Türkiyənin ilk milli avtomobilinin təqdimatı olub “Bu gün ölkəmiz üçün tarixi gündür. Altmış illik xəyalımız reallığa çevrilir. Uzun illərdi ki, öz avtomobilimizi istehsal etmirdik. Yüzdən çox türkiyəli mühəndis yerli texnologiyalardan istifadə edərək layihə üzərində çalışıb. Bursa əyalətinin Gemlik şəhəri rayonunda yeni zavod tikiləcək” - deyə Rəcəb Tayyib Ərdoğan bildirib. Türkiyənin Avtomobil Müəssisə Qrupu Sənaye və Ticarət A.Ş-nin (TOGG) ərsəyə gətirdiyi yerli avtomobilin SUV və Sedan modelləri nümayiş olunub. Türkiyənin ilk elektromobilinin istehsalı üzrə layihənin investisiyası 13 il ərzində 22 milyard dollar təşkil edəcək. “Türk avtomobilləri” təşəbbüs qrupu ildə beş modeldən ibarət 175 min avtomobil istehsal etməyi planlaşdırır. Dövlət 2035-ci il dekabrın 31-dək 30 min elektromobil almaq niyyətindədir. 

Azərbaycan Texnologiya Universitetinin Kommersiya ixtisası üzrə qiyabi təhsil alan I kurs tələbəsi Qalib Quliyev Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun 31 dekabr - Dünya Azərbaycanlılarının Həmrəyliyi Günü və Yeni il münasibətilə keçirdiyi fərdi jurnalist yazıları müsabiqəsində mükafatlandırılıb. Onun Ermənistan-Azərbaycan, Dağlıq Qarabağ münaqişəsi haqqında həqiqətlərin dünya ictimaiyyətinə çatdırılması, Azərbaycanın ədalətli mövqeyinin müdafiə edilməsi istiqamətində hazırladığı "Xocalı soyqırımında əsirlərin bir-birinə köməklikləri" adlı yazısı lll yerə layiq görülüb. Qalib Quliyev KİVDF-nin təşkil etdiyi müsabiqələrdə  ümumilikdə 1 dəfə I yerin, 5 dəfə III yerin qalibi olub. Qeyd edək ki, Qalib Quliyev “Xocalının səsi” qəzetinin redaktoru və Xocalı rayon Kosalar kənd tam orta məktəbində informatika müəllimi vəzifəsində çalışır. Dağlıq Qarabağ Bölgəsinin Azərbaycanlı İcması İctimai Birliyinin İdarə Heyətinin üzvüdür. 

UTECA əməkdaşları yenidən avropalı təhsil ekspertləri ilə birlikdə Azərbaycan Texnologiya Universitetinin tədris işləri üzrə prorektoru Vüqar İsmayılov, Keyfiyyətin təminatı şöbəsinin müdiri Asiman İlyasov Azərbaycan Respublikası Təhsil Nazirliyi Akkreditasiya və Nostrifikasiya İdarəsinin rəhbərliyi ilə Bakı şəhərində Midtown oteldə baş tutan seminarda iştirak ediblər. “Avropa Ali Təhsil Məkanında daxili və xarici keyfiyyət təminatı proseslərinin uzlaşması” başlığı altında seminar Avropalı təhsil eksperlərinin rəhbərliyi ilə keçirilib. Seminarda Avropa təhsil standartları və keyfiyyət təminatı sahəsində Avropa təcrübəsi barədə geniş məlumatlar verilib.  

31 Dekabr Dünya Azərbaycanlılarının Həmrəyliyi Günü qeyd edilibAzərbaycan Texnologiya Universitetində (UTECA) 31 Dekabr Dünya Azərbaycanlılarının Həmrəyliyi Günü münasibətilə şənlik təşkil edilib. Tədbirin açılış hissəsində rektor, professor Akif Süleymanov bütün tələbələrin və professor-müəllim heyətinin qarşıdan gələn bayramlarını təbrik edib, növbəti ildə dərslərində və fəaliyyətlərində uğurlar arzulayıb. Şənlikdə universitetin əcnəbi tələbələri aktivlik nümayiş etdiriblər. Onlar öz ölkələrinə aid müsiqi və rəqs nömrələri göstəriblər, Azərbaycan dilində şeir və təbriklər səsləndiriblər. Proqram UTECA-nın istedadlı tələbələrinin ifaları ilə davam edib.  

Ulu Öndər Heydər Əliyev dünyanın 70-dən çox ölkəsində yaşayan 50 milyondan artıq azərbaycanlı ilə əlaqə qurmaq, onların arasında birlik və həmrəylik yaratmaq məqsədi ilə Naxçıvan Muxtar Respublikasının Ali məclisinin 16 dekabr 1991-ci il tarixli iclasında 31 dekabrın dünya azərbaycanlılarının həmrəylik bayramı kimi qeyd olunması barəsində Azərbaycan Respublikasının Ali Sovetinə müraciət etmişdir. Ali Sovetin Milli Şurası 25 dekabr 1991-ci ildə müraciəti nəzərə alaraq, dekabr 31-nin Dünya Azərbaycanlılarının Həmrəyliyi Günü elan olunması barədə qanun qəbul olunmuşdur. Ulu Öndər Heydər Əliyev həmrəylik gününü təsis etməklə xalqın birləşməsinə və ideoloji həmrəyliyinə müvəffəq olunmuşdur. Hazırda həmrəylik gününü milliyyətcə azərbaycanlı olmayıb, lakin Azərbaycanda doğulub böyümüş diaspor nümayəndələri də qeyd edirlər. Soydaşlarımızın milli mənlik şüurunun gücləndirilməsi, ictimai mütəşəkkilliyinin və fəallığının artırılması məqsədi ilə 9-10 noyabr 2001-ci ildə Bakı şəhərində Dünya azərbaycanlılarının I Qurultayı keçirilmişdir. Qurultaydan sonra Ümummilli Lider Heydər Əliyevin 2002-ci il 5 iyul tarixli fərmanı ilə xaricdəki soydaşlarımızla əlaqələrin genişləndirilməsi və inkişaf etdirilməsi məqsədilə xarici ölkələrdə yaşayan azərbaycanlılarla iş üzrə Dövlət Komitəsi (hazırda Diasporla İş üzrə Dövlət Komitəsi) yaradılmışdır. Dünya azərbaycanlıları yaşadıqları ölkələrdə Azərbaycan həqiqətlərinin dünya ictimaiyyətinə çatdırılmasında, zəngin mədəni irsimizin təbliğində, erməni lobbi dairələrin ideoloji təxribatlarının qarşısının alınmasında qətiyyət nümayiş etdirirlər.          Hazırda  Prezident  İlham  Əliyev tərəfindən Ulu Öndər Heydər Əliyevin həmrəylik sahəsində olan xidmətləri uğurla davam etdirir. Prezident  İlham  Əliyevin təşəbbüsü ilə 26 mart 2006-cı ildə Bakı şəhərində Dünya azərbaycanlılarının II Qurultayı keçirilib. Qurultayda xaricdə yaşayan azərbaycanlıların diaspordan lobbiyə çevrilməsi və ölkəmizlə bağlı həqiqətlərin dünya ictimayyətinə çatdırılması kimi vəzifələr əksini tapmışdır. Prezident  İlham  Əliyevin 6 iyul 2018-ci il tarixli Fərmanı ilə Diasporla İş üzrə Dövlət Komitəsinin tabeliyində Azərbaycan Diasporuna Dəstək Fondu yaradılıdı. Prezident  İlham  Əliyevin diaspor təşkilatının işinin daha da gücləndirilməsi üçün 9 mart 2007-ci ildə Bakı şəhərində Azərbaycan və Türk diaspor təşkilatları rəhbərlərinin birinci forumu təşkil olunmuşdur. Ümummilli Lider Heydər Əliyev deyirdi ki, Dünya Azərbaycanlılarının Həmrəyliyi Gününün dövlət bayramı kimi qeyd edilməsi xalqımızın milli azadlıq mübarizəsinin məntiqi nəticəsi olaraq artıq xoş ənənəyə çevrilmişdir. Azərbaycan Respublikası Dünya azərbaycanlılarının milli-mənəvi varlığını yaşadan yeganə dövlətdir. Dünya azərbaycanlılarının birliyi və həmrəyliyi ideyasının əsasını Azərbaycan dövlətçiliyinə, xalqımızın dilinə, dininə, milli-mənəvi varlığına və ümumbəşəri dəyərlərə hörmət, onların daim qorunmasına, yaşamasına qayğı təşkil edir. Ulu Öndər Heydər Əliyevin “Hər bir insan üçün onun milli mənsubiyyəti onun qurur mənbəyidir. Mən həmişə fəxr etmişəm, bu gün də fəxr edirəm ki, mən azərbaycanlıyam” kəlamı hər bir həmvətənimiz üçün milli qürur rəmzinə çevrilmişdir.

Musa Cəfərov

Azərbaycan Texnologiya Universitetinin

Kimya və metallurgiya mühəndisliyi kafedrasının müdiri  

UTECA tələbələrinə ERASMUS+EQAC layihəsi çərçivəsində təlim təşkil olunub Avropa Komissiyası tərəfindən maliyyələşən və Azərbaycan Texnologiya Universitetinin də partnyor olduğu ERASMUS+EQAC (Azərbaycan Ali Təhsil Müəssisələrində Keyfiyyətin Təminatı Mərkəzlərinin Qurulması) layihəsi çərçivəsində universitet tələbələrinə seminar təşkil olunub. Seminarda layihə barədə qısaca məlumat verildikdən sonra Avropa standartları və tələbə mərkəzli sistemin tətbiqi üçün tələbələrə düşən öhdəliklər barədə məlumatlar verilib. Seminara rəhbərlik edən Keyfiyyətin təminatı şöbəsinin müdiri Asiman İlyasov Avropa ölkələrində baş tutan təlimlərdə iştirak edərək qazandığı təcrübələri tələbələr ilə bölüşüb.