Azərbaycan Texnologiya Universitetində 3-4 noyabr tarixlərində keçirilən respublika elmi-praktik konfransının iştirakçılarına sertifikatlar təqdim edilib. Konfransın 8 istiqamət üzrə müəyyənləşən bölmələrində ən maraqlı tezislərin müəllifləri və ən aktiv məruzəçilər sertifikatlarla təltif edilib.Sertifikatları məruzəçilərə bölmələr üzrə sədrlər və həmsədrlər təqdim edib.Qeyd edək ki, 8 Noyabr- Zəfər Gününə həsr olunmuş “Müasir elmin aktual çağırışları və nailiyyətləri” adlı respublika elmi-praktik konfransının məcmuələr toplusunda 200-ə yaxın tezis yer alıb.
Azərbaycan Texnologiya Universitetində 8 Noyabr- Zəfər Gününə həsr olunmuş “Müasir elmin aktual çağırışları və nailiyyətləri” adlı respublika elmi-praktik konfransının panel iclasları davam edir. Bölmələr dünən plenar iclasın açılışından sonra günün ikinci yarısında öz işinə başlayıb. Bu gün də davam edəcək bölmələr Qida sənayesi, Logistika, Yüngül sənaye, İnformasiya texnologiyaları və kompüter, Metal və materiallar mühəndisliyi, İqtisadiyyat və menecment, Davamlı inkişaf, yaşıl və nanotexnologiyalar, Multikultural təhsildə innovativ yanaşmalar olmaqla 8 istiqamət üzrə müxtəlif auditoriyalarda təşkil olunur.Azərbaycan Texnologiya Universitetinin rektor əvəzi, dos Yaşar Ömərov, Elm və innovasiyalar üzrə prorektor vəzifəsini müvəqqəti icra edən, iqtisad elmlər doktoru Mayıs Gülalıyev, Elmi Tədqiqat Mərkəzinin müdiri Qalibə Məmmədova, Sosial məsələlər və ictimayyətlə əlaqələr üzrə rektor müşaviri Şahmar Həsənov bölmələrdə olub, məruzələri dinləyib, elmi müzakirələrə qatılıblar.Şakir Əliyevin sədrliyi, Məmməd Urkayevin həmsədrliyi ilə təşkil olunmuş Logistika mühəndisliyi bölməsində Könül Həsənova “Müasir şəraitdə material ehtiyatlarının idarə edilməsi” adlı məruzə ilə çıxış edib.Rövşən Hacıyevin sədrliyi, Sakit Verdiyevin həmsədrliyi ilə İnformasiya texnologiyaları və kompüter mühəndisliyi bölməsinin panel iclasında kafedranın əməkdaşı Ülvi Rəfibəyli “Veb səhifələrarası skriptləmə” mövzusunu məruzə edib.Prof.Əhəd Nəbiyevin sədrlik, Mehman İsmayılovun həmsədrlik etdiyi Qida sənayesi mühəndisliyi bölməsində dissertant Azər Babayevin “Polisaxaridlərlə zəngin bitki mənşəli məhsullardan spirt istehsalı texnologiyasının tədqiqi” mövzusunda çıxışı dinlənilib.Metal və materiallar mühəndisliyi bölməsində sədr Namiq Əsgərov, həmsədr Musa Cəfərovdur və auditoriyanın ilk məruzəçisi “Fasiləsiz tökmə-yayma texnologiyasının inkişafının bəzi problemləri” mövzusu ilə dos. Zərdan Səmədov olub.Multikultural təhsildə innovativ yanaşmalar bölməsində isə Lamiyə Bayramovanın “Multikultural təhsildə innovativ yanaşma”ya həsr olunan çıxışı dinlənilib. Bölmənin sədri Fuad Yusifov, həmsədri Şahmar Həsənovdur.Fizuli Məmmədovun sədrlik, Rafayıl Şükürovun həmsədrlik etdiyi İqtisadiyyat və menecment bölməsində dos.Maarif Qarayevin, Cahangir Hacıyevin sədr, Tofiq Mirzəyevin həmsədrlik etdiyi Yüngül sənaye mühəndisliyi, eləcə də Elşad Məmmədovun sədr, Cəmil Səfərovun həmsədrlik etdiyi Davamlı inkişaf, yaşıl və nanotexnologiyalar bölmələrində isə digər çıxışçıların məruzələri dinlənilib.Hər bölmə üzrə çıxışlar dinlənildikdən sonra məruzəçiyə suallar verilib, mövzular ətrafında geniş fikir mübadiləsi aparılıb.Qeyd edək ki, bölmələr öz işini bu gün də davam etdirəcək. Konfransın 16 ali təhsil və elmi müəssisə tədqiqatçılarının materiallarının yer aldığı məcmuələr toplusuna 200-ə yaxın tezis daxil edilib.
Elmi Şuranın sədri, rektor əvəzi dos.Yaşar Ömərov iclası açıq elan edərək üzvləri və iştirakçıları gündəlikdə duran məsələlərlə tanış edib.Qida mühəndisliyi fakültəsinin tədris, elmi-tədqiqat və nizam-intizam vəziyyəti ilə bağlı elmi işlər üzrə prorektor əvəzi dos. Mayıs Gülalıyev məruzə edib. Fakültədə nəzərə çarpan nöqsanlar qeyd edilib. Çatışmazlıqların aradan qaldırılması istiqamətində müzakirələr aparılıb, tələblər irəli sürülüb.İclasda müxtəlif komissiyaların yaradılması, Tədris Metodiki Şuranın tərkibinin yenidən formalaşdırılması, doktorantura və dissertanturaya qəbulun nəticələri və s. kimi məsələlərə də baxılaraq müvafiq qərarlar qəbul edilib.İclasın sonunda bir qrup professor-müəllim heyəti yubileyləri münasibəti ilə təltif edilib.
Azərbaycan Texnologiya Universitetində 8 Noyabr - Zəfər Gününə həsr edilmiş rəsm müsabiqəsinə təqdim olunan əl işlərinə baxış keçirilib.“Zəfərə imza atdıq!” mövzusunda keçirilən müsabiqə təqdim olunan bir-birindən maraqlı şəkillər bu gün ərzində universitetin həyətində sərgilənib.Münsiflər heyəti yaxın günlərdə müsabiqənin qaliblərini elan edəcək.
Azərbaycan Texnologiya Universitetində 8 noyabr - Zəfər Gününə həsr edilmiş spartakiadanın açılış mərasimi keçirilib Tədbirdə Gəncə Şəhər Gənclər və İdman Baş İdarəsinin, bir sıra idman məktəblərinin rəsmiləri də iştirak edib.Təntənəli mərasim tələbə idmançıların müşayiəti ilə şəhidlərin şəkillərinin zala gətirilməsilə açıq elan edilib. Sonra Azərbaycan Respublikasının Dövlət Himni səsləndirilib. Ardınca torpaqlarımızın işğaldan azad edilməsi uğrunda canlarından keçən şəhidlərimizin əziz xatirəsi bir dəqiqəlik sükutla yad edilib.Tədbirin rəsmi hissəsində rektor əvəzi, dos. Yaşar Ömərov iştirakçıları salamlayaraq çıxışında Azərbaycanın şanlı qələbə tarixindən – Zəfər Günündən bəhs edib. Sonra ölkəmizdə idmanın inkişafına dövlət qayğısından danışıb, yarışlarda iştirak edən bütün tələbələrə uğurlar arzulayıb.Sonra Gəncə Şəhər Gənclər və İdman Baş İdarəsinin rəisi Həmid Nəsirov, 1 və 2 nömrəli Gəncə Şəhər Uşaq-Gənclər İdman-Şahmat məktəblərinin direktorları Ramil Qasımov və Akif Həsənov çıxış ediblər.Açılış mərasimi Gəncə Dövlət Filarmoniyasının solistlərininin, rəqs qruplarının ifasında bədii hissə ilə davam edib.Voleybol üzrə keçirilən ilk görüşdə Qida mühəndisliyi fakültəsinin və İqtisadiyyat və idarəetmə fakültəsinin komandaları qarşılaşıblar.Xatırladaq ki, fakültələr arası spartakiada şahmat, dama, voleybol, basketbol, futbol, stolüstü tennis olmaqla 6 idman növü üzrə keçirilir.
Azərbaycan Texnologiya Universitetinin Azərbaycan Respublikası Elm və Təhsil Nazirliyinin birgə 8 Noyabr - Zəfər Gününə həsr olunan “Müasir elmin aktual çağırışları və nailiyyətləri” adlı respublika elmi-praktik konfransı keçirilib Tədbirdən əvvəl universitet ərazisində ucaldılan Şəhidlər abidəsi ziyarət edilib. Daha sonra Bayraq Meydanında təşkil olunan tələbələrin əl işlərindən ibarət “Zəfərə imza atdıq” adlı rəsm sərgisinə baxış keçirilib.Konfransın plenar iclası Azərbaycan Respublikasının Dövlət Himninin səsləndirilməsi ilə açıq elan edilib. Ardınca Vətənimizin bütövlüyü uğrunda canından keçən şəhidlərin əziz xatirəsi bir dəqiqəlik sükutla yad edilib.Azərbaycan Texnologiya Universitetinin rektor əvəzi, dos. Yaşar Ömərov çıxış edərək tədbir iştirakçılarını salamlayıb, Zəfər Günü münasibətilə təbrik edib. Y.Ömərov konfransın mövzusunun aktuallığına diqqət çəkərək məcmuələr toplusuna 200-ə yaxın tezisin daxil olduğunu bildirib. Qeyd edib ki, konfrans alim və tədqiqaqtçıların 8 istiqamət üzrə elmi müzakirələr aparılmaları üçün yaxşı platformadır.Daha sonra Elm və Təhsil Nazirinin müavini Firudin Qurbanov, Gəncə Şəhər İcra hakimiyyəti başçısının müavini Adil Tağıyev, AMEA-nın Gəncə Regional bölməsinin sədri, akademik Fuad Əliyev, Mərəndi Şərab Zavodunun icraçı direktoru prof. Vüqar Mikayılov, Azərbaycan Kiber Təhlükəsizlik Təşkilatları Assosiasiyasının sədri Rahid Ələkbərli, Azəralüminium Gəncə istehsalat kompleksinin direktoru Cəmil Səfərov çıxış edərək konfransın işinə uğurlar arzulayıblar.Konfransın plenar iclasında Elm və innovasiyalar üzrə prorektor vəzifəsini müvəqqəti icra edən, iqtisad elmlər doktoru Mayıs Gülalıyevin “Elmin qlobal çağırışlarına lokal reaksiya” mövzusunda, Avtomatika, telekommunikasiya və informatika fakültəsinin dekanı Rövşən Hacıyevin isə “İnformasiya Kommunikasiya Texnologiyada müasir elmin aktual çağırışları və nailiyyətləri” mövzusunda məruzələri dinlənilib.Respublika elmi-praktik konfransı Qida sənayesi, Logistika, Yüngül sənaye, İnformasiya texnologiyaları və kompüter, Metal və materiallar mühəndisliyi, İqtisadiyyat və menecment, Davamlı inkişaf, yaşıl və nanotexnologiyalar, Multikultural təhsildə innovativ yanaşmalar olmaqla 8 istiqamət üzrə müəyyənləşib.
