Gəncə şəhərində Təhsildə Keyfiyyət Təminatı Agentliyi (TKTA) ilə Azərbaycan Texnologiya Universiteti (UTECA) arasında keyfiyyət təminatına dair görüş keçirilib. UTECA-da baş tutan görüşdə universitetin rektoru, professor Akif Süleymanov və TKTA-nın idarə heyətinin üzvü Emil Xəlilov, Keyfiyyət təminatı departmentinin direktoru İlham Hümbətov və Təlim və metodologiya şöbəsinin müdiri Asiman İlyasov iştirak edib.Təhsil müəssisələrinin akkreditasiya qaydaları, bu istiqamətdə tətbiq olunan normativ-hüquqi aktlar – ali təhsil pilləsi üzrə dövlət standartları, dövlət təhsil strategiyası, təhsil proqramları barədə ətraflı müzakirələr aparılıb.Daha sonra Azərbaycan Respublikası Nazirlər Kabinetinin 2020-ci il 14 dekabr tarixli 493 nömrəli qərarı ilə təsdiq edilmiş "Təhsil müəssisəsinin akkreditasiya qaydaları" barədə məlumat sessiyası baş tutub. Sessiyada UTECA-nın struktur bölmələrinin rəhbərləri və professor-müəllim heyəti iştirak ediblər.Tədbirin sonunda təhsildə keyfiyyət təminatına dair verilən suallar cavablandırılıb.
Dünəndən bu günə, bu gündən sabaha Hörmətli Prezident İlham Əliyevin peşəkar diplomat və tanınmış dövlət xadimi kimi formalaşmasında iki əsas məqamların böyük rolu olmuşdur. Birincisi İlham Əliyevin dünyada tanınmış siyasi xadim, Azərbaycan Xalqının Ümummilli Lideri Heydər Əliyev və görkəmli alim, akademik Zərifə xanım Əliyevanın ailəsində anadan olmasıdır. İkincisi isə Prezident İlham Əliyevin dünyanın ən nüfuzlu diplomatik ali məktəbi hesab olunan Moskva Dövlət Beynəlxalq Münasibətlər İnstitutunda (MDBMİ) təhsil almasıdır. O MDBMİ – də təhsil aldığı dövrdə bir neçə xarici dilləri mükəmməl öyrənmiş, dərin elmi bilik və zəngin diplomatik təcrübə əldə etmişdir. Prezident İlham Əliyev qısa müddət ərzində 1982-2003-cü illərdə müxtəlif məsuliyyətli vəzifələri uğurla icra etmişdir. 2003-cü ildə Prezident seçkilərində seçicilərin etimadını qazanaraq 76 faiz səs toplayaraq Azərbaycan Respublikasının Prezidenti seçilmişdir. İlham Əliyev uğurlu daxili və xarici siyasəti, dövlət quruculuğunda səmərəli fəaliyyəti, əhalinin sosial rifahının ilbəil yüksəlməsi sayəsində 2008-ci il Prezident seçkisində seçicilərin 88,73 faiz, 2013-cü ildə 84,54 faiz və 2018-ci ildə 86,02 faiz səsini qazanaraq Azərbaycan Respublikasının Prezidenti seçilib. Prezident İlham Əliyev çox şaxəli elm, siyasət, dövlət quruculuğu və beynəlxalq münasibətlər, səmərəli fəaliyyətinə görə çoxlu sayda dövlətlərin ordenlərinə, fəxri elmi adlarına layiq görülmüşdür. Ulu öndər Heydər Əliyev Azərbaycan xalqına 01.10.2013-cü il tarixində müraciət edərək onun irsinin ən layiqli davamçısı kimi İlham Əliyevi layiq görmüşdür. Prezident İlham Əliyev bu müraciəti öz əməli işləri ilə yerinə yetirməyi bacardı. İlham Əliyevin daimi milli həmrəyliyi, sağlam əməkdaşlıq mühitini təşviq edərək həyata keçirdiyi islahatları sayəsində, Azərbaycan Respublikasının dayanıqlı inkişafına layiq “Biz birlikdə güclüyük şüarı” hesabına ölkədə yaşayan milli və siyasi həmrəylik zəfər tarixinin ideoloji əsasını təşkil etmişdir. İlham Əliyev siyasi dialoq ənənələrinə görə ölkə daxilində siyasi sabitliyin təmin olunmasına nail olmuşdur. Prezident İlham Əliyevin hal-hazırda qarşılıqlı etimada və milli maraqlara əsaslanan müstəqil siyasət həyata keçirməsilə Azərbaycan Beynəlxalq aləmdə siyasi sabitliyin, əmin-amanlığın, tərəqqinin, tolerantlığın məkanı olan ölkə kimi tanınmışdır. Hazırda Azərbaycan 120 ölkəni özündə birləşdirən Qoşulmama Hərəkatının sədri olmaqla bəzi beynəlxalq problemlərin həllində fəal iş aparır. Prezident İlham Əliyevin Tükdilli Dövlətlərin Əməkdaşlıq Şürasında sədrliyi dövründə təşkilatın fəaliyyətinin gücləndirilməsi, tükdilli ölkələr və xalqlar arasında dostluq, qardaşlıq və əməkdaşlığın möhkəmləndirilməsi istiqamətində dəyərli işlər görülmüşdür. Azərbaycan Respublikasının Prezidenti İlham Əliyev və Türkiyə Prezidenti Rəcəb Təyyub Ərdoğan arasında 2021-ci il iyunun 15-də Şuşada imzalanmış Bəyannamə iki ölkə arasındakı münasibətləri keyfiyyətcə yeni müttəfiqlik səviyyəsinə qaldırmışdır. Prezident İlham Əliyevin bir çox beynəlxalq forumların, xüsusi sessiyaların Azərbaycan Respublikasında təşkil olunmasına nail olması nəticəsində Bakı qlobal münasibətlər sistemində nüfuzlu beynəlxalq siyasi meydanlardan birinə çevirmişdir, bu isə öz növbəsində ölkəmizin beynəlxalq statusunun və beynəlxalq tərəfdaşlarının sayının artmasına səbəb olmuşdur. Heydər Əliyev adına Bakı-Tbilisi-Ceyhan, Cənub Qaz Dəhlizi kimi beynəlxalq əhəmiyyətli layihələrin həyata keçməsi sayəsində ölkəmizdə dayanıqlı iqtisadi vəziyyətin əldə olunmasına nail olunmuşdur. İlham Əliyev prezidentliyi dövründə avtomobil və dəmir yolu xəttlərinin, xüsusilə Gürcüstan, Rusiya və İran istiqamətində ölkə ərazisindən keçən magistral yolların beynəlxalq standartlar əsasında yenidən qurulması , Bakıda və regionlarda beynəlxalq hava limanlarının, Bakı-Tbilisi-Qars dəmir yolunun və Bakı Beynəlxalq Dəniz Ticarət Limanının tikintisi, Şərq-Qərb və Şimal-Cənub nəqliyyat dəhlizlərinin inkişafı istiqamətində həyata keçirilən tədbirlər Azərbaycanın nəqliyyat infrastrukturunun inkişafında əhəmiyyətli rol oynamaqla yanaşı, ölkəmizin tranzit potensialını daha da gücləndirmişdir. Ölkənin iqtisadi inkişafı sayəsində Azərbaycan 2013-cü ildə süni peyki orbitə çıxararaq dünya kosmos ailəsinin üzvünə çevrilib. 2013-cü ildə “Azerspace-1” telekommunikasiya, 2014-cü ildə isə “Azerspace-2” telekommunikasiya peyki orbitə çıxarılıb. Azərbaycanın hər bir regionunda quruculuq-abadlıq işləri aparılır və sosial-iqtisadi inkişaf proqramları davamlı olaraq icra edilir. Müzəffər Ali Baş Komandan İlham Əliyev daim ordunun müasir hərbi standartlara çatdırılmasına dair işlər aparmaqla, yeni, müasir silah və hərbi texnikaların satın alınmasına və ölkəmizdə hərbi məhsulların istehsalına nəzarət edir. Buna görə də Azərbaycan Silahlı Qüvvələri Müzəffər Ali Baş Komandan İlham Əliyevin rəhbərliyi altında 44 gün davam edən Vətən müharibəsində düşmən üzərində qələbə çalaraq tarixi nailiyyətə imza atdı. Ölkənin 30 ilə yaxındır ki, pozulmuş ərazi bütövlüyünün bərpası və xalqımızın mədəniyyət birliyi hesab olunan Şuşanın azad olunması Prezident İlham Əliyevin Zəfər zirvəsidir. Vətən müharibəsində qələbə münasibətilə “Zəfər” və “Qarabağ” ordenləri, həmçinin 15 yeni medal təsis olunub. Həmçinin xalqımızın Vətən müharibəsində göstərdiyi misilsiz qəhrəmanlığın və qazandığı tarixi zəfərin nümayiş etdirilməsi, şəhidlərimizin əziz xatirəsinin əbədiləşdirlməsi məqsədilə Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyev Bakıda Vətən Müharibəsi Memorial Kompleksinin və Zəfər muzeyinin yaradılması haqqında Sərəncam imzalayıb, həmçinin Hərbi Qənimətlər Parkının salınmasının ideya müəllifi olub. Prezident İlham Əliyevin himayəsi ilə “YAŞAT” Fondu, “Qarabağ Dirçəliş” Fondu və bütün digər institusional təşəbbüslər şəhid ailələrinə və qazilərə ayrılan diqqətin təcəssümüdür. Müzəffər Ali Baş Komandan İlham Əliyevin gələcəyə xidmət edən strategiyası sayəsində regionun beynəlxalq ststusu dəyişmiş və region ölkələrinin inkişafı üçün yeni imkanlar açılmışdır. Münaqişənin həlli regionun təhlükəsizliyi və kommersiya cəlbediciliyi baxımından strateji əhəmiyyətə malikdir. Ərazilərin azad olunmasından dərhal sonra genişmiqyaslı yenidənqurma işlərinə start verilmişdir. Azərbaycan yalnız özünün maliyyə resuslarına arxalanaraq sıfırdan yeni şəhər və kəndlər salır. 2021-ci ildə bu məqsədlə dövlət büdcəsindən 1,3 milyard ABŞ dolları ayrılmışdır. 2022-ci ildə bu işlərə ən azı eyni həcmdə vəsait ayrılacaqdır. Prezident İlham Əliyevin effektiv diplomatiyası və nümayiş etdirdiyi siyasi iradə nəticəsində Zəngəzur dəhlizi reallığa çevrilir. Bu yeni nəqliyyat infrastrukturu Şərq-Qərb və Şimal-Cənub dəhlizinin önəmli hissəsini təşkil edəcək. Zəngəzur dəhlizinin açılması bütün yeni imkanları birləşdirə biləcək qlobal layihədir.
Musa Cəfərov
Azərbaycan Texnologiya Universitetinin
Kimya və metallurgiya mühəndisliyi kafedrasının müdiri
Azərbaycanın iqtisadi-siyasi modeli İtaliya qəzetinin diqqətində Avropa Komissiyyasının Azərbaycan və Ermənistan arasında münasibətlərin normallaşdırılmasına dair sərgilədiyi münasibət gələcəkdə iki dövlət arasında yekun sülh sazişinin imzalanmasına dəstək kimi qiymətləndirilir. Son görüşdə Azərbaycan və Ermənistan tərəfinin yeni reallıqlara uyğun yeni qonşuluq şəraitində sülh və əminamanlıq şəraitində yaşayışın mümkün olması şərti qəbul edilmişdir. Həmçinin kommunikasiyaların manesiz olaraq açılmasının müzakirə olunması 10 noyabr 2020–ci il üçtərəfli bəyanatın müddəalarının Avropa İttifaqı tərəfindən tam qəbul edilməsini göstərir. Bu proseslərin icrasında Avropa İttifaqının hərtərəfli dəstək vermək istəyi tədqirə layiqdir. Ona görə də yaxın gələcəkdə iki ölkə arasında yekun sülh sazişinin imzalanması mümkündür. Ölkə başçısının Brüsseldə işgüzar səfərdə olarkən İtaliyanın “İl Sole 24 Oze” qəzetinə müsahibəsində olduqca məhsuldar müzakirələr aparıldığını qeyd etməsi bütün bunları deməyə əsas verir. Əvvəlcə bu müsahibədən bəzi məqamları, jurnalistin toxunduğu sual başlıqlarını və ölkə başçısının verdiyi cavabları vurğulamaq istərdim: Avropa İttifaqının Ermənistana 2 milyard dollar, həcmində, Azərbaycana isə 140 milyon dollar həcmində yardımın ayrılması - Dövlətlərə ayrılan yardımların fərqi 20 dəfədir. Bu, hər iki ölkənin real ehtiyaclarına uyğun deyil və ona görə ədalətsiz qərardır. Çünki, Ermənistan tərəfindən Azərbaycan Respublikasının ərazisinin 20%-ə qədər hissəsi tam dağıdılıbdır və bir milyona yaxın mina basdırılıb. İşğaldan azad olunmuş ərazilərin minalardan təmizlənməsi prosesində Avropa İttifaqının rolu-Təklif olunmuşdur ki, Avropa Komissiyası öz fondları vasitəsilə minalardan təmizləmə prosesinə dair maliyyə yardımının ayrılmasını nəzərdən keçirsin və müvafiq Avropa şirkətləri bu sahədə fəaliyyətə başlasınlar. Azərbaycanda insan hüquqları və mətbuat azadlığı sahəsindəki mövcud vəziyyət. - Təəssüflər olsun ki, hal–hazırki dövrdə Avropa təsistlarında Azərbaycanda insan hüquqları və media azadlığına dair problemlərin olması təəsüratı şişirdilib. Ermənistanda insan haqları və siyasi azadlıqlar kobud şəkildə pozulduğu halların mövcud olmasına göz yumurlar. Minsk qrupunun münaqişənin həll edilməsində məqbul olmayan fəaliyyəti. - Minsk qrupu 28 illik fəaliyyəti nəticəsində heç bir nailiyyəti əldə edə bilmədi. Əgər Minsk qrupunu təmsil edən üç nüvə dövləti və dünyanın ən güclü ölkələri Ermənistanın işğalını sona gətirə bilmədilərsə, deməli onların fəaliyyəti uğursuz olmuşdur. Minsk qrupunun fəaliyyəti faktiki olaraq 2019-cu ildən sonra, Ermənistanın baş naziri “Qarabağ Ermənistandır” bəyan etdikdən sonra iflic oldu. Azərbaycanın Cənub Qaz Dəhlizinin Avropa İttifaqı ölkələrinin qaz təchizatındakı rolu. - Cənub Qaz Dəhlizinin uzunluğu 3500 kilometr olmaqla XXI əsrin ən böyük infrastruktur layihələrindən biri hesab olunur. Bu layihə ilə Azərbaycan qazı Bakıdan Adriatik dənizin dibi ilə, yüksək dağlıq ərazilərədn keçərək İtaliyaya çatır. Azərbaycan Cənub Qaz Dəhlizinin 4 seqmentinin hamısında əsas maliyyə yükünü öz üzərinə götürmüşdür. Gələcəkdə Azərbaycan qaz hasilatını artırmaqla ixracatı da artırmaq imkanına malikdir. Yanvarın 1-dən başlayaraq İtaliya, Yunanıstan və Bolqarıstanı 7,2 milyard kubmetr qazla təchiz olunmuşdur. Azərbaycan gələcəkdə Mərkəzi Avropa ölkələrinə qaz ixrac etməyə qadirdir. Avropaya qaz ixracatının artırılmasında Rusiyanın münasibəti - Azərbaycanın neft kəmərləri, qaz kəmərləri layihələri regionda çox dostluq mühitində icra olunub. Rusiya bizim siyasətimizə, xarici siyasətimizə, enerji siyasətimizə tam hörmətlə yanaşır. Hazırda Azərbaycan ilə Rusiya arasında yaxşı balanslaşdırılmış münasibətlər mövcuddur. Azərbaycan iqtisadiyyatının neft və təbii qaz ixracatından asılılığı xeyli dərəcədə azaldılmışdır. - Uzun illər bundan öncə neft və qazın ÜDM-də payı mütləq çoxluq təşkil edirsə, hazırda isə yarıdan da azdır. Azərbaycan iqtisadiyyatı strukturunun daha çox balanslaşdırılmış olmasına nail olunmuşdur. Son dövrdə qeyri-enerji layihələrinin ixracı 45% artdı. Energetikaya aid olmayan sənaye 20% artmışdır. Azad edilmiş ərazilərdə yeni imkanlar yaranması kənd təsərrüfatının, turizmin, bərpa olunan enerjinin sayəsində iqtisadiyyatın inkişafına öz təsirini göstərəcəkdir. İtaliya ilə Azərbaycan strateji tərəfdaş ölkələrdir. Azad edilmiş ərazilərdə İtaliya şirkətlərinin quruculuq işlərində iştirakı. - İtaliya dünya miqyasında Azərbaycanın ən yaxın tərəfdaşlarından biridir. Transadriatik boru kəmərinin istismara verilməsi ilə Azərbaycan İtaliyanın mühüm təchizatçısına çevrilib. İtaliya istehlakında Azərbaycan qazının həcmi ilbə il artacaq. Həmçinin dost ölkə olaraq İtaliya azad edilmiş ərazilərdə fəaliyyət göstərmək üçün dəvət edilən ilk ölkələrdən biri olmuşdur. Birincisi Türkiyə olub, ikincisi isə İtaliyadır. Azərbaycanın Qərb və Şərq arasında, Çindən Avropaya qədər kommersiya və nəqliyyat habına çevrilə bilməsi. - Davos Forumunun reytinqinə əsasən, Azərbaycan yollarının keyfiyyətinə görə 27-ci, hava nəqliyyatı xidməti və dəmir yolu nəqliyyatı xidmətinə görə 11-ci və 12-ci yerdə qərarlaşıb. Hazırda Azərbaycan Mərkəzi Asiyadan gələn mallar üçün transit ölkəyə çevrilmişdir. Çin də öz mallarını Avropaya daşıyır. Eyni zamanda Azərbaycan Şimal – Cənub nəqliyyat dəhlizi üzərində yerləşir. İkinci Qarabağ müharibəsindən sonra Zəngəzur dəhlizi adlanan dəhlizin istismara verilməsi imkanı reallıqdır. Prezidentin “İl Sole 24 Ore” qəzetinə müsahibəsi çox maraqlı və diqqətçəkən oldu. Ali Baş Komandan həm də “El Pais” qəzetinə müsahibə verdi. Bu qəzetlər dünyada çox məşhurdur və hər iki qəzetin müxbirlərinin suallarının əksəriyyəti provokasiya xarakterli mövzular üzərində qurulmuşdu. Prezident İlham Əliyev müsahibəsində Ermənistanın əsirlər, ərazilər, sərhədlər, Zəngəzur dəhlizi ilə bağlı absurd iddialarını, xüsusilə də dünya enerji bazarında Azərbaycanla Rusiyanı üz-üzə qoymağa çalışanların yalanlarını ifşa etdi, beynəlxalq ictimai rəyin çaşdırılmasına hesablanmış mövzuları neytrallaşdırmış oldu. Beləliklə bu müsahibə Azərbaycan rəhbərindən dünya siyasətçilərinə daha bir dərs, Azərbaycana qarşı olan qüvvələrə isə daha bir mesaj oldu. Eyni zamanda prezident Azərbaycanın iqtisadi-siyasi modelinin, əldə olunan nailiyyətlərin təqdimatını etmiş oldu. Bir sözlə, ölkə rəhbərinin Ermənistanı bir daha ifşa edən müsahibəsi bütün siyasi çevrələrdə həmişəki kimi maraqla qarşılandı.
Musa Cəfərov
Azərbaycan Texnologiya Universitetinin
Kimya və metallurgiya mühəndisliyi kafedrasının müdiri
Azərbaycan Respublikasının Prezidenti İlham Əliyev əhalinin sosial vəziyyətinin daha da yaxşılaşdırılması üçün daim təşəbbüslər göstərir və bu təsəbbüslərin yerinə yetirilməsini nəzarətdə saxlayır. Axırıncı sosial islahatlar 2021-ci il, 16 oktyabrda verilmiş sərəncama əsaslanır. Həmin sərəncamda əhalinin həssas qruplarına yönələn ödənişlərin artırılmasına dair görüləcək işlər öz əksini tapıb. Növbəti ildən tətbiq ediləcək yeni islahatlar əhalinin çox böyük qrupunun maliyyə vəziyyətinin yaxşılaşmasına müsbət təsir edəcək. Bu qrupa sağlamlıq imkanları məhdud olan uşaqlar və onlara qulluq edənlər, yaşa görə müavinət alanlar, ailə başçısını itirməyə görə müavinət alanlar, 1-ci dərəcəli əlillərə qulluq edənlər, müddətli hərbi xidmətdə olanların uşaqları, doktorantlar, tələbələr və s. kateqoriyalar daxildir. Bundan əlavə növbəti ildən etibarən bir qrup doktorant və tələbəyə Prezident təqaüdləri verilməyə başlanılacaq. Qeyd etmək lazımdır ki, əlilliyi olan şəxslərin sosial müdafiəsinin gücləndirilməsi möhtərəm cənab prezidentin daim diqqət mərkəzindədir. Belə ki, birinci dərəcə əlilliyi olanlara və sağlamlıq imkanları məhdud on səkkiz yaşınadək uşaqlara qulluq edənlərin müavinətləri 2022-ci ilin yanvar ayından etibarən əsaslı şəkildə artırılacaqdır. Vətən müharibəsi ilə əlilliyi olanlar da sərəncama əsasən sosial ödənişlərdən faydalanacaqlar. Yəni müharibə ilə bağlı əlilliyi olanlar pensiya almadıqları halda müavinət və təqaüd formasında ayda birinci dərəcə üzrə 700 manat, ikinci dərəcə üzrə 530 manat, üçüncü dərəcə üzrə 420 manat alacaqlar. Hörmətli prezidentimizin imzaladığı Fərman gənclərimizin də sosial vəziyyətinin yaxşılaşdırılmasını nəzərdə tutur. Belə ki, ölkəmizdə təhsil alan 132 min tələbə və doktorantı əhatə edərək müavinət və təqaüdlər də növbəti ilin yanvarından artırılacaq. Sağlamlıq imkanı məhdud olan uşaqlar da bu imkanlardan faydalana biləcəkdir. Həssas kateqoriyadan olan belə uşaqlar üçün 2019-cu ilin əvvəlindən sosial müavinətlər 82 manat idisə , 2022-ci ilin yanvar ayından 200 manat, təqaüd isə 80 manat olmaqla, ümumilikdə 280 manat miqdarında olacaqdır. Dövlət başçısının sərəncam və fərmanları ilə təhsil işçilərinin də sosial müdafiəsinin gücləndirilməsi nəzərdə tutulub. Növbəti ildən etibarən yeni əməkhaqqı artımı 165 min təhsil işçisini əhatə edəcək. Bu məqsədlə dövlət büdcəsində 273 milyon manat vəsait nəzərdə tutulub. Ümumiyyətlə dövlət başçısının 2022-ci ilin ilk sosial paketinə daxil olan sərəncamları əhalinin sosial müdafiəsinin gücləndirilməsinin dövlət siyasətində prioritet olduğunu təsdiqləyir. Ölkə rəhbərinin həyata keçirdiyi sosial islahatlar proqramı Azərbaycanın sosial inkişafında davamlı irəliləyişlərdə xarakterizə olunan yeni keyfiyyət mərhələsinə keçidi göstərir. Bütün bu işlərdə Azərbaycan xalqının müzəffər Prezidentinə böyük uğurlar arzu edirəm.
Dos. Hamlet Kəsəmənli
Azərbaycan Texnologiya Universitetinin
Ümumi və tətbiqi riyaziyyat kafedrasının müdiri
Bakı Biznes Universitetinin koordinatorluğu və Avropa Komissiyasının maliyyə dəstəyi ilə həyata keçirilən “Azərbaycanda Rektorlar Konfransının yaradılması” adlı Erasmus+ layihəsinin növbəti işgüzar görüşü Azərbaycan Dövlət Mədəniyyət və İncəsənət Universitetində baş tutub. 2021-ci ilin 20 dekabr tarixinə təsadüf edən görüşdə Azərbaycan Texnologiya Universitetini Elm və innovasiya üzrə prorektor, dosent Yaşar Ömərov təmsil edib. Görüşün məqsədi layihənin iş planına uyğun həyata keçirilən fəaliyyətlərin dəyərləndirilməsi və növbəti mərhələdə icrası planlaşdırılan məsələlərin qarşılıqlı müzakirəsindən ibarət olub. Görüşdə layihə konsorsiumunun üzvü olan 16 Azərbaycan ali təhsil müəssisələrinin prorektorları və digər məsul şəxsləri iştirak edib.Tədbiri giriş sözü ilə açan Azərbaycan Dövlət Mədəniyyət və İncəsənət Universitetinin rektoru, professor Ceyran Mahmudova layihənin önəmindən danışaraq komandanın işinə uğurlar arzu edib.Daha sonra layihənin koordinatoru, Bakı Biznes Universitetinin Universitet- sənaye işbirliyi mərkəzinin müdiri Gülşən Bayramova layihədə görülmüş işlərin nəticələri və Rektorlar Konfransının Azərbaycan modelinin yaradılması məqsədilə işçi qrupunun formalaşdırılmasından bəhs edib. G.Bayramova əlavə edib ki, yaradılan ilk işçi qrupu tərəfindən Rektorlar Konfransının təşkilati strukturu, missiyası, vizyonu, üzvlük qaydaları, konfransın maliyyələşmə mexanizmləri və onun tərkibində fəaliyyət göstərəcək komitələrin yaradılması haqqında bir sıra sənədlər hazırlanacaq.Tədbirdə çıxış edən Azərbaycan Respublikası Təhsil Nazirliyinin Elm, ali təhsil və orta ixtisas təhsili şöbəsinin müdiri Nicat Məmmədli layihənin uğurla start götürdüyünü və ölkəmizdə ali təhsilin inkişafı, eləcə də əməkdaşlıq imkanlarının genişlənməsi baxımından xüsusi əhəmiyyət kəsb etdiyini vurğulayıb.Görüşün sonunda tədbir iştirakçıları növbəti tapşırıqların icrası ilə əlaqədar fikir mübadilələri aparıblar.
Artıq uzun illərdir ki, Azərbaycan Respublikası ilə Avropa İttifaqı arasında əlaqələr yüksək səviyyədə davam edir. Belə ki, Avropa İttifaqına üzv olan dövlətlərlə Azərbaycan Respublikası arasında strateji tərəfdaşlığa dair sənədlər imzalanıb. Bu sənədlər Avropa İttifaqı ilə strateji tərəfdaşlığa dair əməkdaşlığın perspektivliyinə bir nümunədir. Belə ki, Azərbaycan Respublikası ilə Avropa İttifaqı arasında enerji sahəsindəki əməkdaşlıq uğurla həyata keçirilir. Cənub qaz dəhlizinin bu əməkdaşlıqda mühüm əhəmiyyətə malik olduğu bir mənalı qəbul olunur. Bu layihənin son komponenti olan Trans – Adriatik xəttinin işə salınması ilə Azərbaycan qazı artıq Avropa ölkələrinə çatdırılır. Bu baxımdan göstərə bilərik ki, artıq Avropa İttifaqının üç dövləti – İtaliyaya , Bolqarıstan və Yunanıstana Azərbaycan qazı çatdırılır. Əminliklə deyə bilərik ki, yaxın illərdə Azərbaycan qazı Avropa İttifaqının digər dövlətlərinə də çatdırılacaqdır. Digər tərəfdən Avropa İttifaqının təşəbbüsü ilə keçirilən Sammitində Azərbaycan Respublikasının haqlı mövqeyi əsasən müdafiə olunur. Yaxın günlərdə Avropa İttifaqının VI Sammitində Cənubi Qafqazda sülhün bərpa olunması Azərbaycan və Ermənistan arasında münaqişənin aradan qaldırılması, eləcə də, onlar arasında sülh müqaviləsinin bağlanması məsələsi müzakirə mövzusu olmuşdur. Sammitdə belə qərara gəlinib ki, 2020 – ci il 10 noyabr, 2021 – ci il 11 yanvar və Rusiyanın Soçi şəhərində 26 noyabr bəyanatlarından irəli gələn öhdəliklər yerinə yetirilməlidir. Avropa İttifaqı Cənubi Qafqaz regionunda iqtisadi əməkdaşlığın inkişaf etdirilməsində maraqlıdır. Azərbaycan Respublikası Avropa İttifaqı üzvü olan doqquz dövlət ilə strateji tərəfdaşlığa dair sənədlər imzalayıb. Bu isə ikitərəfli əsasda imzalanmış strateji tərəfdaşlığın perspektivliyindən xəbər verir. Avropa İttifaqının sammitində qeyd olunub ki, qurumun təşəbbüsü ilə aparılan danışıqlar praktiki əhəmiyyət daşıyır. Belə ki, Azərbaycan Respublikası ilə Ermənistan arasında münasibətlərin normallaşması, sərhədlərin delimitasiyası və demarkasiyası, nəqliyyat strukturunun, xüsusi ilə də dəmir yolu xəttinin çəkilməsi kimi məsələlərin sammitdə müzakirəsi səmərəli və praqmatik keçmişdir. Avropa İttifaqının VI – sammitində Azərbaycan Respublikasının Prezidenti Cənab İlham Əliyev çıxış edib. Prezident İlham Əliyev uğurla inkişaf edən Azərbaycan – Avropa İttifaqı əlaqələrinə diqqət çəkərək Avropa İttifaqı ilə Azərbaycan arasında üç il bundan əvvəl paraflanmış “Tərəfdaşlıq prioritetləri” sənədinin əhəmiyyətini vurğulayıb. Azərbaycan Respublikasının Prezidenti İlham Əliyev Şərq Tərəfdaşlığının VI –Sammitində Azərbaycan – Ermənistan arasında konstruktiv mühitin hökm sürdüyünü qeyd edib, belə bir mühitin yaradılmasında Avropa İttifaqının rolunu xüsusi vurğulayıb. Daha sonra Cənab İlham Əliyev Azərbaycan –Ermənistan münasibətlərinin normallaşmasına verdiyi tövhəyə görə Avropa İttifaqı şurasının Prezidentinə bir daha minnətdarlığını bildirib.
Dos. Hamlet Kəsəmənli
Azərbaycan Texnologiya Universitetinin
Ümumi və tətbiqi riyaziyyat kafedrasının müdiri
