Azərbaycan Texnologiya Universitetində (ATU) Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi və "Təmas" Regional İnkişaf İctimai Birliyinin (RİB) birgə təşkilatçılığı ilə “Bölgədə məişət zorakılığı və insan alverinə qarşı mübarizə tədbirlərinin təşkili” layihəsi çərçivəsində seminar keçirilib.

Seminar ATU tələbələri üçün nəzərdə tutulub və iştirakçılara mövzu ilə bağlı ətraflı məlumat verilib. Tədbirdə “Təmas” RİB-in sədri Südabə Məmmədova və həmsədri Kubra Ələkbərova çıxış edərək, məişət zorakılığı və insan alverinə qarşı mübarizənin əhəmiyyəti, bu sahədə görülən tədbirlər və tələbələrin maarifləndirilməsi istiqamətində atılan addımlar barədə məlumat veriblər.

Seminar iştirakçıların aktiv sual-cavab sessiyası ilə davam edib və tələbələr layihə çərçivəsində həyata keçirilən fəaliyyətlərə dair fikir mübadiləsi aparıblar. Tədbir tələbələrin sosial məsuliyyət hissini artırmaq, insan hüquqlarının qorunması sahəsində bilik və bacarıqlarını gücləndirmək məqsədi ilə təşkil edilib.

Bu fəaliyyət SDG 5 (Gender bərabərliyi), SDG 16 (Sülh, ədalət və güclü institutlar) və SDG 4 (Keyfiyyətli təhsil) ilə sıx bağlıdır. Tələbələrin bu sahədə maarifləndirilməsi onların hüquq, təhlükəsizlik və sosial məsuliyyət mövzularında daha hazırlıqlı olmasına kömək edir. İnsan alveri və məişət zorakılığı ilə mübarizə yalnız hüquqi deyil, həm də maarifləndirici yanaşma tələb edən sahədir. Bu cür seminarlar hüquq əsaslı və həssas sosial mühitin formalaşmasına töhfə verir.

Azərbaycan Texnologiya Universitetində (ATU) yeni tədris ilinin başlaması münasibəti ilə tədbir keçirilib. Tədbir universitetin bayraq meydanında Azərbaycan Respublikasının Dövlət Himninin sədaları altında Dövlət Bayrağının qaldırılması ilə açıq elan olunub.

Daha sonra Ümummilli lider Heydər Əliyevin və  Azərbaycanın müstəqilliyi və ərazi bütövlüyü uğrunda canından keçmiş şəhidlərimizin əziz xatirəsi bir dəqiqəlik sükutla yad edilib.

Tədbirdə giriş sözü ilə çıxış edən Azərbaycan Texnologiya Universitetinin rektoru dos. Yaşar Ömərov tələbələri və professor-müəllim heyətini yeni dərs ili münasibətilə təbrik edib, onlara uğurlar arzulayıb, universitetdə tələbələr üçün yaradılan imkanlardan danışıb. Rektor ATU-da əmək bazarının tələblərinə cavab verən, peşəkar və rəqabətqabiliyyətli kadrların yetişdirilməsi üçün məqsədyönlü tədbirlərin həyata keçirildiyini vurğulayaraq tələbələrə verilən fürsəti lazımınca dəyərləndirməyi tövsiyə edib.

Daha sonra YAP Gəncə Şəhər Təşkilatının sədri Bayram Aslanov, yeni qəbul olan tələbələrin valideynləri - şəhid anası Kəmalə Abdullayeva, qazi Mətin Abdinov çıxış edərək tələbələri yeni dərs ili münasibətilə təbrik edib. Ardınca universitetə ən yüksək balla qəbul olan Nurlan Rəhimli və qazi tələbə Şəhriyar Ələkbərli kürsüyə çıxaraq öz ürək sözlərini deyib, tələbə adının sevincini paylaşıblar.

Bu təşəbbüs SDG 4 (Keyfiyyətli təhsil) və SDG 10 (Bərabərsizliyin azaldılması) ilə bağlıdır. Yeni tədris ilinin açılışında tələbələrə yaradılan imkanların təqdim olunması onların universitet həyatına daha inamlı başlamasına şərait yaradır. Yüksək nəticə göstərən və xüsusi statusa malik tələbələrin önə çəkilməsi motivasiya və inklüzivlik baxımından mühüm əhəmiyyət daşıyır. Bu cür tədbirlər akademik mühitdə həmrəylik və məqsədyönlü inkişaf ruhunu gücləndirir.

Sonda ATU-ya fakültələr üzrə ən yüksək balla qəbul olmuş tələbələrə hədiyyələr və tələbə biletləri təqdim edilib.

Azərbaycan Texnologiya Universitetində (ATU) tələbələrin və professor-müəllim heyətinin rahatlığını təmin etmək məqsədilə əsas yeməkxana əsaslı təmirdən sonra yeni görkəmdə istifadəyə verilib.

Açılış mərasimində bildirilib ki, yeməkxanada yalnız interyer yenilənməyib, həm də mühəndis-kommunikasiya sistemləri yenidən qurulub, havalandırma və işıqlandırma sistemi müasir standartlara uyğunlaşdırılıb. Əlavə olaraq, mətbəx avadanlıqları yenilənib, zal yeni masa və oturacaqlarla təmin edilib, xidmət sahələri daha səmərəli şəkildə təşkil olunub.

Yeməkxana saat 08:00-dan 18:00-dək fəaliyyət göstərəcək və eyni anda təxminən 125 nəfərin qidalanmasına imkan yaradacaq.

Bu fəaliyyət SDG 3 (Sağlamlıq və rifah) və SDG 4 (Keyfiyyətli təhsil) ilə əlaqələndirilə bilər. Sağlam və rahat qidalanma mühitinin yaradılması tələbə və müəllim heyətinin gündəlik rifahına birbaşa təsir göstərir. Müasir texniki və sanitariya şəraitinə malik yeməkxana universitetdə sosial infrastrukturun keyfiyyətini artırır. Bu isə daha təhlükəsiz və dəstəkləyici akademik mühitin formalaşmasına xidmət edir.

Azərbaycan Texnologiya Universitetində (ATU) tədris infrastrukturunun yenilənməsi və tələbələrin daha rahat şəraitdə təhsil almasının təmin olunması istiqamətində işlər davam etdirilir. Bu çərçivədə universitetdə daha iki yeni mühazirə auditoriyası istifadəyə verilib.

Yeni auditoriyalardan biri universitetin 6-cı tədris korpusunda yerləşir. 80 tələbə tutumlu bu auditoriya zəruri mebel avadanlıqları ilə tam təchiz olunub.

Digər auditoriya isə 2-ci tədris korpusunda yerləşir. 30 tələbə tutumuna malik olan bu tədris otağı da mebellə təmin edilib.

Qeyd edək ki, yeni tədris ilinə hazırlıq çərçivəsində universitetin bir sıra auditoriyalarında cari təmir işləri aparılıb, tədris otaqları yeni mebellərlə təmin edilib.

Bu təşəbbüs SDG 4 (Keyfiyyətli təhsil) ilə birbaşa bağlıdır. Tədris otaqlarının sayının artırılması və onların müasir avadanlıqlarla təmin olunması tələbələrin daha rahat və səmərəli mühitdə təhsil almasına imkan verir. İnfrastrukturun davamlı şəkildə yenilənməsi ali təhsil müəssisəsində keyfiyyət standartlarının yüksəldilməsini göstərir. Bu isə öyrənmə prosesinin təşkilati bazasının möhkəmlənməsinə töhfə verir.

Azərbaycan Texnologiya Universitetində (ATU) yeni ixtisaslaşmış auditoriya və laboratoriyanın açılışı baş tutub. Tədbirdə ATU-nun rektoru dos. Yaşar Ömərov iştirak edib. Yeni tədris otaqları ilə tanışlıq zamanı rektor bildirib ki, yeni laboratoriya və auditoriyaların yaradılması tələbələrin praktik hazırlıqlarının gücləndirilməsinə, bilik və bacarıqlarının artırılmasına imkan yaradacaq.

BP şirkətinin dəstəyi ilə istifadəyə verilən, Avtomatika və İnformasiya Texnologiyaları kafedrasının nəzdində fəaliyyət göstərəcək laboratoriya iki hissədən ibarətdir. Laboratoriyanın bir hissəsi 12 kompyuter, köməkçi heyət üçün nəzərdə tutulan digər hissəsi isə 5 kompyuterlə təchiz edilib. Hər iki otaq müasir mebel avadanlıqları ilə tam təmin edilib.

Açılışı baş tutan digər otaq isə Coca-Cola şirkətinin dəstəyi ilə ərsəyə gəlib. Qida mühəndisliyi və ekspertiza kafedrasının nəzdində fəaliyyət göstərəcək auditoriya 15 noutbuk və zəruri avadanlıqlarla təchiz edilib.

Bu fəaliyyət SDG 4 (Keyfiyyətli təhsil), SDG 9 (Sənaye, innovasiya və infrastruktur) və SDG 17 (Məqsədlər üçün tərəfdaşlıqlar) ilə əlaqəlidir. Şirkət dəstəyi ilə yaradılan laboratoriya və auditoriyalar tələbələrin praktik hazırlığını gücləndirən müasir tədris imkanları yaradır. Tədris infrastrukturunun bu şəkildə zənginləşdirilməsi universitet-sənaye əməkdaşlığının real nəticəsini göstərir. Bu yanaşma biliklərin praktikaya çevrilməsinə və peşəkar kadr hazırlığının keyfiyyətinin artmasına xidmət edir.

Azərbaycan Texnologiya Universitetində (ATU) rəqəmsal transformasiya strategiyası çərçivəsində tədrisin keyfiyyətini artırmaq və idarəetmənin daha çevik həyata keçirməsi məqsədilə yeni nəsil Tədrisin Elektron İdarəetmə Sistemi istifadəyə verilib. Sistem “SEKOP” MMC tərəfindən hazırlanıb və universitetdə tədris prosesinin tam elektronlaşdırılmasını təmin edəcək.

Yeni platforma Kodera brendi altında fəaliyyət göstərəcək və müasir təhsil müəssisələrinin tələblərinə uyğun çoxşaxəli funksionallığa malikdir. Sistem vasitəsilə tədris materiallarının vahid mərkəzdə toplanması, imtahanların şəffaf və sürətli keçirilməsi, tələbə davamiyyətinin avtomatik izlənməsi və müəllim-tələbə əlaqəsinin gücləndirilməsi mümkün olacaq.

Kodera platformasının əsas modulları arasında müəllim və tələbə kabinetləri, elektron jurnal, təqvim sistemi, imtahan və test modulu, elektron kitabxana, daxili yazışma və qrup sistemi, elektron sənəd dövriyəsi, ofis inteqrasiyası, bildirişlər sistemi və dəstək mərkəzi yer alır.

Kodera platformasının tətbiqi universitetdə həm tədris, həm də idarəetmə proseslərində rəqəmsallaşmanı gücləndirərək, tələbələr üçün daha əlçatan və müasir təhsil imkanları açacaq.

ATU-da Tədrisin Elektron İdarəetmə Sisteminin yenilənməsi tədrisin şəffaf və çevik idarə olunmasına, tələbələrin akademik göstəricilərinin obyektiv qiymətləndirilməsinə, müəllim və tələbə arasında interaktiv ünsiyyətin inkişafına, beynəlxalq standartlara uyğun rəqəmsal təhsil mühitinin formalaşmasına şərait yaradacaq.

Bu təşəbbüs SDG 4 (Keyfiyyətli təhsil) və SDG 9 (Sənaye, innovasiya və infrastruktur) ilə birbaşa səsləşir. Tədris və idarəetmə proseslərinin elektronlaşdırılması universitetdə daha çevik, şəffaf və əlçatan akademik mühit yaradır. Elektron jurnal, kitabxana, test və daxili kommunikasiya modulları tədrisin effektivliyini artırır. Bu isə rəqəmsal təhsil ekosisteminin formalaşdırılması baxımından mühüm addımdır.