Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən "AzInTelecom" MMC "Azcloud ScaleUp" proqramına start verir. Proqramın məqsədi ölkədə əlverişli rəqəmsal ekosistemin inkişafına töhfə verərək yeni ideyaların yaradılması, innovativ sahibkarlığın təşviqidir. Azərbaycanda potensialı olan startaplara bizneslərini etibarlı və davamlı şəkildə böyütməyə, biznes cəmiyyəti və sifarişçilərlə ünsiyyət qurmağa yönələn “Azcloud ScaleUp” əsasən yeddi prioritet sahə – aqrar, təhsil, tibb, “ağıllı ölkə”, ekologiya, oyun və onlayn ticarət üzrə layihələrə dəstək göstərəcək.“Azcloud ScaleUP” proqramına startaplarla yanaşı, tərəfdaş olmaq istəyən təşkilatlar və şirkətlər də müraciət edə biləcək.
150 və daha artıq bal toplayan abituriyentlər (I qrup) müsabiqə zamanı Azərbaycan Texnologiya Universitetinin (UTECA) şərabçılıq ixtisasını ödənişsiz əsaslarla seçə bilərlər. Digər ixtisaslarımız üzrə dövlət sifarişli yerləri isə 200 bal və daha yuxarı göstəriciləri olan abituriyentlər (I, II, IV qruplar) seçə bilərlər.
I qrup
Şərabçılıq* 100 yer, müsabiqə balı 150 (1550 AZN)
Qida mühəndisliyi 25 yer, müsabiqə balı 200 (əyani 1250 AZN, qiyabi 1200 AZN)
Logistika və nəqliyyat texnologiyaları mühəndisliyi 30 yer, müsabiqə balı 200 (1450 AZN)
Nəqliyyat mühəndisliyi* 60 yer, müsabiqə balı 200 (1450 AZN)
Ekologiya mühəndisliyi* 50 yer, müsabiqə balı 150 (1550 AZN)
Sənaye mühəndisliyi 15 yer, müsabiqə balı 200 (1250 AZN)
Metallurgiya mühəndisliyi 15 yer, müsabiqə balı 200 (1250 AZN)
Mühəndis fizikası 20 yer, müsabiqə balı 200 (1250 AZN)
Proseslərin avtomatlaşdırılması mühəndisliyi 15 yer, müsabiqə balı 200 (1450 AZN)
Radiotexnika və telekommunikasiya mühəndisliyi 40 yer, müsabiqə balı 200 (əyani 1450AZN,qiyabi 1350 AZN)
İnformasiya texnologiyaları 30 yer, müsabiqə balı 200 (1450 AZN)
Kompüter mühəndisliyi* 60 yer, müsabiqə balı 200 (1550 AZN)
II qrup
Turizm bələdçiliyi 40 yer, müsabiqə balı 150 (əyani 1550 AZN, qiyabi 1450 AZN)
Turizm işinin təşkili* 90 yer, müsabiqə balı 150 (1650 AZN)
Dövlət və bələdiyyə idarəetməsi 20 yer, müsabiqə balı 200 (1450 AZN)
İqtisadiyyat* 40 yer, müsabiqə balı 200 (əyani 1450 AZN, qiyabi 1350 AZN)
Biznesin idarə edilməsi* 60 yer, müsabiqə balı 150 (1550 AZN)
Marketinq* 50 yer, müsabiqə balı 150 (əyani 1550 AZN, qiyabi 1450 AZN)
Mühasibat 50 yer, müsabiqə balı 200 (əyani 1550 AZN, qiyabi 1450 AZN)
IV qrup
Ekologiya 60 yer, müsabiqə balı 150 (əyani 1450 AZN, qiyabi 1350 AZN)
V qrup
Dizayn* 80 yer, müsabiqə balı 60 + q.i. (1650 AZN)
*Müsabiqə rus dili ilə birgə aparılır
Ödənişli əsaslarla olan yerlərin illiktəhsilhaqları mörtərizədə göstərilib.
Azərbaycan Texnologiya Universitetində (UTECA) 15 İyun - Milli Qurtuluş Gününə həsr olunmuş vebinar keçirilib. Universitetin professor-müəllim heyəti və tələbələrinin iştirakı ilə baş tutan onlayn görüşdə xalqımızın tarixinə qızıl hərflərlə yazılmış 15 İyun - Milli Qurtuluş Günündən, həmin günü Azərbaycan xalqına bəxş edən ümummilli lider Heydər Əliyevin fədakar xidmətlərindən söhbət açılıb. Universitetin tədris işləri üzrə prorektoru Vüqar ismayılov görüş iştirakçılarını salamlayaraq Azərbaycan Texnologiya Universitetinin rektoru, professor Akif Süleymanov adından səmimi təbriklərini çatdırıb.Bildirib ki, tariximizə Milli Qurtuluş Günü kimi daxil olmuş 15 iyun sadəcə təqvim bayramı deyil, böyük ictimai, siyasi və tarixi əhəmiyyətə malik bir gündür: “Çünki həmin gün dövlətçiliyimiz yox olmaq təhlükəsindən xilas edilib. Azərbaycan xalqının ümummilli lideri Heydər Əliyev öz xilaskarlıq missiyası ilə ölkəmizin müstəqilliyini qorudu, respublikada tüğyan edən ictimai-siyasi böhranı aradan qaldırdı və inkişafın təməlini qoydu. Bu gün milli qurtuluş ideologiyasının təntənəsi müstəqil respublikamızın davamlı inkişafında özünü göstərir, regionda və dünyada Azərbaycanın nüfuzu daha da artır”. Digər çıxışlarda vurğulanıb ki, xalqın təkidli tələbi ilə ikinci dəfə hakimiyyətə qayıdan ulu öndər Heydər Əliyev Milli Məclisin 1993-cü il iyunun 15-də keçirilən iclasındakı çıxışında Azərbaycan dövlətçiliyinin gələcək inkişaf strategiyasını elan etdi və sonrakı illərdə onu həyata keçirdi. Əgər müstəqilliyi qazanmaq ilkin şərt idisə, ikinci vacib məsələ onu qoruyub inkişaf etdirmək idi və bu, Ümummilli Liderin iradəsi sayəsində reallığa çevrildi. Qeyd edilib ki, bu il Milli Qurtuluş Günü fərqli atmosferdə qeyd edilir. Belə ki, Ermənistan-Azərbaycan Dağlıq Qarabağ münaqişəsinin ədalətli həlli Heydər Əliyevin həyata keçirdiyi siyasətin prioritet istiqamətlərini təşkil edib. Heydər Əliyev siyasəti ötən 17 il ərzində Prezident İlham Əliyev tərəfindən bütün sferalarda yeni dövrün çağırışlarına uyğun davam etdirilub, hər sahədə böyük uğurlar qazanılıb. Bunun bariz nümunəsi ötən il keçdiyimiz Qəıəbə, Zəfər yoludur. Prezident İlham Əliyev Ötən il Ulu Öndərin daha bir vəsiyyətinin həyata keçdi və əzəli torpağımız olan Qarabağın 44 günlük müharibə nəticəsində düşmən tapdağından azadlığına nail oldu. Bununla xalqımızın 30 illik torpaq həsrətinə son qoyan, tarixi ədaləti bərpa edən Müzəffər Ali Baş Komandanımızın necə güclü diplomat və sərkərdə olduğunu bütün dünya bir daha əyani şəkildə gördü. Bu gün Ulu Öndərin siyasətini layiqincə davam etdirən ölkə Prezidenti İlham Əliyevin uzaqgörən siyasəti sayəsində Azərbaycan daha böyük uğurlara imza atır. Ümummilli liderin ideyaları yaşayır və dahi şəxsiyyətin gələcək nəsillərə miras qoyduğu Azərbaycan güclü dövlət kimi öz sözünü deməyi bacarır.
11- cilər bu il ilk dəfə ayaq basdıqları məktəbə vida zəngi çalmaq üçün toplanıblar. Məzun olanların sayı 84069 nəfərdir. Onlardan 38461 nəfəri qız, 45608 nəfəri oğlandır. Əziz məzunlar, hər birinizi təbrik edir və həyatınızın yeni mərhələsində uğurlar arzulayırıq!
Selam olsun kardeşliğe, selam olsun can Azerbaycan‘a…
"Kardeş ülke Azerbaycan ile Türkiye arasında, her alanda gerçekleşmesinden mutluluk duyacağımız projelerin bir örneğini Türkiye Güvenilir Ürün Platformu ile Azerbaycan Teknoloji Üniversitesi (UTECA) ortak girişimi olarak; Güvenli 2023 ismini taşıyan Gıda Güvenliği Eğitimi Projemiz Azerbaycanlı kardeşlerimizin hepsini kapsayacak şekilde 21.06.2021 – 04.07.2021 tarihleri arasında ZOOM üzerinden ücretsiz olarak gerçekleştirilecek olup, Azerbaycan Teknoloji Üniversitesi (UTECA) tarafından sertifikalandırılacaktır. Projemizle ilgili Azerbaycan ve Türkiye‘de tanıtım etkinlikleri yapılacak ve tanıtım afişleri paylaşılacaktır. Paylaşılacak olan tanıtım afişleri ile birlikte yayınlanacak olan başvuru linki üzerinden katılımcılar bilgilerini doldurarak, başvurularını yapabilecektir.Projemizin en önemli amacı ve bizleri mutlu eden yanı, ‘’iki devlet, bir millet‘’ anlayışının dünya döndükçe devamı için dualar ettiğimiz Azerbaycan ile kardeşliğimizin, eğitim alanında ve diğer alanlarda daha üst seviyelere taşınması ve pekiştirilmesine yönelik sosyal sorumluluk anlayışını benimsememizden ve kardeşlerimizin devamı için faydalı şeylere imza atma isteğimizdir.Son olarak bu proje ile kardeşliğimizin pekişmesi için vesile olan Sn.Vuqar İsmayilov Hocama, Sn. Piri Axundov Hocam, Sn. Könül Qadimli Hocama, Güvenilir Ürün Platformu Başkanı Sn. Celal Toprak Beye, Güvenilir Ürün Platformu Genel Sekreteri Sn. Elif Attepe Hanımefendiye ve emeği geçen herkese teşekkür eder, eğitim programımızın yeni güzelliklere ve kardeşliğimizin her alanda artmasına vesile olmasını temenni ederiz. Selam olsun kardeşliğe, selam olsun can Azerbaycan‘a…"
Tuncay Baycan Güvenilir Ürün Platformu Hazır Yemek Komisyonu Başkanı Qardaşlığa salam, Azərbaycana salam... “Türkiyə Etibarlı Məhsul Platforması ilə Azərbaycan Texnologiya Universitetinin (UTECA) birgə təşəbbüsü olaraq həyata keçirilən, qardaş ölkələr - Azərbaycan ilə Türkiyə həmrəyliyinin daha bir nümunəsi olan Təhlükəsiz 2023 adlı Qida Təhlükəsizliyi layihəmiz bütün azərbaycanlı qardaşlarımızı əhatə etməklə 21 iyun – 04 iyul 2021-ci il tarixləri arasında ZOOM vasitəsi ilə ödənişsiz həyata keçiriləcək. Layihədən müvəffəqiyyət qazanan iştirakçılar Azərbaycan Texnologiya Universiteti (UTECA) tərəfindən sertifikatla təmin ediləcəkdir.Layihəmizlə əlaqədar olaraq Azərbaycanda və Türkiyədə tanıtım fəaliyyətləri həyata keçiriləcək və posterlər paylaşılacaqdır. İştirakçılar elektron qaydada qeydiyyatdan keçəcək, təlimlərə link vasitəsilə qatılacaqlar.Layihəmizin əsas məqsədi “Bir millət, iki dövlət” prinsipinin davam etməsi üçün Türkiyə-Azərbaycan qardaşlığını daha da möhkəmləndirmək, bu istiqamətdə sosial məsuliyyəti dərk etmək, amalımız faydalı işlərə imza atmaqdır.Layihənin həyata keçirilməsində köməyi olan UTECA nümayəndələri Vuqar İsmayılova, Piri Axundova, Könül Qədimliyə, Etibarlı Məhsul Platformasının Prezidenti Cəlal Toprağa, Etibarlı Məhsul Platformasının Baş Katibi Elif Attepeyə və əməyi keçən hər kəsə təşəkkür edirəm. Təlim proqramımızın hərtərəfli uğurlu olacağına ümid edirəm.Qardaşlığa salam, Azərbaycana salam...”
Tuncay Baycan Etibarlı Məhsul
Platformasının Hazır Qida Komissiyası sədri
Müstəqilliyimizi 1991- ci il oktaybrında əldə etsək də, ölkədə ictimai həyatın bütün sahələrində xaos, hərc-mərclik baş alıb gedirdi. Hakimiyyət böhranı davam edirdi, orduda da vəziyyət ağırlaşırdı, erməni təcavüzü günü-gündən artırdı. Gənc respublikada rəhbərliyə yiyələnmək üçün ayrı-ayrı şəxslər və qruplar arasında mübarizə gedirdi. Vətənin belə ağır günündə xalqın ümüdü və pənahı Ümummilli Liderimiz Heydər Əliyev oldu. Ulu Öndərin dövlət rəhbərliyinə qayıdışı 15 iyun 1993- cü il tarixində onun Azərbaycan Ali Sovetinin Sədri seçilməsi ilə başladı. Heydər Əliyev Prezident seçilənədək dörd ay parlamentə rəhbərlik etdi. Xilaskarlıq missiyasını həyata keçirmək yolunda ilk addımları da məhz o dövrə təsadüf etdi. Sözün həqiqi mənasında dünya siyasətçisi olan Heydər Əliyevin o zaman həyata keçirdiklərini başqa cür deyil, yalnız siyasi qəhrəmanlıq, vətəndaş hünəri adlandırmaq olar. Bu gün tam inamla söyləmk olar ki,əgər o vaxt ölkədə baş verən hadisələrə Heydər Əliyevin şəxsi müdaxiləsi olmasaydı , Azərbaycan adlı dövlətin varlığına çoxdan son qoyulmuşdu. Ulu Öndərin rəhbərliyi ilə ölkə qarşısında dayanan kəskin problemlərin nizama salınması ilə yanaşı , dövlət və cəmiyyət həyatının bütün sahələrində əsaslı islahatlar aparılmasına yönəldilən hazırlıq işləri həyata keçirildi. O dövrün ictimai- siyasi şəraiti nə qədər mürəkkəb olsa da, ümummilli liderimiz dövlət quruculğu prosesində əsasən prespektivi nəzərdə tutulan çətin hədəfləri müəyyən etdi. Azərbaycan daxilində yaranmış nisbi sabitlikdən və beynəlxalq aləmdə ölkəmizə artan inam və maraqdan istifadə edərək 1994-cü ilin sentyabrında "Əsrin müqaviləsi" adlandırılan ilk neft müqaviləsinin imzalanması və onun gerçəkləşdirilməsi Heydər Əliyev tərəfindən işlənib hazırlanmış və müstəqil Azərbaycanın iqtisadi inkişaf konsepsiyasını təşkil edən neft strategiyasının həyata keçirilməsinin parlaq təzahürü idi. Heydər Əliyevin rəhbərliyi altında aparılmış son dərəcə gərgin fəaliyyət nəticəsində Azərbaycan xalqının taleyi ilə bağlı pərdəarxası oyunlara, siyasi anarxiya və eksperimentlərə son qoyulmuş, ölkədə cinayətkarlığın qarşısı tam alınmış, bütün qanunsuz silahlı dəstələr ləğv olunmuşdu ki, bunlar da bütövlükdə Azərbaycanda dövlət quruculuğu prosesinin uğurla aparılması üçün şərait yaratmışdı. Azərbaycan dövlətçiliyinin mövcudluğuna böyük təhlükə olan 1994-cü il oktyabr və 1995-ci il mart dövlət çevrilişi cəhdlərinin qarşısı Heydər Əliyevin qətiyyəti sayəsində alınmış, dövlət müstəqilliyi qorunub saxlanmışdır. Məhz buna görə də ölkəmizdə müstəqil dövlət təsisatlarının yaranması və dövlət quruculuğu prosesi böyük vüsət almışdı ki, bunun da əsasını müstəqil Azərbaycanın qəbul etdiyi ilk Konstitusiya təşkil edirdi. Ondan sonrakı dövrdə Azərbaycanda dövlətçiliyin möhkəmlənməsi və demokratik prinsiplərin bərqərar olması, demokratik, hüquqi, dünyəvi dövlət quruculuğu prosesinin uğurla, sürətlə həyata keçirilməsi şəxsən Heydər Əliyevin adı ilə bağlıdır. Azərbaycanın Heydər Əliyev tərəfindən təməli qoyulan dövlət müstəqilliyinin möhkəmlənməsinə xidmət edən siyasi və iqtisadi inkişaf konsepsiyası ondan sonrakı illərdə Ulu Öndərin layiqli davamçısı Cənab Prezidentimiz İlham Əliyev tərəfindən geosiyasi şəraitdə, dünya iqtisadiyyatında baş verən kataklizimlər nəzərə alınmaqla yeni ideyalarla zənginləşdirilmişdir və böyük bacarıqla tətbiq edilmişdir. Ölkəmizin gələcəkdəki gücü və taleyi də milli birliyi, ideoloji təhlükəsizliyi, iqtisadi müstəqilliyi , siyasi suverenliyi qorumaq və bütün bunlara paralel olaraq dünyaya inteqirasiyanı davam etdirmək əzmində olan ölkə Prezidenti cənab İlham Əliyevin siyasi iradəsi və peşəkarlığıyla sıx surətdə bağlıdır. Bir sözlə , keçdiyimiz qısa tarixi dövür sübut edir ki, Heydər Əliyev ideyalarının reallaşdırılması üçün göstərilən səylər öz bəhrəsini verir və vaxtilə Heydər Əliyevin həyata keçirdiyi düşünülmüş və məqsədyönlü tədbirləri Azərbaycanın bugünkü və gələcək problemlərinin həllinə, müstəqilliyimizin möhkəmləndirilməsinə, dövlətimizin və xalqımızın tərəqqisinə, ölkəmizin müasir dünyadakı yerinin və nüfuzunun güclənməsinə yönəlmişdir.
Namiq Muradov Azərbaycan Texnologiya
Universitetinin Qida mühəndisliyi fakültəsinin tələbəsi
