Tanışlıq görüşü saat 11:00-dan etibarən müvafiq fakültələrdə və korpuslarda baş tutub. Dekanlar, dekan müavinləri yeni tələbələrə tədris prosesi, daxili qaydalar, müəllim heyəti, paraktiki və nəzəri dərslər, laboratoriyalardan istifadə, qiymətləndirmə və imtahanlar, akademik məsləhətçilər barədə ətraflı məlumat veriblər.
Auditoriya və laboratoriyalar, İnnovasiya Mərkəzi, Kitabxana və Oxu zalları, İdman Klubu ilə tanış olan tələbələrə universitetin yaratdığı fürsətlərdən maksimum yararlanmaq tövsiyə edilib.
2023-2024-cü tədris ilində ATU-nun bakalavr pilləsinə 1051 nəfər tələbə qəbul olub
Bu barədə universitet Elmi Şurasının 13.09.2023-cü il tarixində keçirilən iclasında qərar verilib. Bununla da ATU-da innovativ ekosistemin əsası qoyulub.
Elmi tədqiqat yönümlü mərkəzin yaradılmasında məqsəd tələbələrin startaplara cəlb olunması, innovativ ideyaların dəstəklənməsi, startaplarla işin təşkili və koordinasiya olunması, universitet-sənaye əlaqələrinin genişləndirilməsi, eləcə də təlim və kurslarla işgüzar maarifləndirməni həyata keçirərək elmi texniki tərəqqiyə dəstək olmaqdır.
Mərkəzin fəaliyyət istiqamətinə əsasən tələbələr elmi tədqiqata əsaslanan yeni ideyalar verərək innovativ fəaliyyətin təşkil olunmasına, innovativ mühitin formalaşmasına nail olacaqlar.
Tədbir universitetin bayraq meydanında Azərbaycan Respublikasının Dövlət Himninin sədaları altında Dövlət Bayrağının qaldrılması ilə açıq elan olunub.
Daha sonra Azərbaycanın müstəqilliyi uğrunda canından keçmiş şəhidlərimizin əziz xatirəsi bir dəqiqəlik sükutla yad edilib.
Tədbirdə giriş sözü ilə çıxış edən Azərbaycan Texnologiya Universitetinin rektoru v.m.i.e dos. Yaşar Ömərov professor-müəllim heyəti və tələbələri yeni dərs ili münasibətilə təbrik edib, uğurlar arzulayıb. Vətənimizə, millətimizə layiqli olacaqlarına əminliyini ifadə edib.
Daha sonra Azərbaycan Milli Elmlər Akademiyasının Gəncə bölməsinin sədri Fuad Əliyev, universitetimizin Qida mühəndisliyi və ekspertiza kafedrasının müdiri, professor Əhəd Nəbiyev çıxış ediblər.
Füzuli uğrunda gedən döyüşlərdə qəhrəmanlıq göstərərək şəhid olmuş Amal Əhmədovun anası Mehriban Əhmədova çıxış edərək qızı Əsmərin seçiminin Azərbaycan Texnologiya Universiteti olduğunu bildirib və öz sevincini bölüşüb.
Daha sonra vətən deyib təhsilini donduraraq haqq savaşına gedən şəhidimizin arzusunu gerçəkləşdirən bacısı, dövlət və bələdiyyə idarəetməsi ixtisasında təhsil alacaq Əsmər Əhmədova çıxış edib.
Daha sonra İqtisadiyyat və İdarəetmə fakultəsinin birinci kurs tələbəsi Əliyev Atabəyin valideyni, Azərbaycan Texnologiya Universitetinin əməkdaşı Mətləb Əliyev, universitetimizin Qida Mühəndisliyi fakultəsinə ən yüksək balla qəbul olmuş Cəmilət Atayeva çıxış ediblər.
Sonda isə universitetimizə ən yüksək balla qəbul olmuş tələbələrə tələbə biletləri və mükafatlar təqdim edilib.
44 günlük Vətən Müharibəsində şəhid olmuş Amal Əhmədovun bacısı Əsmər Əhmədova 2023/2024-cü tədris ili üçün ali təhsil müəssisələrinə tələbə qəbulu müsabiqəsindən müvəffəqiyyətlə keçərək Azərbaycan Texnologiya Universitetinin (ATU) tələbəsi adını qazanıb. O, dövlət və bələdiyyə idarəetməsi ixtisasında təhsilini davam etdirəcək.
Azərbaycan Texnologiya Universitetinin rektoru v.m.i.e dos. Yaşar Ömərov şəhid ailəsi ilə görüşüb. Görüş zamanı Y.Ömərov şəhidlərin Vətənimizin bütövlüyü uğrunda şücaətindən, qəhrəmanlıq nümunəsindən bəhs edib. Şəhid bacısını tələbə adı qazanması münasibətilə təbrik edərək ona təhsildə nailiyyətlər və müvəffəqiyyətlər arzu edib.
Y.Ömərov universitetdə təhsil almaq üçün yaradılan şəraitdən bəhs edib, şəhid bacısının akademik nəticələri və uğurlari ilə seçiləcəyinə əminliyini ifadə edib.
Qeyd edək ki, Amal Əhmədov Füzuli uğrunda gedən döyüşlərdə qəhrəmanlıq göstərərək şəhid olub. Ölümündən sonra "Vətən uğrunda", Döyüşdə fərqlənməyə görə", Füzulinin azad olunmasına görə" medalları və 3-cü dərəcəli “Vətənə xidmətə görə” ordeni ilə təltif olunub.
Elmi şura sədri, Azərbaycan Texnologiya Universitetinin rektoru v.m.i.e. dos. Yaşar Ömərov kvorumu nəzərə alaraq iclası açıq elan edib, gündəlikdə duran məsələləri diqqətə çatdırıb.
İclasda tədris işləri üzrə prorektor Raqif Hüseynov yay imtahan sessiyasının nəticələrini məruzə edib. Ardınca elm və innovasiya üzrə prorektor v.m.i.e. Mayıs Gülalıyevin hesabatı dinlənilib.
Sonra Qida mühəndisliyi və ekspertiza kafedrasının müdiri prof. Əhəd Nəbiyevin və Ümumi və tətbiqi riyaziyyat kafedrasının müdiri Hamlet Kəsəmənlinin təqdimatında müvafiq kafedraların əməkdaşlarının iştirakı ilə hesabatları dinlənilib.
İclasda MBA proqramında tədris planlarının təsdiqi, imtahanların keçirilmə formasının dəyişdirilməsi, universitet strukturunun optimallaşdırılması və yeni struktur bölmələrin, eləcə də ictimai şuranın yaradılması, akkreditasiya zamanı aşkar olunmuş nöqsanların aradan qaldırılması və digər məsələlər müzakirə edilərək müvafiq qərarlar qəbul edilib.
İmtahan “Doktoranturaların yaradılması və doktoranturaya qəbul qaydaları”ına uyğun həyata keçirilib. İxtisas imtahanında Azərbaycan Texnologiya Universitetinə sənəd təqdim etmiş, Dövlət İmtahan Mərkəzi (DİM) tərəfindən keçirilən xarici dil imtahanından keçid balını toplamış, Gəncə Dövlət Universitetində (GDU) təşkil olunan fəlsəfə imtahanından məqbul qiymət almış əyani və qiyabi doktoranturaya namizəd olanlar iştirak ediblər. İmtahan Azərbaycan Respublikası Elm və Təhsil Nazirliyi tərəfindən təqdim olunan cədvələ əsasən 11-12 sentyabr tarixlərində reallaşıb.
Azərbaycan Texnologiya Universitetinin rektoru v.m.i. e. dos. Yaşar Ömərovun sədrliyi ilə təşkil olunmuş komissiyalarda altı ixtisas üzrə imtahan keçirilib.
Fəlsəfə doktoru proqramı üzrə altı yerə qarşı doqquz namizəd iştirak edib. Həmin fəlsəfə doktoru proqramı üzrə dissertanturaya sənəd təqdim etmiş və xarici dil imtahanından keçid balını toplayan bir namizəd ixtisas fənnindən müsahibədə iştirak edib. İmtahanın nəticələri həmin gün namizədlərə elan olunub.
