Azərbaycan Texnologiya Universitetinin İnsan resursları şöbəsinin müdiri vəzifəsinə İlham Əlizadə təyin edilib.

İlham Hacıbaba oğlu Əlizadə 30 may 1958-ci ildə Gəncə şəhərində anadan olub. 1980-ci ildə Gəncə Dövlət Universitetini (GDU) tarix ixtisası üzrə bitirib. 1998-ci ildə Bakı Dövlət Universitetində (BDU) hüquqşünaslıq ixtisası üzrə ikinci təhsilini başa vurub.

Əmək fəaliyyətinə 1984-cü ildən başlayıb. Dövlət qurumlarında və sənaye müəssisələrində çalışıb. Gəncə şəhər İcra Hakimiyyəti Aparatında müxtəlif vəzifələrdə (mütəxəssis, baş məsləhətçi, şöbə müdiri, İcra Hakimiyyəti Başçısının birinci müavini), Gəncə şəhər Kəpəz və Nizami bələdiyyələrində isə hüquq şöbəsinin müdiri vəzifəsində çalışıb.

Həmçinin, BP Azərbaycan şirkətinin məsul şəxsi, Cənubi Qafqaz Boru Kəmərinin Genişləndirilməsi Layihəsində baş koordinatoru, indiyədək isə “Simurq Kompani” Səhmdar Cəmiyyətində hüquq və insan resursları şöbəsinin müdiri olub.

2022-ci ildə tarix üzrə fəlsəfə doktoru elmi dərəcəsinə layiq görülüb.

Elm və Təhsil Nazirliyinin Təhsilin İnkişafı Fondu və İqtisadiyyat Nazirliyinin Dördüncü Sənaye İnqilabının Təhlili və Koordinasiya Mərkəzi ABŞ-nın “Coursera” şirkətilə əməkdaşlıq çərçivəsində "4Sİ Akademiyası" layihəsinə başlayıb.

Layihənin məqsədi ölkədə Dördüncü Sənaye inqilabı texnologiyaları sahəsində bilik və bacarıqların inkişaf etdirilməsi, əmək bazarında bu sahə üzrə ixtisaslı kadrların hazırlanmasına dəstək olmaqdır.

Layihə çərçivəsində 4Sİ texnologiyaları, süni intellekt, data analitikası, blokçeyn və bulud texnologiyaları, proqramlaşdırma dilləri, liderlik, kommunikasiya bacarıqları daxil olmaqla ümumilikdə 800-ə yaxın kursdan yararlanmaq mümkün olacaq.

Layihə üçün qeydiyyat 7 sentyabr tarixinədək aparılır. Həmin tarixədək qeydiyyatdan keçən ilk 10 minə yaxın şəxs 700-dən çox ödənişsiz təlimə qoşula biləcək.

Qeydiyyat linki : https://4sim.gov.az/en/applicationForm

İradə Davud qızı Kərimova Gənclər və İdman Nazirliyi, Azərbaycan Üzgüçülük Federasiyası və Bakı Şəhər Halqası Əməliyyat Şirkətinin birgə təşkilatçılığı ilə Mingəçevirdə “Kürü keçək” adlı açıq suda kütləvi üzmə yarışının qalibi olub.

İradə Kərimova Kür çayının iki sahili arasında təşkil olunan yarışda 300 metr məsafəni qət edərək yuxarı yaş kateqoriyasında birinci yeri tutub.

Təbrik edirik!

Qeydiyyat portal.edu.az platforması üzərindən elektron qaydada həyata keçiriləcək.

Prosesə 5 sentyabr saat 11:00-dan start veriləcək, 14 sentyabr saat 18:00-dək davam edəcək.

Qeydiyyat üçün tələb olunan sənədlər aşağıdakılardır:
1. Şəxsiyyət vəsiqəsi
2. Attestat (diplom, arayış)
3. Şəkil (3x4 ölçüdə, tələbə bileti üçün)
4. Hərbi qeydiyyat vəsiqəsi (ağ bilet) və ya hərbi bilet
5. Təhsil haqqının ödənilməsinə dair qəbz (Kapital Bank)
6. Təhsil haqqını ödəməkdən azad olanlar üçün statusu təsdiq edən sənəd

Əlaqə:
055 833 00 01 Hamlet Kəsəmənli
055 847 87 06 Günay Qəhrəmanova (nömrələr saat 9:00-dan 17:00-dək aktivdir)

Qeyd: Qeydiyyat zamanı portalda əks olunmuş sənədlərin surəti (təhsil haqqını ödəməkdən azad olanlar statusu təsdiq edən sənədin notarial qaydada təsdiq olunmuş surətini) dərslər başlayan vaxt müvafiq fakültələrə təqdim edilməlidir.

2023/2024-cü tədris ilində Azərbaycan Texnologiya Universitetinə magistratura üzrə 179 plan yerinə 174 nəfər qəbul olub. Bu qəbulun 97,2%-ni təşkil edir.

Qəbul olunan şəxslər 2023-cü il 28 avqust 11:00-dan 4 sentyabr saat 18:00‑dək elektron qaydada qeydiyyatdan keçməlidirlər.

Bunun üçün https://portal.edu.az/ platformasında qeydiyyatdan keçmək lazımdır.

Qeydiyyatdan keçməyənlər qəbul olunanların siyahısından xaric ediləcəklər.

Qeyd edək ki, ötən ildən etibarən universitetə qəbul olunan tələbələrin say və keyfiyyət tərkibində əsaslı dəyişikliklər baş verib. Universitet 2022-2023-cü tədris ili üzrə də 97,2 faiz magistr qəbulu göstəricisi ilə seçilib.

ATU-da magistrların sayının artması gələcəkdə universitetin tədqiqat mərkəzinə çevrilməsinə, elmi fəaliyyətin və təhsil-elm-istehsalat əlaqələrinin güclənməsinə şərait yaradacaq.

Magistr adını qazananları təbrik edirik və onlara magistratura təhsillərində uğurlar arzulayırıq!

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi Azərbaycan Texnologiya Universitetində “Səyyar məsləhət” layihəsi çərçivəsində tələbələrlə görüş keçirib. Agentliyin əməkdaşları tələbələrin karyera planlaması ilə bağlı suallarını cavablayıb.

Onu da qeyd edək ki, layihə çərçivəsində ATU-nun 21 nəfər tələbəsi konsultasiyadan faydalanıb.