AVTOMATİKA VƏ İNFORMASİYA TEXNOLOGİYALARI

 KAFEDRASI

KAFEDRANIN TARİXİ

Kafedra 1970-ci ildən 1975 illədək Fizika və elektrotexniki fənlər kafedrasının tərkibində fəaliyyət göstərmişdir. 1975-ci ildən həmin kafedradan üç kafedra yaranmışdır. Onlardan biri 1975-2004-ci illərdə fəaliyyət göstərən “Avtomatika və hesablama texnikası” kafedrası olmuşdur. 2004-cü ildən kafedra yeni tərkiblə və yeni adla “Avtomatika və idarəetmə” kafedrası kimi fəaliyyət göstərir. Kafedrada azərbaycan və rus bölmələrində texniki sistemlərdə idarəetmə və informatika, texnoloji proseslərin və istehsalın avtomatlaşdırılması, informasiya texnologiyaları və informasiya təhlükəsizliyi üzrə mütəxəssislər hazırlanır. 

Fəaliyyəti ərzində müxtəlif vaxtlarda kafedraya bir neçə professor və dosentlər: Dosent Abbasov Yaqub Hüseyn oğlu (1975-1980), dos. Atayev Ramiz Eyyub oğlu (1980-1985), dos. Quliyev Hamlet Bilal oğlu (1985-1990), dos.Əsədov Adil Mehdi oğlu (1990-2000), dos. Hüseynov Nazim İsfəndiyar oğlu (2000-2005), dos. Rzayeva Nurlana Rza qızı (2005-2006), dos. Kazımov Mirzə Saleh oğlu (2006-2007), prof. Bağırov Bayram Məhəmməd oğlu (2007-2009), dosent Kazımov Mirzə Saleh oğlu (2009-2013) rəhbərlik etmişlər.

2013-cü il fevral ayından kafedraya texnika elmləri namizədi, dosent Hacıyev Rövşən Mustafa oğlu rəhbərlik etmişdir. Kafedra Azərbaycan MEA-nın Elmi İnovasiya İnstitutu, Azərbaycan Dövlət Aqrar Universiteti, Azərbaycan Texniki Universiteti, Azərbaycan Neft Akademiyası və respublikanın digər universitetlərinin avtomatika və idarəetmə kafedraları, o cümlədən Rusiya Fedarativ Respublikası, Gürcüstan universitetləri ilə sıx əməkdaşlıq edir. Qlobal internet şəbəkəsinin və İKT köməyi ilə avtomatikanın müxtəlif sahələrinə aid Avropa standartlarına cavab verən yeni tədris vəsaitlərinin, proqram və metodiki göstərişlərin işlənməsi, tədris prosesində onlardan aktiv istifadə olunması sahəsində işlər aparılır. 

Kafedra özünün kitabxanasını yaratmışdır. Bura mühazirə mətnləri, proqramlar, metodiki göstərişlər, dərslik və dərs vəsaitləri, avtomatika, avtomatik idarəetmə sistemlərinə və texnikanın müxtəlif bölmələrinə aid kitablar toplanır. Kafedrada mütəmadi olaraq elmi seminarlar, açıq dərslər keçirilir. Elmi-tədqiqat işinin nəticələri müzakirə olunur. Kafedra əməkdaşları tərəfindən elmi-metodiki tövsiyələr, kitablar nəşr edilir, elmi jurnallarda, elmi-praktiki konfranslarda avtomatika və istehsalat proseslərinin avtomatik idarə edilməsi, informasiya texnologiyaları və təhlükəsizliyi sahəsində maraqlı çıxışlar edilir.

2017-ci ildə “Avtomatika və informasiya texnologiyaları” kafedrası yaradılmış və həmin ildən kafedraya dos. Hacıyev Rövşən Mustafa oğlu müdir vəzifəsinə seçilmişdir.

2022-2023-cü illərdə “Avtomatika və informasiya texnologiyaları” kafedrasına dos. İsmayılov Qabil Məcid oğlu rəhbərlik etmişdir.

2023-cü ildən kafedra müdiri vəzifəsini dos. Rövşən Fazil oğlu Qasımov icra edir. 

Hal-hazırda kafedranın professor-müəllim heyətinin sayı 18 nəfər, texniki heyət 1 nəfərdir. Professor-müəllim heyətinin 1 nəfəri professor, 2 nəfəri dosent, 10 nəfəri baş müəllim, 5 nəfəri isə assistent vəzifəsində çalışır.

Kafedrada 1 elmlər doktorluğu və 1 fəlsəfə doktorluğu işi yerinə yetirilir, 3 doktorant, 2 dissertant və 7 magistrant elmi-tədqiqat işi ilə məşğul olurlar.

 İXTİSASLAR

Ali təhsilin bakalavriat səviyyəsində kafedra aşağıdakı ixtisaslar üzrə kadr hazırlığı həyata keçirir:

• 050615 – “İnformasiya təhlükəsizliyi”;
• 050616 – “İnformasiya texnologiyaları”;
• 050634 – “Proseslərin avtomatlaşdırılması mühəndisliyi”.

Ali təhsilin magistratura səviyyəsində kafedra aşağıdakı ixtisaslar üzrə kadr hazırlığı həyata keçirir:

• 060628 – “Proseslərin avtomatlaşdırılması mühəndisliyi”; ixtisaslaşma: “Texniki sistemlərdə informatika və idarəetmə”;
• 060632 – “İnformasiya texnologiyaları və sistemləri mühəndisliyi”; ixtisaslaşma: “İnformasiya texnologiyaları və telekommunikasiya sistemləri”.

KAFEDRADA TƏDRİS OLUNAN FƏNLƏR

“Avtomatika və informasiya texnologiyaları” kafedrasında 2024/2025-ci tədris ilində ali təhsilin bakalavr səviyyəsində tədris olunan fənlər

1. Analoq elektronika
2. Avtomatik idarəetmə nəzəriyyəsi
3. Avtomatlaşdırma texnologiyası
4. Avtomatlaşdırmanın əsasları
5. Blokçeyn texnologiyaları
6. Bulud texnologiyaları
7. Bulud təhlükəsizliyi
8. Data mədənçiliyi
9. Diskret riyaziyyat
10. Dövrələr nəzəriyyəsi
11. Dövrələr nəzəriyyəsi-1
12. Dövrələr nəzəriyyəsi-2
13. Elektrik dövrələri nəzəriyyəsi-1
14. Elektrik dövrələri nəzəriyyəsi-2
15. Elektrik dövrələrinin əsasları
16. Elektronikanın əsasları
17. Əməliyyat sistemləri
18. Formal dillər və avtomatlar nəzəriyyəsi
19. Güc elektronikası və intiqalın idarəedilməsi
20. Hesablama təcrübələri
21. İdarəetmə nəzəriyyəsi
22. İdarəetmə sistemlərinin əməliyyat tədqiqi (digər kaf.)
23. İKT-baza kompüter bilikləri
24. İnformasiya kommunikasiya texnologiyaları
25. İnformasiya texnologiyaları
26. İnformasiya texnologiyaları (ixtisas üzrə)
27. İnformasiya texnologiyaları və sistemlərində informasiya təminatı
28. İnformasiya texnologiyalarında modelləşdirmə
29. İnformasiya texnologiyalarının əsasları
30. İnformasiya təhlükəsizliyində kodlama və şifrələmə
31. İnformasiya təhlükəsizliyinin əsasları
32. İnsan - kompüter interfeysi
33. İntellektual sistemlər
34. Kibertəhlükəsizliyin əsasları
35. Kommunikasiya və Bussistemin əsasları
36. Kompüter arxitekturası
37. Kompüter sistemlərində əməliyyatların tədqiqi
38. Kompüter şəbəkələri
39. Kompüter şəbəkələri və şinləri
40. Kompüter şəbəkələrində informasiya təhlükəsizliyi
41. Kompüterdə modelləşdirmə
42. Korporativ informasiya sistemləri
43. Qraflar nəzəriyyəsi
44. Maşın öyrənməsi
45. Mikroprosessorlar və proqramlaşdırılan inteqral mikrosxemlər
46. Mikroprosessorlu sistemlər 
47. Multimediya texnologiyaları
48. Obyektlərin modelləşdirilməsi
49. Ölçmə texnikasının əsasları
50. Paralel və paylanmış hesablamalar
51. Proqramlaşdırılan məntiqi kontrollerlər (PLC)
52. Proseslərin analizi və identifikasiyası
53. Rəqəmli idarəetmə
54. Rəqəmsal elektronika
55. Rəqəmsal elektronika və mikroprosessorlar
56. Rəqəmsal sistemlər
57. Sensor sistemlər
58. Sənaye avtomatlaşdırılması
59. Sxemotexnikanın əsasları
60. Siqnalların analoq və rəqəmli emalı
61. Sistem analizi və simulyasiya
62. Sistem proqramlaşdırma
63. Sistem proqramlaşdırması
64. Sosial mühəndislik
65. Süni intellekt
66. Şəbəkələrin əsasları
67. Veb sistemləri və  texnologiyaları
68. Veb təhlükəsizlik
69. Verilənlər bazalarının təhlükəsizliyi 
70. Verilənlər bazası sistemləri

“Avtomatika və informasiya texnologiyaları” kafedrasında 2024/2025-ci tədris ilində ali təhsilin magistratura səviyyəsində tədris olunan fənlər

1. Elmi tədqiqat işinin əsasları
2. İdarəetmə sistemində müasir element və qurğular
3. İnfokommunikasiya sistemləri
4. İnformasiya axtarış sistemləri
5. İnformasiya texnologiyaları və sistemlərinin müasir problemləri
6. İnformasiya texnologiyaları və sistemlərinin tarixi və metodologiyası
7. İnstrumental proqram vasitələri
8. Kriptoqrafiya və şəbəkə təhlükəsizliyi
9. Kütləvi xidmət nəzəriyyəsi
10. Müasir idarəetmə üsulları
11. Müasir kompüter texnologiyaları
12. Müasir telekommunikasiya texnologiyaları
13. Optimal və adoptiv idarəetmə
14. Paylanmış idarəetmə sistemləri
15. Proseslərin avtomatlaşdırılması mühəndisliyinin  tarixi və metodologiyası
16. Proseslərin avtomatlaşdırılması mühəndisliyinin müasir problemləri
17. Proseslərin avtomatlaşdırılması üzrə tədqiqat işinin üsul və vasitələri
18. Sistem mühəndisliyi
19. Sistemlər nəzəriyyəsi
20. Şəbəkə əməliyyat sistemlərinin tədqiqat üsulları
21. Şəbəkələrin əməliyyat sistemləri və proqram təminatı
22. Telekommunikasiya sistemlərinin modelləşdirilməsi
23. Telekommunikasiya şəbəkələrinin idarəetmə sistemləri
24. TK sistemlərində informasiyanın paylanması üsulları
25. Verilənlər və biliklərin idarəolunması
26. Yüksək səviyyəli verilənlər bazası

 

Kafedrada tədris olunan fənlərin proqramları Azərbaycan Respublikasının Elm və Təhsil Nazirliyi tərəfindən təsdiq olunub və çap edilmişdir.

Kafedrada tədrisi nəzərdə tutulmuş fənlər üzrə və bu fənlərin tədrisinin kredit sisteminin tələblərinə uyğun aparılması üçün illik iş planı, fənlər üzrə təsdiq edilmiş fənn proqramları, sillabusları, fənlər üzrə müəllimlərin tədris iş planları (forma 3, 3A və 6), müəllimlərin açıq dərslərinin qrafiki, müəllimlərin məsləhət saatlarının qrafiki və aparılacaq elmi seminarların qrafiki tərtib edilmiş və təsdiqlənmişdir.

Kafedrada professor-müəllim heyətinin tədris ilində mühazirə mətnlərinin elektron variantları vardır, onlar universitetin  kitabxanasına təhvil verilmiş və onlara mütəmadi nəzarət olunur.

İmtahanlara bir ay qalmış imtahan testləri və imtahan biletləri tərtib edilir və kafedra iclasında təsdiq olunur.

TƏDRİS-METODİKİ TƏMİNAT

“Avtomatika və informasiya texnologiyaları” kafedrası üzrə son 5 ildə nəşr olunmuş elmi işlər

Çap olunmuş elmi-metodik əsərlərinin sayı	2019 - 2024
Dərslik	-
Dərs vəsaiti/monoqrafiya	12
Fənn proqramı	116
Metodiki göstərişlər	3
Məqalə (Azərbaycanda)	102
Məqalə (xaricdə)	25
Tezislər	89