UTECA-nın daha bir elmi jurnalı Ali Attestasiya Komisiyasının tövsiyə olunanlar siyahısında Azərbaycan Texnologiya Universitetinin “Elmi xəbərlər məcmuəsi” adlı elmi jurnalı Azərbaycan Respublikası Prezidenti yanında Ali Attestasiya Komisiyası tərəfindən texnika, biologiya və aqrar elmlər üzrə Azərbaycan Respublikasında dərc olunması tövsiyə edilən dövri elmi nəşrlərin yenilənən siyahısına daxil edilib.  UTECA-nın “İnnovasiyalı iqtisadiyyat və menecment” elmi jurnalı isə iqtisad elmləri üzrə elmi məqalələrin Azərbaycan Respublikasında dərc olunması tövsiyə edilən dövri elmi nəşrlərin yenilənmiş siyahısına salınıb. Qeyd edək ki, UTECA-nın “Elmi xəbərlər məcmuəsi” 2017-ci ildən,  “İnnovasiyalı iqtisadiyyat və menecment” elmi jurnalı isə ilk dəfədir ölkədə dərc olunması tövsiyə edilən dövri elmi nəşrlərin siyahısında yer alır. Istinad: http://aak.gov.az/jurnals/2020_siyahi/iqt_elm_nesr_20.pdf http://aak.gov.az/jurnals/2020_siyahi/bio_aqrar_elm_nesr_20.pdf http://aak.gov.az/jurnals/2020_siyahi/iqt_elm_nesr_20.pdf    

CRENG-in növbəti təlimləri Fransada keçirilib Azərbaycan Texnologiya Universitetinin (UTECA) əməkdaşları "Nəqliyyat xidmətləri üçün böhran və risk mühəndisliyi (CRENG)" Erasmus+ KA2 layihəsi çərçivəsində Fransada təşkil olunan təlimlərə qatılıblar.  CRENG-in UTECA üzrə koordinatoru Orxan Vətənxah, komanda üzvləri Nofəl Hacıyev, Fəridə Verdiyeva və Nicat Qəzənfərli Fransanın Valensien şəhərində yerləşən Hauts De Frans Politexnik Universitetində bu ali təhsil ocağının müəllimləri tərəfindən keçilən dəsrlərdə iştirak ediblər. Bundan başqa onlar layihəyə daxil olan fənlər üzrə fəaliyyət göstərən laboratoriyaların işi ilə də tanış olublar.  Təlimlərdə həmçinin layihəyə uyğun olaraq UTECA-da təsis ediləcək nəqliyyat logistikası magistr proqramı üzrə tədris olunacaq fənlərin məzmunu, sillabusları, kurikulumu və tədris vəsaitləri ilə bağlı məsələlər də müzakirə edilib.  Təlimin sonunda universitetimizin əməkdaşlarına sertifikat təqdim olunub.    

31 yanvar - Azərbaycan xalqının böyük oğlu, Xalq Cümhuriyyətinin banilərindən biri Məhəmməd Əmin Rəsulzadənin doğum günüdür. “Vətən qayəsi və millət duyğusu hər şeydən yüksək tutulmalıdır”. 

Azərbaycan Texnologiya Universitetində 2 fevral – Azərbaycan Gəncləri Günü qeyd edilib. Tədbir çərçivəsində UTECA-nın rektoru, professor Akif Süleymanov səmərəli fəaliyyətinə, öhdəsinə düşən işləri, verilən tapşırıqları dəqiq və məsuliyyətlə yerinə yetirdiyinə görə gənc müəllimlər və tyutorları, eləcə də universitetin ictimai həyatında, təşkil edilən yarışlarda fəal iştirakına görə bir qrup tələbələri fəxri fərmanla təltif edilib.    

  Universitetin rektoru, professor Akif Süleymanov ailə ilə görüşdə Texnologiya Universitetinin Rəşadla daim fəxr etdiyini bildirib. Rektor Rəşada verilən tərbiyə üçün onun valideynləri Şakir və Fərqanə Niftəliyevlərə təşəkkür edib, Rəşadın şəhidlik zirvəsinin həm də universitetin vətənpərvər gənclər yetişdirdiyinin bariz nümunəsi olduğunu qeyd edib. Akif Süleymanov əlavə edib ki, UTECA növbəti ayda Rəşadın adına həsr olunmuş turnir təşkil edəcək və universitet şəhid məzunun xatirəsini əbədi yaşadacaq, onun şücaətini bütün nəsillərə ötürəcək. Şəhidin valideynləri, qardaşı Tural Niftəliyev və nənəsi Səlimə Abbasova, eləcə də Rəşada dərs deyən müəllimlər onunla bağlı xatirələrini bölüşüblər.Görüş zamanı rektor universitet əməkdaşları olan texnoloqların UTECA-nın toxuculuq laboratoriyasında Rəşadın şərəfinə ərsəyə gətirdikləri portret xalçanı ailəsinə təqdim edib. 

Azərbaycan Texnologiya Universitetində “Açıq qapı” günü keçirilib. İmtahanın gedişatını valideynlər, repetitorlar, media nümayəndələri ilə yanaşı UTECA-ya işgüzar səfər məqsədilə gələn Gürcüstanın Gəncədəki Baş konsulu Nikolaz İaşvili izləyib. Universitetin rektoru, professor Akif Süleymanov müşahidəçilərə bildirib ki, UTECA-da ümumi tələbələ sayı 2622 nəfərdir. İmtahanlarda isə 2618 tələbənin iştirakı nəzərdə tutulub. Bunun 135 nəfəri magistr, yerdə qalanı, yəni 2483 nəfəri isə bakalavrlardır. Ümumilikdə 229 imtahan qrupu üzrə 1306 imtahanın keçirilməsi planlaşdırılıb. Rektor əlavə edib ki, suallar bir ay əvvəldən tələbələrə verilir və tələbə həmin proqram əsasında hazırlaşaraq imtahanlarda iştirak edir. UTECA-da imtahanlar əsasən test üsulu və yazılı olaraq keçirilir. Bu il pilot olaraq İqtisadiyyat fakültəsinin tələbələrinə ingilis dilindən şifahi imtahan təşkil edilib. Bu addım dil biliyi hazırlığında “listing”in vacibliyi nəzərə alınaraq atılıb. Valideynlər və media nümayəndələri elektron, daha sonra yazılı imtahan keçirilən auditoriyalarda müşahidə apardıqdan sonra İmtahan Komisiyasının fəaliyyəti, eləcə də nəticələrin yoxlanma mexanizmi, obyektiv qiymətləndirmə sistemi ilə yaxından tanış olublar. UTECA-da imtahan otaqları müşahidə kameraları ilə təchiz edilib. İmtahan Komisiyası yaradılıb. Tələbələr yaxud valideynlər hər hansı xoşagəlməz halla rastlaşarlarsa bu komisiyaya və ya universitetin “Qaynar xətt”inə, yaxud da rəsmi sosial şəbəkə hesablarına müraciət edə bilərlər. Qeyd edək ki, hələ 2016-cı ildə Təhsil Nazirliyinin sifarişi ilə tələbələr arasında hazırlanan sorğuda Azərbaycan Texnologiya Universiteti ən şəffaf universitet statusu qazanıb. Bu statusu öz devizinə çevirən universitetin missiyası həm də çeviklik olub.