Azərbaycan Texnologiya Universitetində (UTECA) Bilik günü münasibətilə tədbir keçirilib. UTECA -nın rektoru professor Akif Süleymanov yeni tədris ili münasibətilə kollektivi təbrik edib. Bildirib ki, son illər universitetin inkişafı, müasir təhsil ocağına çevrilməsi istiqamətində görülən işlər öz bəhrəsini verib. AzərbaycanTexnologiya Universitetində tələbə qəbulunda son 30 ilin ən yüksək göstəricisi qeydə alınıb – 90%. Bu il 940 nəfər UTECA-nı seçib. Rektor bildirib ki, mühəndislik ixtisasına qəbul olanların say nisbəti üstünlük təşkil edir və bu hal universitetin öz təməl funksiyası üzrə kadr hazlırlığına geri döndüyünü göstərir. Azərbaycan Texnologiya Universiteti Təhsilin inkişafı üzrə Dövlət Strategiyasından irəli gələn vəzifələri vaxtında və keyfiyyətlə icra edib. Hazırda universitet-sənaye əlaqələri uğurla inkişaf etdirilir. UTECA-da müəssisələrin, müəssisələrdə isə universitetin kafedralarının açılmasına şərait yaradılır. Görülən işlərin nəticəsidir ki, bu gün UTECA ölkənin ən çevik və şəffaf ali təhsil ocağına çevrilib. Akif Süleymanov qeyd edib ki, Azərbaycan Texnologiya Universitetində tədrisin keyfiyyətinin artırılması üçün atılan ən mühüm addımlardan biri də xarici əlaqələrin genişləndirilməsidir. Qoşulan mübadilə proqramları ilə həm tələbə, həm də müəllimlər xarici universitetlərə- Rusiya, Türkiyə, Koreya və Avropanın nüfuzlu ali təhsil ocaqlarına göndərilib. Eyni zamanda tez-tez UTECA-da xarici mütəxəssislərin seminar və mühazirələri təşkil edilir. Ötən semestr Polşalı alimlər Azərbaycan Texnologiya Universitetində öz təcrübələrini bölüşüblər. Hazırda isə Cənubi Koreyadan gəlmiş, həmin ölkənin təhsil nazirinin keçmiş müavini, KOİKA proqramının məsləhətçisi Byun Çanq Yul 1 il ərzində UTECA-Da öz təcrübələrini bölüşəcək. Rektor universitetə qəbul olan bir qrup gənclə tələbə biletləri təqdim edib. Sonra çıxış edən valideyn və tələbələr universitetdə keyfiyyətli təhsil almaq üçün yaradılan şəraitə görə UTECA kollektivinə təşəkkür ediblər. Cənubi Koreyalı mütəxəssis Byun Çanq Yul öz çıxışında Azərbaycan Texnologiya Universiteti ilə əməkdaşlığın çox məhsuldar olacağını bildirib. Azərbaycan Texnologiya Universitetinin tələbə kontingentinin sayı 3000 nəfərə yaxındır. Onlar 4 fakültədə 21 ixtisas üzrə təhsil alacaqlar.
Azərbaycan Texnologiya Universiteti İdman klubunun direktoru vəzifəsini tutmaq üçün
MÜSABİQƏ ELAN EDİR
STRUKTUR BÖLMƏNİN ADI İdman klubu
VƏZİFƏ ÖHDƏLİKLƏRİ· İdman fəaliyyətlərinin təşkilinə nəzarəti həyata keçirir və bu xidmətlərdən tələbələrin və heyyətin istifadəsini də təmin edir;·
Müxtəlif idman federasiyalarının və birliklərinin yarışlarında,iclaslarında, müxtəlif tədbirlərində iştirak edir;·
Universitetlər arası müxtəlif yarışlarda və tədbirlədə Universitet komandasının iştirakını təmin edir;·
Müxtəlif müəssisə və təşkilatlarla əməkdaşlıq edir, idman xidmətlərindən istifadə etmələri üçün fəaliyyətlərin icrasını təmin və rəhbərlik edir;·
İdman salonunun proqramını tərtib edir, şəxslər və müəssisələr tərəfindən keçirilən idman fəaliyyətlərinə rəhbərlik və nəzarət edir;·
İdman salonun və qurğularının təmirini və fəliyyəti təmin edir;·
Tələbələrin idman fəaliyyətlərini icra etmək üçün yerləri, idman salonunu təşkil edir;·
Tələbə birliklərinin idman fəaliyyətlərini kordinasiya edir;·
Bölmədə idman fəaliyyətlərinin effektiv, səmərəli, qənaətcil şəkildə icrasını təmin edir;·
Müvafiq qurumlardan, müəssisələrdən, şəxslərdən gələn tələbləri, ehtiyacları müəyyənləşdirib adekvat addım atır və rəhbərliyə məlumat verir;·
Bölmə əməkdaşlarının inkişafını təmin etmək üçün müxtəlif təlimlərdə, kurslarda və.s iştirakı təmin edir
TƏHSİL Müvafiq sahə üzrə ali təhsil
TƏCRÜBƏ Müvafiq sahə üzrə ən azı 3 il
BİLİK· İşlədiyi sahənin iş xüsusiyyətlərini və prinsiplərini;·
Profilinə uyğun bilik və bacarıqları;·
Sahəsinəaid normativ hüquqi aktları;
FƏRDİ KEYFİYYƏT VƏ BACARIQLAR· Ofis proqramlarında işləmək bacarığı; ·
Xaricidil biliyi olmağı üstünlükdür;·
İdman dərəcəsinin olması;
Göstərilən tələblərə cavab verən namizədlər öz CV-lərini mövzu yerinə “İdman klubunun direktoru” yazmaqla [email protected] elektron ünvanına göndərə bilərlər.
Müraciət üçünson tarix 10 oktyabr 2019-cu ildir.
ERASMUS+ CRENG “Nəqliyyat xidmətləri üzrə böhran və risk mühəndisliyi” layihəsi çərçivəsində magistratura səviyyəsində yeni tədris planının formalaşdırılması üçün Azərbaycan Texnologiya Universiteti (UTECA), Bakı Mühəndislik Universiteti və Azərbaycan Texniki Universitetinin (AzTU) mütəxəssisləri birgə görüş keçiriblər.Görüşdə indiyədək layihə çərçivəsində görülən işlər müzakirə edilib, magistratura səviyyəsində “Nəqliyyatda daşınmaların və idarəetmənin təşkili” ixtisası üzrə Nəqliyyatın logistikası ixtisaslaşmasında magistr hazırlığının həyata keçirilməsi qərara alınıb. Bundan başqa tədris planında nəzərdə tutulan fənlər və onların məzmunu müzakirə edilərək ilkin razılıq əldə edilib.
Azərbaycan Texnologiya Universitetinin (UTECA) rektoru, professor Akif Süleymanov Azərbaycan Respublikası Prezidenti İlham Əliyevin 27 may 2019-cu il tarixli 1205 saylı Sərəncamı ilə “Azərbaycan Xalq Cümhuriyyətinin 100 illiyi (1918-2018)” yubiley medalı ilə təltif edilib.
EQAC komandası texniki məsələlərlə bağlı bir araya gəlib. Bakı Biznes Universitetində təşkil olunan 1 günlük təlimdə müəssisə daxilində keyfiyyətin təminatı üçün istifadə olunan tətbiqi proqram təminatı QPR Graphics və QPR Metrics Avropa Təhsil Standardları (ESG) əsasında real vəziyyət işlənib. Azərbaycan Texnologiya Universitetinin keyfiyyət təminatına dair tətbiqi proqramını universitetin tədris işləri üzrə prorektoru Vüqar İsmayılov və Keyfiyyətin təminatı şöbəsinin müdiri Asiman İlyasov test edib, sisteminin funksiyalarının necə işlədiyini əyani şəkildə yoxlayıblar. UTECA nümayəndələri keyfiyyətin təminatı ilə bağlı Avropa Təhsil Məkanının (EHEA) təcrübəsini öyrənmək üçün təlimdə iştirak edən avropalı təhsil ekspertləri ilə təcrübə mübadiləsi aparıblar.EQAC (Azərbaycan Ali Təhsil Müəssisələrində Keyfiyyətin Təminatı Mərkəzlərinin Qurulması) layihəsi Avropa Komissiyası tərəfindən maliyyələşən ERASMUS+ proqramı çərçivəsində həyata keçirilir. 5 avropa, 11 Azərbaycan universitetinin iştirak etdiyi layihə tələbə yönümlü təhsil proqramlarının yeni standartlara uyğun yazılması, tələbələrlə iş, tələbəyə dəstək, professor-müəllim heyətinin illik fəaliyyətinin reytinq qiymətləndirilməsi və stimullaşdırılması kimi bir sıra konsepsiyaları özündə birləşdirir. EQAC çərçivəsində indiyə qədər İngiltərə, Litvada, İsveçdə UTECA əməkdaşlarının aktiv iştirak etdiyi müxtəlif təlimlər təşkil olunub.
Azərbaycan Texnologiya Universitetinin 3-cü kurs tələbəsi İsmayıl Qaçaylı “Heydər Əliyev siyasi məktəbini öyrənirik” Gənc Liderlər Proqramında iştirak edir. Layihənin ilk günündə Gənc liderlər məktəbinin üzvləri mədəniyyət naziri Əbülfəs Qarayevlə görüşüblər. "Heydər Əliyev və mədəniyyət" mövzusuna həsr edilən görüşdə nazir ümummilli lider Heydər Əliyevin gənclər siyasəti ilə bağlı fikirlərini bölüşüb. Qeyd edib ki, 25 il əvvəl Ulu öndər onu yanına çağıraraq gənclər və idman naziri təyin edəcəyini bildirəndə gənc kadra göstərilən bu yüksək etimad həm özünü, həm də bir çoxlarını təəccübləndirmişdi. Əbülfəs Qarayev çıxışında Mədəniyyət Nazirliyinin gənclər siyasətindən də söz açıb. Nazirlik tərəfindən gənclərin potensialını üzə çıxarmaq üçün gerçəkləşən layihələr haqqında məlumat verilib. Vurğulayıb ki, gənclik cəmiyətin aparıcı qüvvəsidir və gənclərin düşüncəsindən, müasir yanaşmalarından səmərəli istifadə etmək lazımdır. Nazir gənc liderlərə tövsiyələrini verib. Görüş gənclərin ünvanladığı suallara cavablar və müzakirələrlə davam edib. Sonda xatirə şəkli çəkdirilib. 50 gənci bir araya gətirən layihə Ümummilli lider Heydər Əliyevin siyasi hakimiyyətə gəlişinin 50 illiyi münasibəti ilə Gənclər və İdman Nazirliyi və Heydər Əliyev Mərkəzi tərəfindən, Prezident İlham Əliyevin sərəncamıyla təsdiq edilmiş “Azərbaycan gəncliyi 2017-2021-ci illərdə” Dövlət Proqramının Tədbirlər Planının icrası çərçivəsində reallaşır. Proqramın əsas məqsədi Ümummilli lider Heydər Əliyevin azərbaycançılıq məfkurəsinin gənclər arasında geniş təbliği, müstəqil dövlətçilik ənənələrinə hörmət və sədaqət hissinin gücləndirilməsi ilə onlarda liderlik keyfiyyətlərinin inkişafına şərait yaratmaqdır. Proqramda müsahibə əsasında seçilmiş, Ümummilli lider Heydər Əliyevin həyat və fəaliyyəti barədə məlumatlı olan, təşkilatçılıq, ünsiyyət və əlaqə qurmaq, komanda ilə iş bacarığına, geniş dünya görüşünə malik, yerli və beynəlxalq gənclər tədbirlərində təmsil olunma kimi bir sıra meyarlara cavab verən 18-25 yaşarası ictimai fəallar iştirak edirlər. İsmayıl Qaçaylı layihəyə Cəncə şəhərindən seçilmiş yeganə gəncdir.
