UTECA tələbəmiz Gülçin Ağayevanın təhsil ödənişinə dəstək verdi. 17 oktyabr 2020-ci il tarixində Gəncəyə atılan raket nəticəsində Gülçin və 4 ailə üzvü dağıntılar altından çıxarılsa da, babası həmin hadisədə həyatını itirmişdi. Universitetin rektoru, professor Akif Süleymanov Gülçinin 1 illik təhsil haqqının universitetin daxili imkanları hesabına ödənilməsini təmin edib. Qeyd edək ki, Gülçin Ağayeva UTECA -nın dizayn ixtisasının II kurs tələbəsidir.
Tələbəmiz Orxan - Cəbrayıl, Qubadlı və Laçının azad olunmasına görə medalları ilə təltif edilib Orxan Hüseynov UTECA-nın biznesin idarə edilməsi ixtisasının MBA proqramı üzrə magistr tələbəsi olan Orxan, döyüşlərə könüllü olaraq qatılıb. Cəbrayıl, Qubadlı və Laçın istiqamətində gedən döyüşlərdə baş istehkamçı kimi iştirak edib. General-mayor Mais Bərxudarovun dəstəsi ilə çiyin-çiyinə döyüşlərdə olan tələbəmiz, Laçın dəhlizinə edilən həmlə zamanı hücumdan öncə onlarla piyada əleyhinə mina zərərsizləşdirərək yüksək rütbəli zabitlərimizin, eləcə də əsgərlərimizin təhlükəsiz irəliləməsində pay sahibi olub. "Cəbrayılın azad olunmasına görə", "Qubadlının azad olunmasına görə" və "Laçının azad olunmasına görə" medalları ilə təltif edilib. Qürur duyuruq!
Vətənpərvər UTECA məzunu medala layiq görülüb Məzahir Savalanlı Biznesin idarə edilməsi ixtisasımızın 2020-ci il məzunudur. Məzahir, Talış və Suqovuşan uğrunda gedən döyüşlərdə topçu kimi iştirak edib. “Suqovuşanın azad olunmasına görə” medalı ilə təltif olunub. Fəxrimizdir!
Dərslər 20 Yanvar mövzusuna həsr edilib Bu gün UTECA-da bütün qiyabi qruplarda birinci dərs 20 Yanvar mövzusuna həsr edilib. Faciə qurbanlarının əziz xatirəsini 60 qrup üzrə 550 tələbə professor-müəllim heyəti ilə birgə yad edib.
Tələbəmiz avtomobil qəzasında həyatını itirib Universitetimizin İqtisadiyyat və idarəetmə fakültəsinin III kurs tələbəsi Əli Əlili avtomobil qəzasında həyatını itirib. Yaxınlarına səbr diləyirik. Allah rəhmət eləsin...
Ənvər Məmmədhəsənov Sənayenin təşkili və idarə edilməsi ixtsasımızın qiyabi şöbə üzrə II kurs tələbəsi Ənvər Füzuli və Şuşanın azadlığı uğrunda gedən döyüşlərdə iştirak edib. Hazırda Kəlbəcərdə Vətənin keşiyindədir. Fəxr edirik!
