Azərbaycan Texnologiya Universitetinin (UTECA) "Nəqliyyat xidmətləri üçün böhran vərisk mühəndisliyi” (CRENG)" layihəsinin iştirakçıları olan üç müəllimi həmkarları üçün seminar keçiblər. Layihə çərçivəsində Almaniyanın Berlin şəhərində təşkil olunan təlimlərə qatılan universitet əməkdaşları təlimlərdə qazandıqları bilik və təcrübələri layihə iştirakçısı olan digər müəllimlərlə bölüşüblər. Nicat Ağayev, Nofəl Hacıyev və Nicat Qəzənfərli CRENG Erasmus+ KA2 layihəsi çərçivəsində Berlin Texniki Universitetində keçirilən təlimlərdə müzakirə olunan məsələlər haqqında təqdimatlarla çıxış ediblər. Qeyd edilib ki, 3 illik layihənin yekununda partnyor universitetlərdə nəqliyyat logistikası magistr proqramının açılması nəzərdə tutulur ki, bunun üçün də fənn proqramları, tədris vəsaitləri və kurikulumlar birgə fəaliyyət nəticəsində hazırlanacaq. Həmçinin universitetlərdə CRENG laboratoriyasının yaradılması və bu laboratoriyaların “Anylogic” proqram təminatı əsasında işləyəcək İKT avadanlıqları ilə təchiz edilməsi də nəzərdə tutulur. Təqdimatlarda CRENG layihəsində təchizat zəncirinin yaradılması, logistika və humanitar logistika ilə bağlı nəzərdə tutulan müddəalar haqqında da danışılıb.
Müstəqilliyinin ilk illərində ölkəmiz xeyli çətinliklərlə üzləşdi. 1993-cü ildə xalqın təkidli tələbi ilə Azərbaycanda ikinci dəfə hakimiyyətə qayıdan ulu öndər Heydər Əliyev ölkəmizin müstəqilliyinin əbədi və dönməz etdi. Dövlət müstəqilliyi haqqında Konstitusiya Aktı 1991-ci il oktyabrın 18-də qəbul edilsə də, əslində Azərbaycan özünün əsl müstəqilliyini ümummilli lider Heydər Əliyevin hakimiyyətə qayıdışından sonra əldə etdi. Məhz Ümummilli Liderin zəngin siyasi təcrübəsi, yüksək idarəçilik bacarığı, Vətənə olan tükənməz sevgisi Azərbaycanın dövlət müstəqilliyini təhlükədən qurtardı. Ulu Öndər ölkədə xaos və anarxiyanı, cəmiyyətdə hökm sürən iqtisadi, siyasi və mənəvi psixoloji gərginliyi aradan qaldırdı. Müstəqil Azərbaycan Respublikası möhkəm əsaslar üzərində yeni inkişaf xəttini tutdu. Azərbaycanı müsəlman Şərqində ilk demokratik respublika olan Xalq Cümhuriyyətinin varisi elan edən ümummilli lider Heydər Əliyev müstəqilliyi qorumaq onu əldə etməkdən qat-qat çətindir məntiqi ilə nəhəng dövlət quruculuğu işlərinə başladı. Ulu Öndərin yorulmaz səyləri nəticəsində qısa müddətdə Azərbaycanın səsi ən nüfuzlu beynəlxalq təşkilatların kürsüsündən gəldi. Müstəqilliyin əvəzsiz bir nemət olduğunu və xalqın tarixi taleyində çox önəmli rol oynadığını böyük qürur hissi ilə bəyan edən Heydər Əliyev Azərbaycanın müstəqilliyini əbədi və dönməz etdi. Əsl müstəqillik isə öz sərvətlərinin tam sahibi olmaqdır. 1994-cü il sentyabrın 20-də Heydər Əliyevin müəllifi olduğu nəhəng neft müqaviləsi - “Əsrin kontraktı” imzalandı. Bununla da Azərbaycan ilk dəfə olaraq öz sərvətlərinin sahibi kimi çıxış etdi. Dünyanın aparıcı dövlətlərinin ən qabaqcıl şirkətlərinin bu kontraktda iştirakı isə ölkəmizin regionda əhəmiyyətini və nüfuzunu artırdı. Azərbaycan iri regional layihələr, Avropa və bütövlükdə dünya enerji təhlükəsizliyi sisteminə qoşuldu. 1993-cü ildən başlayaraq dövlət müstəqilliyinin möhkəmləndirilməsi istiqamətində görülən işlər və atılan məqsədyönlü addımlar Azərbaycanın bugünkü uğurları üçün ən etibarlı təməl oldu.Ulu Öndərin müstəqilliyimizin qorunub saxlanması və möhkəmləndirilməsi istiqamətində yorulmaz səyləri bu gün onun layiqli davamçısı Prezident İlham Əliyev tərəfindən davam etdirilir. Ümummilli Liderin çoxşaxəli fəaliyyətinin nəticələrinə arxalanaraq, Prezident İlham Əliyevin rəhbərliyi ilə Azərbaycan siyasi, iqtisadi, sosial və hərbi sahələrdə nəzərə çarpan tərəqqi əldə edib. Azərbaycan yerləşdiyi bölgədə baş verən strateji, siyasi və iqtisadi proseslərin gedişinə təsir göstərməyə qadir olan ölkəyə çevrilib. Azərbaycan özünün siyasi və iqtisadi qüdrəti, strateji mövqeyi, zəngin təbii ehtiyatlarından xarici siyasət prioritetlərinin təmin olunmasında məharətlə istifadə edir. Milli maraqlara uyğun olaraq beynəlxalq birliyin əksər üzvləri ilə qarşılıqlı faydalı əməkdaşlıq həyata keçirilir. Dövlətimizin başçısının həyata keçirdiyi uğurlu inkişaf strategiyası nəticəsində ölkə iqtisadiyyatı özünün inkişaf sürətinə görə dünyada ən yüksək yerlərdə durur.Beləliklə, vaxtilə ulu öndər Heydər Əliyev tərəfindən qorunub saxlanılan müstəqilliyimiz bu gün Prezident İlham Əliyevin rəhbərliyi ilə daha da möhkəmləndirilir və onun əbədiliyi təmin edilir. Bütün bunlar bir daha deməyə əsas verir ki, Azərbaycanın müstəqilliyi əbədi və dönməzdir!
Azərbaycan Texnologiya Universitetində (UTECA) müəllimlər üçün Nəqliyyat xidmətlərində risk və böhran mühəndisliyi (CRENG) layihəsi ilə bağlı məlumat sessiyası təşkil olunub. UTECA-nın tədris işləri üzrə prorektoru Vüqar İsmayılov bildirib ki, CRENG univesitetin iştirakçısı olduğu beynəlxalq layihələr içərisində bir çox üstünlükləri ilə fərqlənir. Belə ki, bu layihə universitetin mövcud iki ixtisası ilə birbaşa bağlı olduğundan bu sahə üzrə kadr hazırlığı işinin təşkilinə böyük təkan verəbilər.Daha sonra universitetin Elm və xarici əlaqələr mərkəzinin mütəxəssisi, CRENG-in UTECA üzrə koordinatoru Ülviyyə Məmmədova layihənin məqsədi, komponentləri və iştirak imkanları barədə ətraflı məlumat verib. O, qeyd edib ki, artıq layihədə UTECA-nın müəllimləri və inzibati işçilərindən təşkil olunmuş bir komanda iştirak edir. Buna baxmayaraq arzu edən digər əməkdaşlar da layihədə bu və ya başqa formada çıxış etmək imkanlarından yararlana bilərlər. Ülviyyə Məmmədova həmçinin layihəyə qoşulmaq istəyən iştirakçıların hansı meyarlar üzrə seçilməsi, görüləcək işlərin proqram üzrə ardıcıllığı barədə də məlumat verib, müəllimlərin suallarını cavablandırıb.
Azərbaycan Texnologiya Universitetinin nümayəndə heyəti Avropa Komissiyası tərəfindən maliyyələşən və Bakı Biznes Universitetinin də koordinatoru olduğu Erasmus Plus EQAC layihəsinin İsveçdə baş tutan növbəti beynəxalq təlimində iştirak edirlər.Stokholmda keçirilən təlimdə UTECA-nı universitetin tədris işləri üzrəprorektoru Dos.Vüqar İsmayılov və Keyfiyyətin təminatı şöbəsinin müdiri Asimanİlyasov təmsil edir.Çili, Argentina, Yaponiya və Çindəndə əməkdaşların qatıldığı təlimdə Universitetlərdə keyfiyyətin təminatı sisteminin təkmilləşdirilməsi, CDIO, ali təhsil məkanında dayanıqlı inkişafın yaradılması, tələbə mərkəzli təhsil və biliyin yoxlanılması sisteminin qurulması barədə avropalı təhsil ekspertləri ilə geniş müzakirələr aparılır. Təlimin sonunda iştirakçılar beynəxalq əhəmiyyətli sertifikatla təltif olunacaqlar.
UTECA-da Gəncə şəhər Gənclər və İdman Baş İdarəsi və Azərbaycan Texnologiya Universitetinin təşkilatçılığı ilə 18 oktyabr – Milli Müstəqillik Gününə həsredilən “Qarabağ Azərbaycandır və nida işarəsi” adlı tədbir keçirilib. Azərbaycan Texnologiya Universitetinin rektoru, professor Akif Süleymanov gənclər qarşısında çıxışında Azərbaycan Respublikasının Prezidenti İlham Əliyevin Soçidə “Valday” beynəlxalq diskusiya klubunda çıxışını xatırladaraq bildirib ki, bu Ermənistanın baş naziri Nikol Paşinyanın işğal altında saxladıqları Dağlıq Qarabağla bağlı 3 ay ərzində verdiyi bəyanatlara, o cümlədən “qərar Azərbaycan, Ermənistan və Qarabağ xalqları üçün qəbul edilən olmalıdır” iddiasına yekun cavab və "Qarabağ Azərbaycanındır vənida işarəsi" ifadəsi ikili standartlar aparanlara tərs sillə idi.Gəncə şəhər Gənclər və İdman Baş İdarəsinin rəisiMüşfiq Cəfərov isə Azərbaycanın dövlət müstəqilliyini bərpa etməsindən 28 il ötdüyünü, bu müstəqilliyin əbədi və dönməzliyini, vaxtilə ulu öndər Heydər Əliyev tərəfindən qorunub saxlanıldığını, bu gün isə Prezident İlham Əliyevin rəhbərliyi ilə daha da möhkəmləndirildiyini qeyd edib. Tədbirdə “Müstəqilliyimiz əbədidir”, “Müstəqillik dövlətimizin ən böyük sərvətidir”, “Yaşa səni!” mövzularında çıxışlar da olub. Daha sonra 200-ə yaxın UTECA tələbəsi Cənab Prezidentin çıxışına və Beynəlxalq Gənclər Kampaniyasına dəstək olaraq Qarabağ Azərbaycandır ifadəsinə flashmobla bir daha nida qoyublar.
200-ə yaxın UTECA tələbəsi Azərbaycan Respublikasının Prezidenti Cənab İlham Əliyevin Soçidə “Valday” beynəlxalq diskusiya klubunda çıxışına və Beynəlxalq Gənclər Kampaniyasına dəstək olaraq Qarabağ Azərbaycandır ifadəsinə maraqlı flashmobla daha bir nida qoyub.
