Azərbaycan Texnologiya Universiteti (ATU) ilə İspaniyanın Qranada Universiteti (QU) arasında anlaşma memorandumu imzalanıb.
Sənədi ATU-nun rektoru v.m.i.e dos. Yaşar Ömərovla, QU-nun rektoru prof. Pedro Mercado Pacheco İspaniyanın Qranada şəhərində imzalayıblar.
ATU 2023-cü ilin may ayında imzalanmış müqavilə ilə bir müddətdir ki, Qranada Universitetilə Erasmus proqramı çərçivəsində müəllim və tələbə heyətinin mübadiləsini həyata keçirir.
Ötən semestr müddətində ATU tələbəsi QU-da təhsilini davam etdirib, QU professorunun isə ATU-da seminarları təşkil olunub.
18 iyul tarixində imzalanan memorandumla mövcud əməkdaşlığın bir neçə istiqamət üzrə daha da genişləndirilməsi nəzərdə tutulur. Sənəddə birgə elmi konfransların, layihələrin həyata keçirilməsi, tələbə və müəllim mübadiləsinin bundan sonra da davam etdirilməsi və s. öz əksini tapır.
QU-ya səfər edən nümayəndə heyətində strateji inkişaf və rəqəmsallaşma məsələləri üzrə rektor müşaviri Mehman Kərimov, Qida mühəndisliyi fakültəsinin dekanı Mehman İsmayılov da təmsil olunub.
Səfər çərçivəsində ATU nümayəndə heyəti QU-da infrastruktur, fakültələrin maddi texniki bazası, həyata keçirilən elmi işlər və tədris prosesinin təşkili ilə yaxından tanış olublar.
Qeyd edək ki, Qranada Universiteti İspaniyanın ən yaxşı 2-ci universiteti hesab olunur. Bu ali təhsil ocağı bu il üzrə QS reytinqinin dünya universitetləri sıralamasında 431-ci yerdə, "Times Higher Education" reytinqində isə 501-600 aralığındadır.
Azərbaycan Texnologiya Universiteti (ATU) Avropa Komissiyasının Erasmus+ proqramının iki beynəlxalq layihəsində iştirak etmək hüququ qazanıb.
Birinci layihə “Azərbaycan, Gürcüstan və Qazaxıstanda optik şəbəkələr və optik kommunikasiyalar üzrə ali təhsil müəsisələrinin monitorinq və idarəetmə potensiallarının artırılması” (OPTİFY) adlanır. Layihə çərçivəsində optik şəbəkələrin monitorinqi və idarəolunması üzrə magistratura səviyyəsində yeni ixtisasın açılması nəzərdə tutulub. Bu ixtisas üzrə müasir səriştələrə və bacarıqlara malik kadr hazırlığı yerinə yetiriləcək, akademik heyətin qabaqcıl Avropa ali təhsil müəssisələrində müvafiq məzmun və müasir tədris üsulları üzrə təlimi yerinə yetiriləcək. Həmçinin yeni tədris laboratoriyası yaradılacaq, sənaye üçün müvafiq məzmunlu təhsil modulları formalaşdırılacaq. Layihənin koordinatoru Azərbaycan Texniki Universitetidir.
Digər layihə “Təhsil və innovasiya vasitəsilə ikili “yaşıl” və rəqəmsal keçidin təşviq edilməsi” (GreenTech Horizons) adlanır, yaşıl keçid və rəqəmsal transformasiya dövründə mühəndislik və idarəetmə bacarıqlarını gücləndirmək məqsədi daşıyır. Layihənin koordinatoru Novi Sad Universitetidir (Serbiya).
Azərbaycan Texnologiya Universiteti (ATU) ilə "Xəzri TN" MMC arasında anlaşma memorandumu imzalanıb.
Sənədi Azərbaycan Texnologiya Universitetinin rektoru v.m.i.e. dos. Yaşar Ömərovla "Xəzri TN" MMC-nin direktoru İlkin Şabanov imzalayıblar.
Memorandumda istehsalat təcrübələrinin təşkili, məzunların işlə təmin edilməsi, təqaüd proqramının təsis edilməsi, birgə konfrans, seminar və təlimlərin təşkili və s. məsələlər öz əksini tapıb.
İmzalanma mərasimindən sonra müəssisə nümayəndələri ATU-nun Qida mühəndisliyi fakültəsi, laboratoriyaları ilə tanış olublar.
Qeyd edək ki, Azərbaycan Respublikasının Prezidenti Cənab İlham Əliyev tərəfindən 2013-cü ildə əsası qoyulan, alman texnologiyası əsasında fəaliyyət göstərən "Xəzri TN" MMC-yə məxsus N1 Çörək Zavodunun günlük istehsal gücü 150 tona bərabərdir.
Azərbaycan Texnologiya Universitetində (ATU) Elmi Şuranın 2023/2024-cü tədris ili üzrə son iclası keçirilib.
Universitetin rektoru v.m.i.e., Elmi Şura sədri dos. Yaşar Ömərov kvorumu nəzərə alaraq iclası açıq elan edib, gündəlikdə duran məsələləri diqqətə çatdırıb.
Sonra rektor v.m.i.e. dos. Yaşar Ömərov 2023/2024-cü tədris ilində ATU-nun fəaliyyəti və perspektiv inkişafına dair məruzə ilə çıxış edib.
Daha sonra Ümumi və tətbiqi riyaziyyat kafedrasının müdiri Hamlet Kəsəmənlinin hesabatı dinlənilib.
Elmi katib Sevda Qurbanova 2024/2025-ci tədris ilinin birinci yarımili üçün universitet Elmi Şurasının iş planını müzakirəyə təqdim edib.
Tədris işləri üzrə prorektor Raqif Hüseynov tədris metodiki vəsaitlərin təsdiqi ilə bağlı çıxış edib.
Sosial məsələlər və ictimaiyyətlə əlaqələr üzrə prorektor Şahmar Həsənov Azərbaycan Texnologiya Universitetinin akademik, inzibati və tədris-köməkçi heyətinin etik davranış qaydaları, əməkdaşların zahiri görünüş normaları və geyim qaydalarını şura üvlərinin müzakirəsinə təqdim edib.
İclas çərçivəsində Yüngül sənaye mühəndisliyi və dizayn kafedrasının baş müəllimi Hüsnü Kərimov 60 illik yubileyi, universitetin "Texnoloq" qəzetinin redaktoru Zirəddin Cavadov
70 illik yubileyi münasibətilə təltif edilib.
Azərbaycan Texnologiya Universiteti (ATU) Erasmus+ proqramı çərçivəsində Polşada təmsil olunub. Müxtəlif ölkələrdən bir sıra qabaqcıl universitetlərin nümayəndələrinin iştirak etdiyi "Beynəlxalq Həftə"də ATU-nu İnnovasiya Mərkəzinin direktoru Şamo Salayev təmsil edib.
Təlim proqramına əsasən işitrakçı universitetlər öz təqdimatları ilə çıxış edib, kordinator universitetin tədqiqat və innovasiya ekosistemi, texniki infrastrukturu, virtual-simulyator tədris otaqları, elektron və fiziki kitabxanaları, eləcə də Polşada təhsil və tədrisin inkişafı, universitet və sənaye əlaqələri ilə müasir peşələrə hazırlıq strategiyası kimi mühüm istiqamətlərdə təqdimatları nümayiş etdirilib. Həmçinin müasir innovativ tədrisin inkişafı məqsədilə iştirakçı universitetlərin uğurlu təcrübələrinin tətbiq edilməsi və gələcəkdə yeni əməkdaşlıqların qurulması istiqamətində müzakirələr aparılıb.
Sonda iştirakçılara sertifikatlar təqdim edilib.
Sənədi Azərbaycan Texnologiya Universitetinin rektoru v.m.i.e. dos. Yaşar Ömərovla Azersunun İnsan Resursları üzrə Baş direktoru Fatih İslamoğlu imzalayıblar.
Memorandumda tələbələrin istehsalat təcrübələrinin təşkili, məzunların işlə təmin edilməsi, təqaüd proqramının təsis edilməsi, birgə konfrans, seminar və təlimlərinin təşkili və s. məsələlər öz əksini tapıb.
İmzalanma mərasimindən sonra ATU nümayəndələri müəssisə ilə yaxından tanış olub, istehsal prosesini izləyiblər.
Qeyd edək ki, Azersun qida istehsalı, kənd təsərrüfatı, qablaşdırma və logistika sahələrinə aid 30-dan artıq müəssisəsi ilə bu gün qida sənayesi sektorunda ölkənin aparıcı şirkətlərini birləşdirən böyük bir Holdinqdir. Şirkətlər Qrupunun müəssisələri tərəfindən istehsal olunan məhsullar həm daxili bazarı təmin edir, həm də ixrac olunur.
