“Laçın rayonunun işğaldan azad olunması tarixi hadisədir” Prezident İlham Əliyev Laçın rayonu 18 may 1992-ci ildə erməni daşnakları tərəfindən işğal edilib. 28 il düşmənin ayaqları altında inildəyən Laçın Azərbaycan Respublikası, Rusiya Federasiyası Prezidentləri və Ermənistan Respublikası baş nazirinin imzaladığı üçtərəfli bəyanata əsasən 1 dekabr 2020-ci ildən etibarən işğaldan azad edilib. 

Dünya İqtisadi Forumunun bəyan etdiyi siyahıya əsasən (Top 10 skills of 2025) növbəti beş ildə insan davranış mədəniyyətində hansı kompetensiyalara yiyələnməlidir? Yaradıcı təfəkkürə malik olan şəxs hər bir məsələnin həlli yollarını digərlərindən fərqli, orijinal şəkildə görür və gizli cəhətləri aşkar edir. Təşəbbüskar olmaqla o, aşkar edilmiş imkanlara uyğun sərbəst hərəkət edir. Yaradıcı insan fəaliyyətin sonunda detalları ilə işlənmiş ilkin və təkrarsız yeni məhsul yaradır, əldə olunan nəticələri dəyərləndirir və əlaqələndirir, interaktiv təcrübə qurur və qeyri-adi cavabları aşkar etmək üçün anlayışlar ortaya çıxarır. 

Azərbaycan Respublikasının Prezidenti İlham Əliyev, birinci xanım Mehriban Əliyeva, qızları Leyla Əliyeva və Arzu Əliyeva tədbirdə iştirak ediblər. Şuşada tikiləcək yeni məscidin minarələri 11 rəqəmini əks etdirir. Yuxarıdan baxdıqda isə məscidin görünüşü 8 rəqəmini xatırladır. Bu, Şuşanın 8.11.2020 tarixində işğaldan azad olunmasını simvolizə edir. 8 həmçinin sonsuzluğa, qalibiyyətimizin əbədi olacağına işarədir. 

Bu tələbələrin yaz semestri üzrə təhsil haqqı dövlət hesabına ödəniləcək 2020/2021-ci tədris ilinin birinci (payız) semestri üçün təhsil haqqı dövlət büdcəsi vəsaiti hesabına ödənilmiş sosial həssas ailələrdən olan tələbələrin ikinci (yaz) semestrdə də təhsil haqqları dövlət hesabına ödəniləcək. Məlumat Nazirlər Kabinetinin 4 may, 2021-ci il tarixli qərarında öz əksini tapıb. 

“Azərbaycanda Rektorlar Konfransı” Erasmus+ layihəsinin təqdimatı keçirilib Avropa Komissiyası tərəfindən maliyyələşdirilən və Bakı Biznes Universitetinin koordinatorluq etdiyi “Azərbaycanda Rektorlar Konfransı” Erasmus+ layihəsinin təqdimatı keçirilib. 4-6 may 2021-ci il tarixlərində Avropa Komissiyası tərəfindən maliyyələşdirilən və Bakı Biznes Universitetinin koordinatorluq etdiyi “Azərbaycanda Rektorlar Konfransı” (ECAR) Erasmus+ layihəsinin onlayn formatda təqdimat mərasimi keçirilib. Layihənin əsas məqsədi Azərbaycanda Rektorlar Konfransının yaradılması və bununla da universitetlər və digər tərəfdaşlar arasında sıx əməkdaşlığın yaradılmasına və inkişaf etdirilməsinə nail olmaq, ali məktəblərinin beynəlxalq aləmdə təmsil olunmasına zəmin yaratmaqdır. ECAR milli layihə olmaqla təhsilin beynəlmilliləşməsi, həmçinin rəqəmsal və innovativ iqtisadiyyatda ali təhsil müəssisələrinin rolunu artırmaq məqsədilə universitetlərarası əlaqələrin təmin olunmasına dəstək verəcək. Azərbaycan Texnologiya Universitetinin də partnyor olduğu bu layihənin təqdimat mərasimində Tədris işləri üzrə prorektor Vüqar İsmayılov, Keyfiyyət təminatı və audit şöbəsinin müdiri Mətləb Əliyev, Elm və xarici əlaqələr mərkəzinin əməkdaşları iştirak ediblər. Eyni zamanda, tədbirdə Təhsil Nazirliyinin rəhbərliyi, Avropa İttifaqının Azərbaycandakı nümayəndəliyinin rəhbərliyi, Magna Charta müşahidə qrupu, Avropa Universitetləri Birliyi, Fransa Beynəlxalq Təhsil Mərkəzi, Belçikanın Avropa İdarəetmə İnkişafı Qurumu, Erasmus+ Azərbaycan ofisinin rəhbərliyi, Təhsil Nazirliyinin Keyfiyyət Təminatı Agentliyi, İspaniya, Polşa, Fransa, Portuqaliya, Litva, Finlandiya Rektorlar Konfransının rəhbərliyi və səlahiyyətli nümayəndələri, ölkəmizdə akreditə olunmuş ABŞ, Polşa, Fransa, Litva səfirliklərinin fövqəladə və səlahiyyətli səfirləri və nümayəndələri, layihə konsorsiumunun üzvləri olan İsveçin Kral Texnologiya İnstitutu, Litvanın Mikolas Romeris Universitetinin professor-müəllim heyəti, Azərbaycanın 15 universitetinin rektorları və rəhbər şəxsləri, eləcə də digər nüfuzlu mötəbər qonaqlar iştirak ediblər.Görüşdə Avropa Universitetlər Birliyinin, Polşa, Finlandiya, Litva, Portuqaliya və İspaniya Rektorlar Konfransının nümayəndələri də Rektorlar Konfransına dair faydalı fikirlərini və Avropa təcrübələrini bölüşüblər. Bundan başqa, 3 il müddətində layihə çərçivəsində görüləcək işlər və layihənin gözlənilən faydaları barədə ətraflı məlumat verilib, layihənin ilk 6 aylıq fəaliyyət planı müzakirə edilib.

Sərgilər bir çox kiçik və orta biznes müəssisələri üçün başlanğıc meydanıdır. Burada tərəfdaşlar, təchizatçılar və həmfikirlər tapmaq, üz-üzə ünsiyyət qurmaq, istehsalatı inkişaf etdirmək və genişləndirmək kimi imkanlar var. İri müəssisələrə gəldikdə isə, keçirilən sərgilər bütün bunlarla yanaşı onlar üçün PR- strategiyanın ayrılmaz hissəsi sayılır. Sərgilər ölkənin və regionun imicini yüksəltmək yolu ilə yerli və milli iqtisadiyyata əhəmiyyətli dərəcədə öz təsirini göstərir. Son dövrlər yerli və xarici şirkətlər tərəfindən qaldırılan mühüm məsələlərdən biri beynəlxalq sərgi və tədbirlərin Azərbaycanda bərpası ilə bağlıdır. Hal hazırda bu istiqamətdə dünyada və region ölkələrdə müsbət tendensiya müşahidə olunur. Azərbaycan Qida və İçki Sənayeciləri Assosiasiyasının İdarə Heyətinin Sədri Emin Dostiyari pandemiya dövründə sərgilərin təşkilindəki bir sıra ölkələrin təcrübəsini nəzərdən keçirərək mühüm şərtləri açıqladı. Bunlar sərginin Operativ Qərargahın müəyyən etdiyi bütün qaydalara və bu sahədə dünya üzrə qəbul edilən Ümumdünya Sərgi Sənayesi Assosiasiyasının beynəlxalq standartlara uyğun təşkil edilməsi, bununla yanaşı tədbir iştirakçıları olan xarici şirkət nümayəndələrinin ölkəyə girişinin mümkün olmasıdır.