə Xəlilova və layihə meneceri İlahə Qurbanova da iştirak edib.
İşgüzar görüş ATU -nun rektoru v.m.i.e. dos. Yaşar Ömərovla "Azerbaijan Coca-Cola Bottlers" şirkətinin Baş direktoru Rəna Məmmədovanın iştirakı ilə baş tutub.
Görüşdə kadr tələbatı və birgə kadr hazırlığı, istehsalat təcrübəsinin təşkili, elmi əməkdaşlıq, birgə tədbirlərin keçirilməsi və s. kimi əməkdaşlıq məsələləri müzakirə edilib.
Görüşə həmçinin, ATU-nun Qida mühəndisliyi fakültəsinin dekanı Mehman İsmayılov, "Azerbaijan Coca-Cola Bottlers"in insan resursları üzrə supervayzeri Gülen İbrahimzadə və ictimaiyyətlə əlaqələr və kommunikasiya üzrə supervayzeri Türkan Manaflı da qatılıb.
Qeyd edək ki, Coca-Cola şirkəti 2030-cu ilə qədər müəyyənləşdirdiyi Davamlı İnkişaf Öhdəliklərinin “Müxtəliflik və Daxilolma” bəndinə uyğun olaraq müxtəlif proqramlar, o cümlədən ölkənin aparıcı universitetləri ilə əməkdaşlıq həyata keçirir
Azərbaycan Texnologiya Universitetində (ATU) fakültələrdə keyfiyyət təminatı siyasətinə həsr olunmuş məlumatlandırma görüşləri təşkil olunub. Yüngül sənaye mühəndisliyi və logistika, Qida mühəndisliyi, Avtomatika, telekommunikasiya və informatika, eləcə də İqtisadiyyat və idarəetmə fakültələrində baş tutan görüşlərdə fakültə heyəti ilə yanaşı, müvafiq kafedraların əməkdaşları da iştirak ediblər.
Görüşlərdə ATU-nun tədris və idarəetmə proseslərində keyfiyyətin yüksəldilməsi, beynəlxalq standartlara uyğun fəaliyyətin təmin olunması, eləcə də universitetin Keyfiyyət siyasəti barədə iştirakçılara ətraflı məlumat verilib, müvafiq sənəddə nəzərdə tutulan məsələlər müzakirə edilib. Qeyd olunub ki, keyfiyyət siyasətinin uğurlu tətbiqi yalnız mərkəzləşdirilmiş idarəetmə ilə deyil, həm də fakültə və kafedralarda çalışan hər bir əməkdaşın aktiv iştirakı ilə mümkündür.
Məlumatlandırma görüşlərinin keçirilməsində məqsəd universitet kollektivinin bütün üzvlərinin keyfiyyət təminatı prinsipləri barədə məlumatlılığını artırmaq, bu istiqamətdə birgə məsuliyyəti gücləndirmək və tədris prosesinin davamlı inkişafını dəstəkləməkdən ibarətdir.
BP şirkətinin Azərbaycan Texnologiya Universitetində həyata keçirdiyi “Kibertəhlükəsizlik üzrə elmi, metodiki, tədqiqat və təlim mərkəzinin (layihəsinin) təşkili” layihəsinə dair məlumatlandırma günü keçirilib.
Tədbirdə Avtomatika telekommunikasiya və informatika fakültəsinin dekanı Rövşən Hacıyev layihənin əsas məqsədi, kibertəhlükəsizlik mərkəzinin gələcək fəaliyyəti barədə geniş məlumat verib.
Qeyd edək ki, mərkəz ATU tələbələrinə kriptoqrafiya və kriptologiya üzrə xüsusi hazırlanmış kurikuluma əsasən təlimlərin verilməsini, Gəncə və ətraf ərazilərdə fəaliyyət göstərən dövlət və biznes müəsissələri üçün kibertəhlükəsizlik sahəsi üzrə qabaqcıl biliyə malik kadrların hazırlanmasını və həmçinin İKT sahəsində vətəndaş cəmiyyəti, biznes və dövlət orqanları nümayəndələrinə təlimlərin həyata keçirilməsini nəzərdə tutur.
