Azərbaycan Texnologiya Universiteti, Azərbaycan Beynəlxalq Bankı (ABB) və Granada Universitetinin birgə təşkilatçılığı ilə İspaniyanın Granada Universitetinin tədqiqatçısı Jose Ramon Trillonun iştirakıyla "Süni İntellekt və Data sahəsində son yeniliklər və onların bank sektorunda tətbiq imkanları" mövzusunda vebinar keçirilib.
ATU-nun akademik heyəti və gənc tədqiqatçılar üçün təşkil olunan vebinarda süni intellekt və böyük verilənlər sahəsindəki son nailiyyətlər, bu texnologiyaların bank sahəsində tətbiq imkanları ətraflı şəkildə müzakirə olunub.
Jose Ramon Trillo təqdimatında qlobal miqyasda data analitikası və öyrənən alqoritmlərin sürətlə inkişaf etdiyini və onların maliyyə sistemində risklərin idarə olunması, fırıldaqçılığın aşkarlanması və müştəri təcrübəsinin optimallaşdırılması kimi sahələrdə effektiv tətbiq olunduğunu qeyd edib.
Vebinar çərçivəsində ATU ilə Granada Universiteti arasında yaranan əməkdaşlıq əlaqələrinin əhəmiyyəti də vurğulanıb. Bildirilib ki, bu cür elmi-tədris platformaları iki universitet arasında təcrübə mübadiləsinin genişlənməsinə, birgə tədqiqatların aparılmasına və tələbə-müəllim mobilliyinin təşviqinə zəmin yaradır.
Azərbaycan Texnologiya Universitetində (ATU) tələbə və akademik heyətin peşəkar inkişafına dəstək məqsədilə növbəti təlimlər təşkil olunub. Təlimlər ATU tərəfdaşlardan biri olan “Nar” mobil rabitə operatorunun iştirakı ilə həyata keçirilib. Tələbələr və müəllimlər üçün nəzərdə tutulan təlimlərin əsas məqsədi peşəkar bacarıqları inkişaf etdirmək, tələbələri əmək bazarına hazırlamaq və karyera planlaşdırmasında dəstək göstərmək olub.
İlkin mərhələdə müvafiq ixtisaslarda təhsil alan tələbələr üçün keçirilən təlimlərdə mobil rabitənin əsasları, əmək bazarında praktiki təcrübənin önəmi, eləcə də uğurlu karyera quruculuğunun əsas istiqamətləri əhatə olunub. İnteraktiv formatda keçən görüşlər zamanı iştirakçılar real iş mühiti və texnologiyalara dair ətraflı məlumat əldə edib, öz suallarını "Nar" mütəxəssislərinə ünvanlayıblar.
Təlimlərin növbəti mərhələsi universitetin akademik heyəti üçün nəzərdə tutulub. Bu çərçivədə "Nar" şirkətinin texniki heyəti tərəfindən keçirilən sessiyada müəllimlər "Nar Laboratoriyası"nın müasir avadanlıqları və onların işləmə prinsipləri ilə yaxından tanış olublar. Təlim iştirakçıları mobil şəbəkələrin iş prinsipləri, yeni texnoloji həllər və təcrübəyə əsaslanan öyrənmə metodları haqqında ətraflı məlumat əldə ediblər.
Qeyd edək ki, 2.2 milyon abunəçiyə yüksəkkeyfiyyətli rabitə xidmətləri göstərən “Nar”ın ötən ilin oktyabrında Texnologiya Universitetində laboratoriyası istifadəyə verilib. Aktiv əməkdaşlıq çərçivəsində ATU-da “Nar” mütəxəssislərinin silsilə seminarları təşkil edilir.
Azərbaycan Texnologiya Universitetinin İqtisadiyyat və idarəetmə fakültəsi Gəncə şəhəri və ətraf rayonların, o cümlədən kənd məktəblərinin yuxarı sinif şagirdləri üçün tanıtım kampaniyası təşkil edib.
Kampaniya çərçivəsində fakültənin nəzdində fəaliyyət göstərən İdarəetmə, İqtisadiyyat, Turizm sənayesinin təşkili, Xarici dillər, İctimai elmlər və multikulturalizm kafedralarının əməkdaşları 22 Gəncə məktəbində, eləcə də Goranboy, Şəmkir, Tovuz, Bərdə, Tərtər rayon məktəblərində şagirdlər ilə görüşlər keçiriblər.
Təqdimatlarda kafedra nümayəndələri tədris olunan ixtisaslar, qəbul imkanları, təcrübə proqramları, əmək bazarındakı perspektivlər, o cümlədən universitetin maddi-texniki bazası və tələbələrə yaradılan şərait barədə ətraflı məlumat veriblər. Eyni zamanda, şagirdləri maraqlandıran suallar cavablandırılıb, ixtisas seçimində dəstək ola biləcək çap materialları təqdim olunub, daha yaxından tanışlıq üçün valideynləri ilə birgə ATU-ya dəvət ediliblər.
Azərbaycan Texnologiya Universitetinin Avtomatika, telekommunikasiya və informatika fakültəsi Gəncə şəhəri və ətraf rayonların, o cümlədən kənd məktəblərinin yuxarı sinif şagirdləri üçün tanıtım kampaniyası təşkil edib.
Kampaniya çərçivəsində fakültənin nəzdində fəaliyyət göstərən Avtomatika və informasiya texnologiyaları, Kompüter mühəndisliyi və telekommunikasiya, Ümumi və tətbiqi riyaziyyat, Ümumi və tətbiqi fizika kafedralarının əməkdaşları Gəncə şəhərinin 29, 34 saylı orta məktəblərində, eləcə də Samux, Ağstafa, Tovuz məktəblərində şagirdlər ilə görüşlər keçiriblər.
Təqdimatlarda kafedra nümayəndələri tədris olunan ixtisaslar, qəbul imkanları, təcrübə proqramları, əmək bazarındakı perspektivlər, o cümlədən universitetin maddi-texniki bazası və tələbələrə yaradılan şərait barədə ətraflı məlumat veriblər. Eyni zamanda, şagirdləri maraqlandıran suallar cavablandırılıb, ixtisas seçimində dəstək ola biləcək çap materialları təqdim olunub, daha yaxından tanışlıq üçün valideynləri ilə birgə ATU-ya dəvət ediliblər.
Azərbaycan Texnologiya Universitetinin (ATU) rektoru Yaşar Ömərovun qiyabi təhsil alan 5-ci kurs tələbələri ilə görüşü keçirilib.
Görüş kurs tələbələrinin 28 aprel 2025-ci il tarixində başlayan istehsalat təcrübəsi çərçivəsində baş tutub.
Görüşdə istehsalat təcrübəsinin gedişatı, qarşıya qoyulan vəzifələr və tələbələri maraqlandıran bir sıra məsələlər müzakirə olunub. Rektor tələbələrə uğurlar arzulayaraq təcrübə müddətində universitetdə qazandıqları bilik və bacarıqları real mühitdə tətbiq etməyi, təşəbbüskar və məsuliyyətli olmağı tövsiyə edib. O, həmçinin istehsalat təcrübəsinin gələcək peşəkar karyeraları üçün mühüm mərhələ olduğunu vurğulayıb.
Tədrisin təşkili və idarə edilməsi şöbəsinin məsul nümayəndələrinin və təcrübə rəhbərlərinin də iştirakı ilə baş tutan tədbirdə istehsalat təcrübəsinin təşkili və sənədləşmə prosesi ilə bağlı tələbələrə ətraflı məlumatlar verilib.
Azərbaycan Texnologiya Universitetinin Qida mühəndisliyi fakültəsi Gəncə şəhəri və ətraf rayonların, o cümlədən kənd məktəblərinin yuxarı sinif şagirdləri üçün tanıtım kampaniyası təşkil edib.
Kampaniya çərçivəsində fakültənin nəzdində fəaliyyət göstərən Qida mühəndisliyi və ekspertiza, Ətraf mühitin mühafizəsi kafedralarının əməkdaşları Gəncə şəhərinin 11, 14 və 15 saylı orta məktəblərində, eləcə də Goranboy, Şəmkir, Tovuz məktəblərində şagirdlər ilə görüşlər keçiriblər.
Təqdimatlarda kafedra nümayəndələri tədris olunan ixtisaslar, qəbul imkanları, təcrübə proqramları, əmək bazarındakı perspektivlər, o cümlədən universitetin maddi-texniki bazası və tələbələrə yaradılan şərait barədə ətraflı məlumat veriblər. Eyni zamanda, şagirdləri maraqlandıran suallar cavablandırılıb, ixtisas seçimində dəstək ola biləcək çap materialları təqdim olunub, daha yaxından tanışlıq üçün valideynləri ilə birgə ATU-ya dəvət ediliblər.
