Azərbaycan Texnologiya Universitetində Azərbaycan Respublikası Elm və Təhsil Nazirliyi ilə birgə 8 Noyabr - Zəfər Gününə həsr olunmuş “İnnovativ ekosistemlərin inkişafında universitetlərin rolu" adlı Respublika elmi-praktik konfransı keçirilib.

Tədbirdən əvvəl universitet ərazisində Ümummilli lider Heydər Əliyevin büstü, Şəhidlər abidəsi və Şəhidlər lövhəsi ziyarət edilib.

Konfransın plenar iclası Azərbaycan Respublikasının Dövlət Himninin səsləndirilməsi və Ulu Öndər Heydər Əliyevin, Vətənimizin ərazi bütövlüyü uğrunda canından keçən şəhidlərin əziz xatirəsinin bir dəqiqəlik sükutla yad olunması ilə açıq elan edilib.

Azərbaycan Texnologiya Universitetinin rektoru dos. Yaşar Ömərov giriş sözü ilə çıxış edərək Ali Baş Komandan İlham Əliyevin rəhbərliyi ilə rəşadətli Azərbaycan Ordusunun torpaqlarımızı 30 illik işğaldan azad etməsindən və bu zəfərin qazanılmasında xalq-dövlət-ordu birliyi ilə bərabər yüksək texnologiyaların rolundan danışıb, işğaldan azad olunmuş ərazilərdə ağıllı kənd, ağıllı şəhər konsepsiyası əsasında aparılan quruculuq işlərində əks olunan müasir texnoloji trendləri vurğulayaraq konfransın mövzusunun aktuallığına diqqət çəkib.

Daha sonra Gəncə Şəhər İcra Hakimiyyətinin başçısı Niyazi Bayramov, Azərbaycan Respublikası Elm və Təhsil Nazirliyinin Elm və ali təhsil siyasəti şöbəsinin müdiri Turxan Süleyman, Azərbaycan Dövlət Neft və Sənaye Universitetinin rektoru Vazeh Əsgərov, YAP Gəncə şəhər təşkilatının sədri Bayram Aslanov, İnnovasiya və Rəqəmsal İnkişaf Agentliyinin Regional innovasiya proqramları meneceri Elxan Şükürov, "AzerGold" QSC-nin İdarə Heyəti sədrinin müşaviri Anar Abdullayev, Azərbaycan Beynəlxalq Bankının Korporativ və KOS seqment sahəsinin texniki rəhbəri Elnur Sadıqov, "Azersun Holding"in Süd İstehsalı Fabrikinin direktoru Fuad Məmmədov çıxış edərək konfransın işinə uğurlar arzulayıblar.

Qeyd edək ki, konfransın məruzələr toplusuna 400-ə yaxın tezis qəbul edilib.

2 günlük Respublika elmi-praktik konfransı Qida mühəndisliyi və texnologiyaları, Süni intellekt, elektronika və informasiya texnologiyaları, Tekstil və yüngül sənaye, Dizaynda innovativ texnologiyalar, Maşınqayırma, nəqliyyat və logistika, Metallurgiya mühəndisliyi, Rəqəmsal iqtisadiyyat və idarəetmə, Turizm sənayesinin təşkili, Ətraf mühit, təhlükəsizlik və dayanıqlı inkişaf, Fundamental elmlər və innovativ texnologiyalar, Mültikultural təhsildə innovativ texnologiyalar olmaqla 11 bölmədə hibrid qaydada öz işini davam etdirir.

Azərbaycan Texnologiya Universitetinin (ATU) təşkilatçılığı, Təhsilin İnkişafı Fondunun, "Coca-Cola" və "ATS Food" şirkətlərinin dəstəyi ilə 8 Noyabr Zəfər Gününə həsr edilmiş "Zəfərimiz əbədidir" adlı regional intellektual yarış keçirilib.
 
Azərbaycan Respublikasının Dövlət Himninin səsləndirilməsi, Vətənimizin ərazi bütövlüyü uğrunda canından keçən şəhidlərin əziz xatirəsinin bir dəqiqəlik sükutla yad edilməsi ilə başlayan tədbirdə Texnologiya Universitetinin rektoru v.m.i.e. dos. Yaşar Ömərov yarış iştirakçılarını salamlayıb, tədbirin ənənəvi olaraq hər il keçirildiyini bildirərək komandalara uğurlar arzu edib.
 
Yarışda respublikanın 16 ali və orta ixtisas təhsili müəssisəsinin komandaları iştirak edib. Suallar əsasən Ulu Öndər Heydər Əliyevin fəaliyyəti, Zəfər tarixi və ümumi dünyagörüşü ilə bağlı olub.
 
3 mərhələdən ibarət yarış Qarabağ Universiteti tələbələrinin qalibiyyəti ilə yekunlaşıb. İntellektual oyunda ikinci yeri Azərbaycan Dövlət Aqrar Universiteti, üçüncü yeri isə Bakı Dövlət Universitetinin Qazax filialının tələbələri tutub.
 
Qalib komandalara kubok və pul mükafatı verilib.
 
Qeyd edək ki, yarışın keçirilməsində məqsəd gənclərin intellektual səviyyəsinin inkişaf etdirilməsinə, o cümlədən, tariximiz və milli-mənəvi dəyərlərimiz haqqında biliklərinin genişləndirilməsinə imkan yaratmaq, asudə vaxtlarının səmərəli keçməsinə nail olmaqdır.

Azərbaycan Texnologiya Universitetində (ATU) universitet-sənaye əməkdaşlığı nəticəsində daha bir auditoriyanın açılışı olub.

"Xəzri TN" MMC-yə məxsus N1 Çörək Zavodunun dəstəyi ilə ərsəyə gələn yeni auditoriyanın açılış lentini ATU-nun rektoru v.m.i.e. dos. Yaşar Ömərovla "Xəzri TN" MMC-nin direktoru İlkin Şabanov kəsib.

Qida mühəndisliyi fakültəsində qurulan 24 yerlik auditoriya zəruri mebel və avadanlıqlarla təchiz edilib.

Qeyd edək ki, ATU ilə "Xəzri TN" MMC arasında əməkdaşlıq memorandumu cari ilin iyulunda imzalanıb.

Azərbaycan Texnologiya Universitetində (ATU) COP29 - Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sesiyasına hazırlıq və “Yaşıl dünya naminə həmrəylik ili” çərçivəsində “Biomüxtəliflik və iqlim dəyişmələri” mövzusunda tələbələrin elmi-nəzəri seminarı keçirilib. 

Qida mühəndisliyi fakültəsində təşkil olunan tələbə seminarını Elmi fəaliyyətin təşkili və idarə edilməsi şöbəsinin, Tələbə Elmi Cəmiyyətinin, Qida mühəndisliyi fakültəsinin, Ətraf mühitin mühafizəsi kafedrasının rəhbər və professor-müəllim heyəti dinləyib. 

Tələbələr “Plastik tullantıların iqlim dəyişmələrinə təsiri”, “İqlim dəyişmələrinin su ehtiyatlarına təsiri”, “İqlim dəyişmələrinin kənd təsərrüfatına təsiri” başlıqlı mövzularla çıxış ediblər, məruzələrinə dair ünvanlanan sualları cavablandırıblar.

Azərbaycan Texnologiya Universitetində (ATU) 2024/2025-ci tədris ili üzrə  Elmi Şuranın növbəti iclası keçirilib.

Universitetin rektoru v.m.i.e., Elmi Şura sədri dos. Yaşar Ömərov kvorumu nəzərə alaraq iclası açıq elan edib, gündəlikdə duran məsələləri diqqətə çatdırıb.

Sonra tədris işləri üzrə prorektor Raqif Hüseynov magistratura və bakalavriat təhsil pilləsinə 2024/2025-ci tədris ili üzrə tələbə qəbulunun yekunu barədə çıxış edib.

Daha sonra strateji inkişaf və rəqəmsallaşma məsələləri üzrə rektor müşaviri Mehman Kərimovun və Elmi̇ fəali̇yyəti̇n təşki̇li̇ və idarə edilməsi̇ şöbəsinin müdiri Qalibə Məmmədovanın hesabatı dinlənilib. 

İclas zamanı Təchizat və təsərrüfat şöbəsinin müdiri Mətləb Əliyev universitetin qış mövsümünə hazırlığının vəziyyətini məruzə edib, həmçinin, Tədris Metodiki Şuranın tərkibi formalaşdırılıb. 

Azərbaycan Texnologiya Universitetinin (ATU) rektoru v.m.i.e. dos. Yaşar Ömərovun rəhbərliyi ilə ATU nümayəndə heyəti Qarabağ Universitetinə (QU) səfər edib.

Səfər çərçivəsində Qarabağ Universitetinin rəhbərliyi ilə görüş keçirilib və hər iki universitet arasında əməkdaşlıq məsələləri müzakirə edilib.

Səfər zamanı nümayəndə heyəti həmçinin QU-nun maddi-texniki bazası, laboratoriya və auditoriyaları ilə tanış olublar.