Nümayəndə heyətinin tərkibində ATS Şirkətlər Qrupunu İnsan resursları departamentinin direktoru Maqsud Orucov, meneceri Həbib Vəliyev, AFİ Şirkətlər Qrupunu isə İnsan resursları departamentinin direktoru Fərid Nəcəfov təmsil edib.İşgüzar görüşdə Azərbaycan Texnologiya Universitetinin rektor əvəzi dos. Yaşar Ömərov bildirib ki, müasir sənaye müəssisələri ilə əməkdaşlıq və əlaqələrin genişləndirilməsi universitetin prioritetləri sırasındadır. Görüş zamanı kadr hazırlığı, tələbə-təcrübə proqramları, xüsusi təqaüdün təsis edilməsi, birgə seminarların təşkilinə dair müzakirələr aparılıb.Məhsuldar görüşdə təkliflərlə bağlı geniş fikir mübadiləsi aparılıb, əməkdaşlığın növbəti mərhələləri müzakirə edilib.
Azərbaycan Texnologiya Universitetinin tələbələri Gənclər Fondunun Qrant Müsabiqəsinin qalibləri arasındadırUniversitetin daha 3 tələbəsi Azərbaycan Respublikasının Gənclər Fondunun təşkil etdiyi “İdeyanı Reallaşdır 2022” Gənclərin Fərdi Layihələr Qrant Müsabiqəsini qazananlar sırasındadır.Nəqliyyatda daşımaların və idarəetmənin təşkili mühəndisliyidi ixtisasının 4-cü kurs Elvin Həsənov "Gənc Psixoloqların İNKİŞAF Proqramı", kompüter mühəndisliyi ixtisasının 2-ci kurs tələbəsi Zümrüd Nəbiyeva “Bitən Həsrət”, qida mühəndisliyi ixtisasının 2-ci kurs tələbəsi Xəyal Məmmədəliyev isə "44 Gündə Qızıl Tarix Yazanlar" layihəsi üzrə yer tutub.Ümumilikdə “İdeyanı Reallaşdır 2022” Gənclərin Fərdi Layihələr Qrant Müsabiqəsində Azərbaycan Texnologiya Universitetinin 5 tələbəsi yer alıb.
Universitetin 2 bacı tələbəsi Azərbaycan Respublikasının Gənclər Fondunun təşkil etdiyi “İdeyanı Reallaşdır 2022” Gənclərin Fərdi Layihələr Qrant Müsabiqəsini qazananlar arasındadır.Dizayn ixtisasının 3-cü kurs tələbəsi Anaxanım Rzazadə “DO! - Dizayner Ol!”, iqtisadiyyat ixtisasının 1-ci kurs tələbəsi Firuzə Rzazadə isə “Gəncdən gəncə inkişaf” layihəsi üzrə yer tutub.
Azərbaycan Respublikası Gənclər Fondunun nümayəndələri Azərbaycan Texnologiya Universitetinin birinci kurs tələbələri ilə görüş keçirib. Görüşün məqsədi bu il qəbul olan tələbələri fondun təqdim etdiyi imkanlar barədə məlumatlandırmaqdır.Gənclər Fondunun nümayəndələri tələbələri Azərbaycan Respublikası Prezidenti cənab İlham Əliyevin müvafiq Fərmanına əsasən Fondun Nizamnaməsinə uyğun olaraq, sosial müdafiəyə xüsusi ehtiyacı olan şəxslər qrupuna daxil olan istedadlı gənclərin təhsil xərclərinin maliyyələşdirilməsi ilə bağlı elan olunan müsabiqə, qrant müsabiqələri və digər layihələrlə bağlı məlumatlandırıblar.Görüş zamanı nümayəndələr Azərbaycan Texnologiya Universiteti TGT-nin fəaliyyəti, qarşıya çıxan problemələri və gələcəkdə həyata keçirmək istədikləri layihələri ilə tanış olub, Gənclər Fondu ilə sıx əməkdaşlıq çərçivəsində fəaliyyət göstərməyi tövsiyə ediblər.Görüş zamanı tələbələri maraqlandıran bir çox suallar cavablandırılıb.
5 günlük təlim TKTA ilə universitet arasında imzalanmış əməkdaşlıq müqaviləsi əsasında Agentliyin Təlim və metodologiya şöbəsi tərəfindən keçilir.Təlimlərin əsas məqsədi Azərbaycan Texnologiya Universitetinin akademik və inzibati heyətinə daxili keyfiyyət təminatı sisteminin səmərəli təşkili, eləcə də sillabusların tərtibi, təlim nəticələrinin formalaşdırılması və qiymətləndirilməsinə dair məlumat verməkdir.Sözügedən təlimlərdə universitetin bir sıra inzibati və akademik heyəti iştirak edir.
Bakı Biznes Universitetinin koordinatoru olduğu və Avropa Kommissiyası tərəfindən maliyyələşdirilən “Azərbaycanda Rektorlar Konfransının Yaradılması” layihəsi çərçivəsində 3-7 oktyabr tarixlərində Fransada növbəti bir həftəlik təlim proqramı öz işinə başlayıb. Fransa Beynəlxalq Təhsil təşkilatında keçirilən ilk görüşdə layihə konsorsiumunun üzvü olan Azərbaycan universitetlərinin rektorları, Azərbaycan Respublikası Elm və Təhsil nazirinin müşaviri, prorektorlar, o cümlədən digər səlahiyyətli universitet nümayəndələri iştirak ediblər. Təşkilatın beynəlxalq əlaqələr üzrə koordinatoru və Rouen Universitetinin keçmiş prezidenti Jean-Luc Nahel tədbiri giriş sözü ilə açaraq bütün qonaqları Fransada görməkdən məmnunluğunu ifadə edib. Təşkilatın təhsil əməkdaşlığı departamentinin direktor müavini Bruno Kurval isə layihə çərçivəsindəki sıx əməkdaşlığın uğurla davam etdiyini və təlim proqramının faydalı olacağını vurğulayıb.Daha sonra Rennes Universitetinin prezidenti David Alis tədbirdə onlayn formatda iştirak edərək “Rektor konfranslarında komitələrin rolu və fəaliyyəti” mövzusunda geniş təqdimatla çıxış edib. O, konfransın tərkibində fəaliyyət göstərən müvafiq komitələrin vacibliyinə toxunaraq onların fəaliyyət istiqamətləri, təşkilati strukturu, funksiyaları barədə təcrübələrini bölüşüb. Çıxışlardan sonra iştirakçılar arasında faydalı müzakirə və fikir mübadilələri aparılıb.Təlimdə Azərbaycan Texnologiya Universitetini Tədris şöbəsinin müdiri Raqif Hüseynov təmsil edir.
