Prezident İlham Əliyev Bolqarıstanda rəsmi səfərdə olub Bildiyimiz kimi, son illərdə Bolqarıstan və Azərbaycan, iki dost və strateji tərəfdaş ölkələr kimi bir-biri ilə daha sıx əlaqədədirlər. Ölkələrimiz arasında diplomatik münasibətlər 1992-ci il iyunun 5-də qurulub. Prezident İlham Əliyevin sentyabrın 30-da bu ölkəyə rəsmi səfəri bu əlaqələrin uğurla davam etdiyinə bir daha əyani sübutdur. Bolqarıstan Respublikasının Prezidenti Rumen Radevin rəsmi dəvəti əsasında həyata keçirilən bu səfər iki ölkə arasında diplomatik münasibətlərin yüksələn xətlə inkişafının təsdiqidir. Səfərin məqsədi, ölkələrimiz arasında yüksək səviyyədə olan əlaqələri daha da inkişaf etdirməyə və qarşılıqlı maraq doğuran sahələrdə əməkdaşlığın güclənməsidir. Azərbaycan-Bolqarıstan münasibətləri Prezident İlham Əliyevin 2015-ci ildə Sofiyaya rəsmi səfəri zamanı imzalanmış Strateji tərəfdaşlıq haqqında Birgə Bəyannamə ilə keyfiyyətcə daha yeni səviyyə qazanıb. Bolqarıstan Azərbaycanı Cənubi Qafqazda və Qara dəniz regionunda prioritet, strateji və etibarlı tərəfdaş hesab edir. Qarşılıqlı olaraq əlbəttə ki, Azərbaycan da Bolqarıstanla dostluq və əməkdaşlıq əlaqələrinin gücləndirilməsində maraqlıdır. Bundan başqa, iki ölkə arasında ticarət, nəqliyyat, xüsusilə yük daşımaları, sərmayələr, yüksək texnologiyalar, turizm və digər sahələrdə əməkdaşlığın inkişafı üçün geniş perspektivlər mövcuddur. Azərbaycan uzun illərdir etibarlı tərəfdaş kimi xam neftini dünya və Avropa bazarlarına ixrac edir. Enerji təhlükəsizliyi məsələləri bütün dövrlərdə mühüm əhəmiyyət kəsb edir, ancaq, indiki şəraitdə bu əhəmiyyət daha da artmaqdadır. Azərbaycan qazı artıq Bolqarıstandadır və bu ölkəyə ixrac ediləcək Azərbaycan qazının həcminin daha da artırılması nəzərdə tutulub. Dövlət başçımız bildidrib ki, Bolqarıstan şirkətləri Azərbaycanda daha genişmiqyaslı işlərin görülməsinə dəvət olunacaqdır. İşğaldan azad olunmuş ərazilər əməkdaşlıq üçün yeni imkanlar yaradır. Azərbaycan Prezidentinin Bolqarıstana bu son rəsmi səfəri gələcəkdə iki ölkənin strateji tərəfdaşlığını daha da gücləndirəcək: “Sözsüz ki, Bolqarıstanda keçirilən beynəlxalq tədbirdə iştirak edən ölkələrin yüksək təmsilçiləri ilə keçirilən mühüm görüşlər ikitərəfli və çoxtərəfli əlaqələrimizin daha möhkəmlənməsinə xidmət edir. Qeyd edim ki, bu səfərin proqramı çərçivəsində Bolqarıstan Respublikasının paytaxtı Sofiya şəhərində Yunanıstan-Bolqarıstan Qaz İnterkonnektorunun (IGB) açılış mərasimi də təşkil edilmişdi. Açılış mərasimində iştirak edən Dövlətimizin Başçısı həm də bu tədbirdə yüksək səviyyədə çıxış edib. Qeyd etmək istərdim ki, açılış mərasimi dünyada , eləcə də Avrasiya məkanında baş verən çox ciddi geosiyasi prosesler, xüsusən də, Rusiya - Ukrayna müharibəsi fonunda həyata keçirilirdi. Yəni bu gün Avropa ölkələrinin enerji təminatı, xüsusilə də qaz təchizatında ciddi böhranla üzləşdiyi bir dövrə təsadüf edirdi. Cənab İlham Əliyev Bolqarıstan Prezidenti və Bolqarıstanın digər yüksək səviyyəli dövlət nümayəndələri ilə görüşlər keçirməklə yanaşı Qaz İnterkonnektorunun açılış tədbirinə gəlmiş bir sıra ölkələrin hökumət və dövlət başçıları ilə də çox faydalı görüşlər keçirib. İlham Əliyevin bu tədbirdəki çıxışını əslində bugün dünyada baş verən geosiyasi proseslərin təhlili hesab etmək olar: - “Yunanıstan-Bolqarıstan Qaz İnterkonnektoru layihəsi Avropanın enerji təhlükəsizliyinin möhkəmləndirilməsində və qaz təchizatının şaxələndirilməsində mühüm rol oynayacaq. Enerji təhlükəsizliyi hər bir ölkənin milli təhlükəsizliyinin bir hissəsidir. Dünyada cari geosiyasi vəziyyət bunu bir daha sübuta yetirir. Təxminən iki ildir ki, Azərbaycan qazı Avropa bazarlarına çıxarılır və indi isə, o, Bolqarıstana daxil olur”. İlham Əliyev çıxışında Azərbaycanın Cənub Qaz Dəhlizini başlayan tərəf olduğundan qürur hissi duyduğunu vurğulayaraq, onun Avropanın enerji xəritəsini dəyişmiş Cənub Qaz Dəhlizi qitə üzrə ən böyük infrastruktur layihə olduğunu və Cənub Qaz Dəhlizi qazının istehlakçılara yeni marşrutla, o cümlədən yeni mənbədən nəql ediləcəyini qeyd etdi. Belə ki, bu vaxta qədər yeganə mənbə Xəzərin Azərbaycan sektorunda yerləşən “Şahdəniz” qaz yatağı idi. Lakin yaxın vaxtlarda Azərbaycanın bir neçə digər qaz yatağından hasilatın başlayacağı və təchizatın həcminin artırılması gözlənilir”. Prezident açılış mərasimindəki çıxışında qeyd edib ki, uzun illər Azərbaycan beynəlxalq bazarda və ilk növbədə, Avropa bazarında etibarlı neft təchizatçısı olub. İndi isə etibarlı qaz təchizatçısına çevrilir” fikirlərini səsləndirərək bir daha Azərbaycanın Avropa məkanı, eləcə də avroatlantik məkanın enerji təminatında əvəzedilməz tərəfdaş olduğunu vurğulayıb. Prezident açılış mərasimindəki çıxışında bərpaolunan enerji haqqında səsləndirdiyi fikirlərinə də toxunaraq bu enerji növünün Avropa Komissiyası ilə Azərbaycan arasında imzalanmış enerji sahəsində strateji tərəfdaşlığa dair Anlaşma Memorandumunun tərkib hissəsi olduğunu qeyd etdi. Prezident İlham Əliyev bir daha Azərbaycanın ən yaxın zamanlarda Avropanın etibarlı elektrik enerjisi təchizatçısına çevriləcəyini əminliklə bildirdi. Ümumiyyətlə fəxrlə deməliyik ki, bu səfər hədsiz dərəcədə önəmli olmaqla, mərasimdə iştirak edən ölkələrin rəhbərlərinin ölkəmizə və liderimizə qarşı çox yüksək münasibətlərinin və mühüm strateji mövqelərinin şahidi olduq.   

dos. Rövşən Hacıyev

“Avtomatika, Telekommunikasiya və İnformatika”

fakültəsinin dekanı     

Cəbrayıl rayonu Azərbaycan Respublikasının cənubunda Kiçik Qafqaz dağlarının cənub Şərqində, Araz çayının sol sahilində, cənub tərəfdən İran İslam Respublikası, cənub-qərbdən Zəngilan, qərbdən Qubadlı, Şimaldan Xocavənd, Şərqdən isə Füzuli rayonları ilə həmsərhəddir. Cəbrayıl rayonunun adı rayonun mərkəzi olan Cəbrayıl kəndinin adından götürülmüşdür. Cəbrayıl kəndinin əsasını qoymuş Cəbrayıl ata VIII əsrdə yaşamış Sultan Əhməd adlı bir hökmdarın yaxın adamlarından biri olmuş və Ziyarət dağından Araz çayına qədər ərazilər Cəbrayıl ataya və onun övladlarına məxsus olub.   XVII-XVIII yüzillərdə “Cəbrayıl” sözü ilə bağlı dolaşıq izahlar olub. Belə ki, 1873-cü ildə Tiflisdəki “Qafqaz” qəzetinin əməkdaşı H.Kokçayev yazırdı ki, “Cəbrayıl” tatar sözüdür, ona rusca “Qavril” deyilir. Bunu 19-cu yüzildə rus qafqazşünası K.Qan da təsdiqləyərək əlavə edir ki, bu adın islam dini ilə daha çox bağlılığı var.  971-1086-cı illərdə Cəbrayıl Şəddadilərin, 1250-ci illərdən monqolların, 1387-ci ildən Teymurilərin, 1412-ci ildən Qaraqoyunluların, 1478-ci ildən Ağqoyunluların və nəhayət, 1501-ci ildən Səfəvilərin tərkibində olmuşdur. 1841-ci ildə Cəbrayıl ərazisi Mərkəzi Şamaxı şəhəri olan Xəzər vilayətinin, 1846-cı ildə isə Şuşa qəzasının tabeliyinə verilmişdir. 1873-cü ildə Cəbrayıl və ona qonşu olan ərazilər Şuşa qəzasının tabeliyindən çıxarılıb Yelizavetpol (Gəncə) quberniyasının tərkibində müstəqil Cəbrayıl qəzası təşkil edildi. Bu dövrdə Cəbrayıl qəzasının ərazisi 66,3 min kv.km, əhalisi 66360 nəfər olmuşdur. Qəza indiki Füzuli, Xocavənd, Qubadlı, Zəngilan rayonlarının ərazilərini əhatə edirdi. Vahid Azərbaycan rəmzi kimi qəbul edilən Xudafərin körpüsü də Cəbrayıl rayonunda yerləşir. Bu körpü haqqında ilk məlumat VIII-IX əsrlərə aiddir. Xudafərin körpüsü Cənubi Azərbaycanla Şimali Azərbaycanın orta əsr şəhərlərini birləşdirən karvan yolunun üstündə tikilib. O, həm də mühüm hərbi-strateji əhəmiyyət daşıyır. Araz çayının ən dar, qayalıqla əhatələnən yerində inşa edilmiş ilk körpü VIII əsrin sonu – IX əsrin əvvəllərindən başlayaraq XIX əsrə kimi fəaliyyət göstərmişdir. Tarixçilər körpünün 1027-ci ildə Şəddadi hökmdarı 1-ci Fəzl və I Şah Abbas tərəfindən tikildiyini deyirlər. Bu körpünün Hindistandan başlayaraq Yaxın və Orta Şərq ölkələri, Rusiya və Qərbi Avropa ölkələri arasında Azərbaycanın iqtisadi və mədəni əlaqələrinin inkişafında böyük əhəmiyyəti olub. 1930-cu il avqustun 8-də mərkəzi Cəbrayıl kəndi olmaqla Cəbrayıl rayonu təşkil edildi. Rayonun ərazisi indiki hüdudları daxilində sahəsi 1050 km², əhalisi 24.300 nəfər olmuşdur. İşğaldan əvvəl rayonda 72 orta və natamam məktəb, 3 musiqi məktəbi, 12 mədəniyyət evi, 32 klub, 10 mədəni klub, 78 kitabxana fəaliyyət göstərirdi. Zəngin eksponatları olan Tarix-diyarşünaslıq muzeyi vardı.  Cəbrayıl torpaqlarımızın müdafiəsində çox şəhidlər vermiş, onların bir çoxu Azərbaycanın Milli Qəhrəmanı yüksək fəxri adına layiq görülmüşlər - Şikar Aslanov, Kazım Məmmədov, Mətləb Quliyev və başqaları. Cəbrayıllılar içərisində 180-ə yaxın Qarabağ müharibəsi əlili statusu olan var. 6 nəfər isə Azərbaycanın Milli Qəhramanı fəxri adına layiq görülüb. Hazırda cəbrayıllılar arasında 351 şəhid ailəsi var. İşğaldan sonra cəbrayıllılar ölkənin 58 bölgəsinə səpələniblər. Azərbaycan Ordusu tərəfindən 4 oktyabr 2020-ci ildə Cəbrayıl rayonunun mərkəzi və bir sıra kəndləri işğaldan azad olunub. Bu tarixdə, rəşadətli Azərbaycan Ordusu Cəbrayıl şəhərini və Şükürbəyli, Çərəkən, Daşkəsən, Horovlu, Mahmudlu, Cəfərabad, Yuxarı Maralyan, Dəjəl və Karxulu kəndlərini erməni işğalçılarından təmizləyib. Adıçəkilən ərazilərin azad edilməsi xəbərini Prezident, Silahlı Qüvvələrin Ali Baş Komandanı İlham Əliyev xalqa müraciətində elan etmişdi.  

dos. Elmir Cəfərov                    

Azərbaycan Texnologiya Universiteti,

İnzibati idarəetmə və kommersiya kafedrası    

Kimya və metallurgiya mühəndisliyi kafedrası – kafedra müdiri Yüngül sənaye mühəndisliyi və dizayn kafedrası – kafedra müdiri Sənədlərin təqdim olunması bu elan dərc edildiyi tarixdən 1 ay müddətindədir. Müsabiqədə iştirak etmək üçün sənədlər Azərbaycan Respublikası Təhsil Nazirliyinin F-100 nömrəli 05 fevral 2018-ci il tarixli “Ali təhsil müəssisələrində kafedra müdiri, dekan və dekan müavini vəzifələrinin tutulması qaydaları”nın tətbiqi barədə əmrə uyğun olaraq elan olunduğu gündən başlayaraq 30 gün müddətində qəbul edilir. Sənədlər təlimata uyğun olaraq rektorun adına yazılmış ərizə ilə birlikdə aşağıdakı ünvana təqdim edilməlidir: 

AZ 2011, Gəncə şəhəri,

Ş.İ.Xətai 103 

Əlaqə: +994(22) 257 56 29  

                                                                                                                                       REKTORLUQ     

  Azərbaycan Texnologiya Universitetində respublika elmi-praktik konfrans keçiriləcəkdir 3-4 Noyabr 2022-ci il tarixində Azərbaycan Texnologiya Universitetində Zəfər Gününə həsr olunmuş “Müasir elmin aktual çağırışları və nailiyyətləri” mövzusunda müəllim və gənc tədqiqatçıların respublika elmi-praktik konfransı keçiriləcəkdir.Konfransın panelləri universitetin istiqamətlərinə müvafiq olaraq aşağıdakı kimi müəyyənləşdirilib:Qida mühəndisliyiLogistika mühəndisliyiYüngül sənaye mühəndisliyiİnformasiya texnologiyaları və kompüter mühəndisliyiMetal və materiallar mühəndisliyiİqtisadiyyat və menecmentDavamlı inkişaf, yaşıl və nanotexnologiyalarMultikultural təhsildə innovativ yanaşmalarKonfrans materiallarına olan tələblər Azərbaycan Respublikası Elm və Təhsil Nazirliyinin təsdiq etdiyi formata uyğun olaraq aşağıdakı kimidir:-Konfrans materialları konkret və konfransın mövzusuna uyğun olmalıdır;-Konfrans materialları Azərbaycan, Rus və ya İngilis dillərində qəbul olunur;-Mətn “Microsoft Word for Windows” redaktorunda Arial şriftilə (hərflərin ölçüsü-12 pt, interval-1,5, abzas-1,25), boş sahələrin ölçüləri soldan-25 mm, sağdan-15 mm, yuxarı və aşağıdan 20 mm olmaqla A4 formatlı standarta (210x297 mm) uyğun hazırlanmalıdır;-Məruzənin mətni 3 səhifəyə qədər olmalıdır;-Mətnin əvvəlində ortadan materialın mövzusu, onun altında tədqiqatçıların adı və soyadı, müəssisənin adı, müəlliflərin elektron poçt ünvanı yazılır.Konfrans materialında istifadə edilmiş elmi ədəbiyyata istinad və mənbələr aşağıdakı qaydada göstərilməlidir:•Ədəbiyyat siyahısı mətnin sonunda əlifba sırası ilə verilir;•İstinad olunan ədəbiyyat nəşr olunduğu dildə verilir;•Ədəbiyyət siyahısı Azərbaycan Respublikasının Prezidenti yanında Ali Attestasiya Komissiyasının tələbləri əsasında göstərilir;•Ədəbiyyat siyahısında son 5-10 ilin elmi məqalələrinə, monoqrafiyalarına üstünlük verilməlidir;•İstinad olunan ədəbiyyatın nömrəsi mətnin içində kvadrat mörtərizədə göstərilir.Azərbaycan dilində yazılmış materialın sonunda İngilis və Rus dillərində, Rus dilində yazılmış materialın sonunda Azərbaycan və İngilis dilində xülasə verilir, İngilis dilində yazılmış konfrans materialına isə Azərbaycan və Rus dillərində xülasə hazırlanır. Müəllifin gəldiyi elmi nəticə, işin elmi yeniliyi xülasədə yığcam şəkildə öz əksini tapmalıdır. Xülasələr elmi və qrammatik baxımdan ciddi redaktə olunmalıdır. Hər bir xülasədə materialın, müəllifin və müəssisənin adı yuxarıda qeyd olunan qaydada göstərilməlidir.

Ünvan: Gəncə ş. AZ2011

Şah İsmayıl Xətai prospekti 103

Tel: (022) 257 00 46

  27.09.2022 tarixində Azərbaycan Texnologiya Universitetinin rəhbərliyi və kollektiv heyəti 27 Sentyabr – Anım Günü ilə bağlı Gəncə şəhərinin Şəhidlər Xiyabanında təşkil olunmuş ümumşəhər tədbirində iştirak edib.Saat 12:00 da şəhidlərin xatirəsi 1 dəqiqəlik sükutla yad edilib.Daha sonra Əbədi Məşəl abidəsi özünə əklil və gül dəstələri düzülüb. 44 günlük Vətən müharibəsində torpaqlarımızın bütövlüyü üğrunda canından keçən Vətən oğullarının məzarları ziyarət edilib, ruhlarına dualar oxunub.

  27.09.2022-ci il tarixində Azərbaycan Texnologiya Universitetində 27 Sentyabr Anım Gününə həsr olunmuş “Şəhidlər ölməz, Vətən bölünməz” adlı tədbir keçirilib.Universitet ərazisində şəhidlərin xatirəsinə ucaldılmış abidə ziyarət edildikdən sonra Azərbaycan Respublikası Dövlət Himninin səsləndirilməsilə tədbir açıq elan edilib.Ardınca Vətən uğrunda canından keçən şəhidlərin xatirəsi bir dəqiqəlik sükutla yad edilib.Gəncə Şəhər İcra Hakimiyyəti, müharibə veteranları ictimai birlikləri nümayəndələrinin, millət vəkillərinin də qatıldığı tədbirdə fəxri qonaqlar qismində qazilər və Vətən müharibəsində şücaət göstərmiş tələbələr iştirak edib. Azərbaycan Texnologiya Universitetinin rektor əvəzi dos. Yaşar Ömərov çıxışında günün tarixinə nəzər salaraq 44 günlük Vətən müharibəsindən, Müzəffər Ali Baş Komandan İlham Əliyevin rəhbərliyi ilə qüdrətli Azərbaycan Ordusunun düşmən üzərində qazandığı parlaq Qələbədən, hərbçilərimizin mübarizliyindən danışıb.Digər tədbir iştirakçıları da şəhid adının müqəddəsliyini, onların xatirəsinin xalqımızın qəlbində əbədi yaşayacağını qeyd ediblər. Qazilər çıxışlarında keçdikləri döyüş yolundan danışıblar.Daha sonra tələbələr şəhidlərə həsr olunan şeir söyləyib, vətənpərvər musiqi ifa ediblər.Sonda Anım Gününə həsr olunmuş videoçarx izlənilib.