Azərbaycan Texnologiya Universitetinin rektoru v.m.i.e dos. Yaşar Ömərov İqtisadiyyat və idarəetmə fakültəsinin I kurs tələbələri ilə görüşüb.

Görüşdə tədris işləri üzrə prorektor Raqif Hüseynov, elm və innovasiyalar üzrə prorektor v.m.i.e Mayis Gülalıyev, sosial məsələlər və ictimaiyyətlə əlaqələr üzrə müşavir Şahmar Həsənov, İE fakültəsi rəhbərliyi və digər struktur bölmə rəhbərləri iştirak edib.

Yaşar Ömərov yeni tədris ili münasibətilə tələbələri bir daha təbrik edib, təhsildə uğurlar arzulayıb, onlara universitetin imkanları, ictimai həyatı, tədrisin təşkili məsələləri, beynəlxalq layihələr, mübadilə proqramları, universitetdə fəaliyyət göstərən tələbə cəmiyyətləri barədə məlumat verib, bu imkanlardan yararlanmağı tövsiyə edib.

Sonda tələbələri maraqlandıran suallar cavablandırılıb.

Azərbaycan Texnologiya Universiteti (ATU) ilə Azərbaycan Qida Təhlükəsizliyi İnstitutu (AQTİ)arasında görüş keçirilib. ATU-da baş tutan görüşdə AQTİ-ni İdarə Heyəti sədrinin müşaviri Hüseyn Məmmədov və İnstitutun Analitik Ekspertiza Mərkəzinin müdiri Tünzalə Qocayeva təmsil edib.

Görüş çərçivəsində ATU-nun rektoru v.m.i.e. dos. Yaşar Ömərov tədris işləri üzrə prorektor Raqif Hüseynov, Qida mühəndisliyi fakültəsinin dekanı dos. Mehman İsmayılov, Qida mühəndisliyi və ekspertiza kafedrasının müdiri prof. Əhəd Nəbiyevlə birgə AQTİ nümayəndələrini qəbul edib, müvafiq istiqamət üzrə kadr hazırlığı və birgə tədqiqatların aparılması kimi məsələlər müzakirə edilib.

Sonra AQTİ əməkdaşlarının Qida mühəndisliyi fakültəsinin tələbələri ilə görüşü baş tutub. Tədbirdə tələbələrə AQTİ-nin fəaliyyəti barədə geniş məlumat verilib. Bildirilib ki, İnstitutun müasir infrastruktura malik laboratoriyalarında qida təhlükəsizliyi, heyvan və bitki sağlamlığı, eləcə də kompleks tədqiqatlar üzrə elmi-praktik araşdırmalar, tədqiqatlar aparılır, laborator analizlər, sınaq işləri həyata keçirilir. Görüş zamanı İnstitutda işə qəbul prosedurları, təcrübə və könüllülük proqramları haqqında da tələbələrə ətraflı məlumatlar verilib.

Tədbir tələbələrin suallarının cavablandırılması ilə yekunlaşıb.

Azərbaycan Texnologiya Universitetinin rəhbər heyəti ilə Qida mühəndisliyi fakültəsinin I kurs tələbələrinin görüşü baş tutub.

Görüşdə tədris işləri üzrə prorektor Raqif Hüseynov, elm və innovasiyalar üzrə prorektor v.m.i.e Mayis Gülalıyev, sosial məsələlər və ictimaiyyətlə əlaqələr üzrə müşavir Şahmar Həsənov, Qida mühəndisliyi fakültəsi rəhbərliyi və digər struktur bölmə rəhbərləri iştirak edib.

Tədbirdə tələbələrə universitetin imkanları, ictimai həyatı, tədrisin təşkili məsələləri, beynəlxalq layihələr, mübadilə proqramları, universitetdə fəaliyyət göstərən tələbə cəmiyyətləri barədə məlumat verilib, bu imkanlardan yararlanmaq tövsiyə edilib.

Sonda tələbələri maraqlandıran suallar cavablandırılıb.

Azərbaycan Texnologiya Universitetinin rəhbər heyəti ilə Yüngül sənaye mühəndisliyi və logistika fakültəsinin I kurs tələbələri ilə görüşü baş tutub.

Görüşdə tədris işləri üzrə prorektor Raqif Hüseynov, sosial məsələlər və ictimaiyyətlə əlaqələr üzrə müşavir Şahmar Həsənov, YSML fakültəsinin rəhbərliyi və digər struktur bölmə rəhbərləri iştirak edib.

Tədbirdə tələbələrə universitetin imkanları, ictimai həyatı, tədrisin təşkili məsələləri, beynəlxalq layihələr, mübadilə proqramları, universitetdə fəaliyyət göstərən tələbə cəmiyyətləri barədə məlumat verib, bu imkanlardan yararlanmaq tövsiyə edilib.

Sonda tələbələri maraqlandıran suallar cavablandırılıb.

Tədbir Azərbaycan Respublikası Dövlət Miqrasiya Xidməti Gəncə Regional Miqrasiya İdarəsinin təşkilatçılığı ilə baş tutub. Tədbirdə Azərbaycan Texnologiya Universitetinin Tədris işləri üzrə prorektoru Raqif Hüseynov, Beynəlxalq əməkdaşlıq şöbəsinin müdiri v.m.i.e. Ramidə Xəlilova, Gəncə Regional Miqrasiya İdarəsinin rəisi Orxan Xıdırov, Miqrasiya rejiminə nəzarət bölməsinin rəisi Omar Omarov, Vətəndaşların qəbulu və müraciətlərinə baxılması şöbəsinin baş inspektoru Xanlar Əsgərov iştirak edib.
Tədbirdə Gəncə Regional Miqrasiya İdarəsinin əməkdaşları “Əcnəbilər və vətəndaşlığı olmayan şəxslərin hüquq və vəzifələri”, “Miqrasiya qanunvericiliyinin tələblərinin pozulmasına görə nəzərdə tutulmuş inzibati məsuliyyətlər”, “Dövlət Miqrasiya Xidməti tərəfindən əcnəbilər və vətəndaşlığı olmayan şəxslərlə bağlı göstərilən xidmətlər, miqrasiya qanunvericiliyində baş vermiş son dəyişikliklər” adlı məruzələrlə çıxış ediblər.Tədbirin sonunda geniş müzakirələr aparılıb, tələbələrin sualları cavablandırılıb.

Azərbaycan Texnologiya Universitetində Respublika Elmi-Praktik Konfransı keçiriləcəkdir

6-7 noyabr 2023-cü il tarixində Azərbaycan Texnologiya Universitetində Zəfər Gününə həsr olunmuş “Elm və texnologiyaların müasir trendləri” mövzusunda hibrid formatda müəllim və gənc tədqiqatçıların Respublika Elmi-Praktik Konfransı keçiriləcəkdir.

Konfransın bölmələri universitetin istiqamətlərinə müvafiq olaraq aşağıdakı kimi müəyyənləşdirilib:
- Qida sənayesi
- Süni intellekt, elektronika və informasiya texnologiyaları
- Tekstil və yüngül sənaye
- Dizayn
- Maşınqayırma, nəqliyyat və logistika
- Metal və materiallarda innovativ texnologiyalar
- Rəqəmsal iqtisadiyyat
- İdarəetmənin müasir trendləri
- Turizm sənayesi
- Multikultural təhsil
- Yaşıl iqtisadiyyat və dayanıqlı inkişaf
- Dəqiq və təbiət elmlərinin müasir trendləri

Konfrans materialları aşağıdakı tələblərə uyğun olaraq hazırlanmalıdır:

- Konfrans materialları Azərbaycan, Rus və ya İngilis dillərində qəbul olunur;
- Mətn “Microsoft Word for Windows” redaktorunda Arial şriftilə (hərflərin ölçüsü-12 pt, interval-1,5, abzas-1,25), boş sahələrin ölçüləri soldan-25 mm, sağdan-15 mm, yuxarı və aşağıdan 20 mm olmaqla, A4 formatlı standarta (210x297 mm) uyğun hazırlanmalıdır;
- Məruzənin mətni 3 səhifəyə qədər olmalıdır;
- Mətnin əvvəlində ortadan materialın mövzusu, onun altında tədqiqatçıların adı və soyadı, müəssisənin adı, müəlliflərin elektron poçt ünvanı yazılır (hər biri qalın şrift ilə).
Tezisdə istifadə edilmiş elmi ədəbiyyata istinad və mənbələr aşağıdakı qaydada göstərilir:
- Ədəbiyyat siyahısı Azərbaycan Respublikasının Prezidenti yanında Ali Attestasiya Komissiyasının tələbləri əsasında göstərilir;
- Ədəbiyyat siyahısı mətnin sonunda əlifba sırası ilə verilir;
- İstinad olunan ədəbiyyat nəşr olunduğu dildə verilir;
- Ədəbiyyat siyahısında son 5-10 ilin elmi məqalələrinə, monoqrafiyalarına üstünlük verilməlidir;
- İstinad olunan ədəbiyyatın nömrəsi mətnin içində kvadrat mörtərizədə göstərilir.

Ən azı bir xarici ədəbiyyata istinad arzuolunandır.
Konfrans materialının sonunda onun yazıldığı dildən başqa iki dildə (Azərbaycan dilində yazılmış tezislərə ingilis və rus dillərində, rus dilində yazılmış tezislərə Azərbaycan və ingilis dillərində, ingilis dilində yazılmış tezislərə isə Azərbaycan və rus dillərində) xülasə verilir. Müəllifin gəldiyi elmi nəticə, işin elmi yeniliyi xülasədə yığcam şəkildə öz əksini tapmalıdır. Xülasələr elmi və qrammatik baxımdan ciddi redaktə olunmalıdır. Hər bir xülasədə materialın, müəllifin və müəssisənin adı yuxarıda qeyd olunan qaydada göstərilməlidir.

Konfransın redaksiya heyətinə təqdim olunan tezisin orjinallığı 85 %-dən az olmamalıdır.

Konfrans materialları konkret və konfransın mövzusuna uyğun olmadıqda, yuxarıda qeyd olunan tələbləri ödəmədikdə Təşkilat Komitəsi tərəfindən qəbul edilmir və bu barədə müəlliflərə məlumat verilmir.

Məruzə üçün qəbul edilən tezis haqqında məlumat müəlliflərə konfransa 3 gün qalmışa qədər (son tarix 3 noyabr) göndərilir.
Konfransda çıxış edən hər bir tədqiqatçıya sertifikat verilir. Dinlənilmiş məruzələrdən nəşr üçün yararlısı sədr və həmsədrlər tərəfindən müəyyən edilib protokollaşdırılır. Protokol Təşkilat Komitəsinə təqdim olunur.

Konfrans materialları 20 gün ərzində (noyabrın 27-ə qədər) PDF formatında universitetin rəsmi saytında yerləşdirilir.

Konfransda iştirak ATU-nun əməkdaşları və gənc tədqiqatçıları (magistrantları, doktorantları və dissertantları) üçün ödənişsizdir. Digər iştirakçıların məruzə tezisinin hər səhifəsi üçün 5 manat nəzərdə tutulur. Tezislər ödəniş qəbzi ilə birgə təqdim olunmalıdır. 

Ödəniş üçün tələb olunan rekvizitlər aşağıdakılardır:

AZƏRBAYCAN TEXNOLOGİYA UNİVERSİTETİ MMC
VÖEN: 2300343181
H/H: AZ39AIIB38060019440135272127
Bankın adı: “Kapitalbank” ASC Gəncə filialı
Bankın kodu: 200275
VÖEN: 9900003611
Müxbir hesab: AZ37NABZ01350100000000001944
S.W.I.F.T. BİK: AIIBAZ2X

Konfrans materialları 20 oktyabr 2023-cü ildən gec olmayaraq conference@uteca.edu.az elektron poçt ünvanına göndərilməlidir.
Ünvan: Gəncə ş. AZ2011 Şah İsmayıl Xətai prospekti 103
Tel: (022) 257 00 46
E-mail: conference@uteca.edu.az