Elm və innovasiyalar üzrə prorektor v.m.i.e. Mayıs Gülalıyev, Ümumi və tətbiqi fizika kafedrasının müdiri Məntiq Cəfərov, Ümumi və tətbiqi riyaziyyat kafedrasının müdiri Hamlet Kəsəmənli, Kimya və metallurgiya mühəndisliyi kafedrasının müdiri Musa Cəfərov və Yüngül sənaye mühəndisliyi və dizayn kafedrasının müdiri Tofiq Mirzəyev şəhid tələbəmiz Ruslan Məmmədovun ailəsini Sumqayıt şəhərində ziyarət ediblər.
ATU əməkdaşları ailə ilə söhbət zamanı universitetin Ruslanla daim fəxr etdiyini, digər tələbələrimiz üçün vətənpərvərlik nümunəsi olduğunu bildirib, valideyninə belə bir oğul tərbiyə etdiyi üçün minnətdarlıq ifadə ediblər, daha sonra ailə ilə birlikdə Ruslanın məzarını ziyarət edərək ruhuna dualar oxuyublar.
Azərbaycan Ordusunun leytenantı olan Ruslan Məmmədov 2020-ci il sentyabrın 27-də Vətən müharibəsinin başladığı vaxt döyüşlərdə şücaət göstərib, Suqovuşanın azadlığı uğrunda gedən döyüşlərdə savaşıb. Noyabrın 1-də Ağdərə istiqamətində şəhid olan Ruslan "İgidliyə görə ", "Vətən uğrunda, "Suqovuşanın azad olunmasına görə", "Laçının azad olunmasına görə" medalları ilə təltif edilib.
Ruhu qarşısında baş əyirik.
Allah rəhmət eləsin!

Bu gün səhər saatlarından universitetin Bayraq Meydanında tələbələrin əl işlərindən ibarət rəsm tabloları sərgilənib.

Tələbələr tənəffüs vaxtlarında sərgiyə baxış keçirib, Zəfərə gedən yolu tablolarda seyr edib, Vətən Müharibəsi şəhidlərini qürurla yad ediblər.

Tədbirdə əvvəlcə Azərbaycan Respublikasının Dövlət Himni səsləndirilib. Ardınca Azərbaycanın ərazi bütövlüyü və müstəqilliyi uğrunda canından keçmiş şəhidlərimizin əziz xatirəsi bir dəqiqəlik sükutla yad edilib.

Tədbirdə giriş sözü ilə sosial məsələlər və ictimaiyyətlə əlaqələr üzrə müşavir Şahmar Həsənov çıxış edib. Bildirib ki, Azərbaycanın əldə etdiyi uğurların, nailiyyətlərin bünövrəsində güclü iqtisadi irəliləyiş və onun nəticəsi olan iqtisadiyyat durur. Bu iqtisadi inkişafın həlledici məqamlarından biri ölkəmizin həyata keçirdiyi uğurlu enerji siyasətidir. Məhz bu uğurlu enerji siyasətinin təməli Ulu Öndər Heydər Əliyev tərəfindən qoyulub. Ş.Həsənov qeyd edib ki, gələcəyə hesablanmış neft strategiyasının təntənəsi “Əsrin müqaviləsi”dir. Bu müqavilə 1994-cü il sentyabrın 20-də “Bakıda Xəzər dənizinin Azərbaycan sektorunda “Azəri” və “Çıraq” yataqlarının dərinlikdə yerləşən hissəsinin birgə işlənməsi və hasil olunan neftin pay şəklində bölüşdürülməsi haqqında” 10 xarici ölkənin 13 iri neft şirkəti ilə bağlanıb. İndi həmin tarixdən 30 ilə yaxın vaxt keçir. Bu dövrdə neftdən gələn bütün mənfəət həm siyasi, həm iqtisadi cəhətdən Azərbaycan xalqının gələcək mənafeyinə, rifahına yönəldilir.

Sonra Marketinq kafedrasının müdiri M.Urkayev, əməkdaşları dos.Rafael Şükürov, Ayxan Bahadurlu və Aişə Məmmədova çıxış edərək “Əsrin müqaviləsi”nin əhəmiyyətindən, Azərbaycanın iqtisadi yüksəlişində və bu gün öz torpaqlarını işğaldan azad edən, güclü ordusu olan dövlətə çevrilməsində rolundan danışıblar.

29 sentyabr, 2023-cü il tarixində Azərbaycan Texnologiya Universitetinin I korpusunda yerləşən “Port of Baku” təlim-tədris auditoriyasında “Startaplar: İdeyadan biznesə” adlı təlim təşkil olunacaqdır.

Startaplara maraq göstərən, universitetin innovativ ekosisteminin formalaşmasında iştirak etmək arzusunda olan və ən əsası, öz ideyalarını reallaşdırmaq istəyən tələbələr təlimdə iştiraka dəvət edilir.

Tədbirdən öncə universitetin həyətində ATU-nun şəhid məzun və tələbələrinin xatirəsinə ucaldılmış abidə ziyarət edilib, önünə gül dəstələri düzülüb.

Tədbir Azərbaycan Respublikasının Dövlət Himninin səsləndirilməsi və Vətənin ərazi bütövlüyü uğrunda canından keçən şəhidlərimizin əziz xatirəsinin bir dəqiqəlik sükutla yad edilməsilə açıq elan edilib.

Sonra fəxri qonaqlar və ATU kollektivi üçün “44 Gün, 44 An” adlı sənədli film nümayiş etdirilib. 40 dəqiqə davam edən film zalda duyğulu anlar yaşadıb.

Daha sonra Azərbaycan Texnologiya Universitetinin rektoru v.m.i.e dos. Yaşar Ömərov çıxış edib, Ali Baş Komandan İlham Əliyevin rəhbərliyi ilə rəşadətli Azərbaycan Ordusunun qüdrətindən, mübariz əsgər və zabitlərdən, o cümlədən ATU-nun Vətən Müharibəsinə qoşulan şəhid məzun və tələbələrindən danışıb.

YAP Gəncə Şəhər təşkilatının sədri Bayram Aslanov isə çıxışında Azərbaycan gəncliyinin vətənpərvər ruhda yetişməsindən, İkinci Qarabağ Müharibəsində şəhid və qazilərin misilsiz qəhrəmanlıqlarından bəhs edib.

Gəncə şəhidi Nurhan Abbasovun anası Səidə Abbasova bütün şəhid anaları timsalında çıxış edərək öz duyğulu hisslərini bölüşüb.

Tədbirdə həm də Azərbaycan Texnologiya Universitetinin magistratura pilləsinin birinci kurs tələbəsi, Vətən müharibəsi şəhidi Anar Qarayevin qardaşı Allahverdi Qarayev, Gəncə şəhidi Mərhab Əliyevin qardaşı, Vətən müharibəsi iştirakçısı Şöhrət Əliyev, Azərbaycan Texnologiya Universitetinin qazi tələbəsi Gündüz Abdullayev çıxış edərək 44 günün həm ağrılı, həm də qürurlu anlarından danışıblar.

ATU-nun qazi məzununun valideyni, eyni zamanda Maşın mühəndisliyi və logistika kafedrasının müdiri dos. Şakir Əliyev və universitetinin əməkdaşı, I Qarabağ müharibəsi qazisi İsfəndiyar Hacıyev həmin illəri bir daha xatırlayaraq bütün şəhidlərə Allahdan rəhmət diləyib, universitetin şəhid tələbə və məzunlarının ailələrinə və qazi tələbələrə diqqətinin nümunə olduğunu qeyd edərək öz təşəkkürlərini bildiriblər.

Hibrid qaydada baş tutan konfransın plenar iclası ATU-da keçirilib.

Tədbirdən öncə Ulu Öndər Heydər Əliyevin büstü və ATU-nun şəhid tələbə və məzunlarının abidəsi ziyarət edilib, önünə gül dəstələri düzülüb.

İclas Azərbaycan Respublikasının Dövlət Himninin səsləndirilməsilə açıq elan edilib. Ardınca Vətənimizin bütövlüyü uğrunda canından keçən şəhidlərin əziz xatirəsi bir dəqiqəlik sükutla yad edilib.

ATU-nun rektoru v.m.i.e. dos. Yaşar Ömərov giriş sözü ilə çıxış edib. Konfransın mövzusunun aktuallığından danışıb, konfransa 10 ölkədən 121 məqalənin göndərildiyini qeyd edib.

Daha sonra İKSAD-ın prezidenti Dr. Mustafa Latif Emek, Azərbaycan Respublikasının elm və təhsil nazirinin müşaviri Nicat Məmmədli, Azərbaycan Mili Elmlər Akademiyasının vitse prezidenti akademik Rasim Əliquluyev çıxış edərək konfransın işinə uğurlar arzu ediblər.

Plenar iclasda Azəralüminium MMC Gəncə İstehsalat Kompleksinin direktoru Cəmil Səfərov və ATU İnnovasiya Mərkəzinin direktoru Şamo Salayevin məruzələri dinlənilib.

İclas zamanı İKSAD-ın Azərbaycan təmsilçisi Əlvan Cəfərov ATU-nun rektoru v.m.i.e. Yaşar Ömərova İKSAD-ın təltifnaməsini təqdim edib. Y.Ömərov isə İKSAD rəhbərliyinə hədiyyə etdiyi "Şuşa" tablosunu təqdim edib.

Konfrans öz işini 15 istiqamət üzrə bölmələrdə davam etdirib. Panellərin bir hissəsi Türkiyədə təşkil olunub.