Ramin Əliyev Ekologiya mühəndisliyi ixtisasımızın 2014-cü il məzunu Tərtər istiqamətində, Milli Qəhrəmanımız Mübariz İbrahimovun uğrunda şəhid olduğu postun alınmasında iştirak etdib. Moto atıcı bölükdə vuruşan məzunumuz ardıcıl olaraq Horadiz, Cəbrayıl, Zəngilan, Qubadlının işğaldan azad edilməsi uğrunda döyüşlərdə olub. Fəxrimizdir!
2020/2021-ci tədris ilinin qış imtahan sessiyası 11.01.2021–01.02.2021-ci il tarixlərində həyata keçiriləcək. Bütün akademik qruplarda imtahanlara saat 10:00-da start veriləcək. Semestr ərzində hərbi vəziyyət və pandemiya dövrü nəzərə alınaraq
• Dərslərdə minimum 5 % iştirak edən tələbələr imtahana buraxılacaq
• İmtahanlar Microsoft Teams vasitəsilə onlayn qaydada keçiriləcək
• Qrupun yazılı müraciətinə əsasən imtahan şifahi qaydada keçirilə bilər
• İmtahan müddəti hər fənn üçün 60 dəqiqə müəyyən edilib
• Microsoft Teams vasitəsilə imtahan prosesinə tam nəzarət ediləcək
• İmtahan nəticələri həmin gün elektron qaydada dekanlığa göndəriləcək
• Cari və aralıq qiymətləndirmə üzrə ümumi nəticələr 100 ballıq sistemlə aparılacaq
Azərbaycan Texnologiya Universitetinin İctimai elmlər və multikulturalizm kafedrası və Kitab oxuyaq Tələbə - müəllim Birliyinin təşkilatçılığı ilə “Vətən uğrunda” adlı vebinar keçirilib. Görüşdə 2–ci Qarabağ müharibəsi iştirakçıları və qaziləri iştirak edib. İştirakçılar Əvvəlcə Vətən müharibəsində canından keçənlərin əziz xatirələrini yad edib. Qazilərə şəfa, Şəhidlərimizə Allahdan rəhmət dilənib . Qazilər Sərxan Abbasov, Elçin Əliyev, Xəyal Abulov, Elnur Ələkbərov, könüllü əsgər Nəcməddin Əhmədov və I Qarabağ müharibəsi iştirakçısı Məhəmməd Cəfərov keçdikləri şərəfli döyüş yolu, müharibə xatirələrini professor, müəllim və tələbələrimizlə bölüşüblər. Tədbirdə vətən müharibəsinə həsr edilmiş videoçarx nümayiş etdirilib. 2 saat davam edən vebinarda yüzlərlə izləmə qeydə alınıb.
Ömərli Kənan 2020-ci ilin yanvarında hərbi xidmətini başa vuran Kənan bu il subbakalavr kimi universitetimizə qəbul olur - Nəqliyyat mühəndisliyi ixtisası, əyani. Lakin... Lakin Vətən sevgisini illərdir arzusunda olduğu ali təhsilindən üstün tutur... Qəbul nəticələri elan olunduqdan dərhal sonra könüllü cəbhəyə yollanır və qeydiyyata vaxtı qalmır. Döyüşlərdə şücaət göstərən Kənan 6 oktyabrda şəhidlik zirvəsinə ucalır. Valideynləri universitetimizə Kənanı unutmayın deyir. Kənanın Texnologiya Universitetini tanımağa fürsəti olmadı, ancaq öncəliyi - ali təhsil arzusuna çatmışkən öncə Vətən deməsi bizə onu tanıtdırdı. Fəxr edirik! Unutmayacayıq, unutdurmayacayıq!
3 və 4 dekabr tarixlərində Azərbaycan Respublikası Mərkəzi Bankı, Azərbaycan Bank Tədris Mərkəzi və Azərbaycan Texnologiya Universitetinin təşkilatçılığı ilə "Məsuliyyətli borclanma" mövzusunda keçirilib. Təlimdə UTECA tələbələri, professor - müəllim və inzibati heyəti iştirak edib. Maliyyə savadlılığının artırılması məqsədilə keçirilən iki günlük təlimlərə 75 dən çox iştirakçı qatılıb. Bütün iştirakçılara sertifikatlar verilib.
O, universitetimizin kommersiya ixtisasının 2-ci kurs tələbəsidir. 2016-cı ildə Aprel döyüşlərində də topçu kimi iştirak edən Rahim 2-ci Qarabağ müharibəsinə könüllü qatılıb. Füzuli, Cəbrayıl və Xocavənd rayonlarının işğaldan azad edilməsində iştirak edib.Rahim deyir ki, döyüş zamanı ən çox ruhlandıran məqamlardan biri Xocavəndi işğaldan azad edən zaman ələ keçirilən düşmən qənimətlərilə düşmənin özünü top atəşinə tutması olub. Qürur duyuruq!
