Azərbaycan Texnologiya Universiteti (UTECA) 10-12 oktyabr tarixlərində Bakı Ekspo Mərkəzində keçirilən 13-cü Azərbaycan Beynəlxalq Təhsilvə Karyera sərgilərində iştirak edib. Sərginin Texnologiya Universiteti üçün ayrılmış stendində UTECA Texnoparkının məhsulları sərgilənib. Onların arasında elmi əsərlər, patentlər, fəxri mükafatlar, gön-dəri, xalçaçılıq, tikiş məhsulları, şərab və balzamlar və s. məmulatlarolub. UTECA-nın nəqliyyatda daşınmaların və idarəetmənin təşkili mühəndisliyi və proseslərin avtomaşdırılması ixtisaslarının tələbələri Fərid Məhərrəmov, Tofiq MəmmədovunUTECA1 layihəsi isə sərgi iştirakçılarını tez-tez universitetin stendi ətrafına toplayıb. Daha sərfəli qiymətə və əlverişli daşınmaya, ətraf mühitin mühafizəsinə hesablanmış hibrid avtomobil prototipi ilə daha çox avropalı nümayəndələr maraqlanıblar. Onlar Fəridlə Tofiqin tədimatını dinlədikdən sonraonlara bəzi məsləhətlər verib, əməkdaşlıq təklifi ediblər. 

UTECA EQAC komandası Bakı Biznes Universitetində təşkil olunan təlimdə iştirak edərək avropalı təhsil ekspertləri ilə görüşüb. Azərbaycan Texnologiya Universitetini Keyfiyyətin təminatı şöbəsinin müdiri Asiman İlyasov, Magistratura və  doktorantura şöbəsinin müdiri Sadiq Əfəndiyev təmsil ediblər. İki günlük təlimdə Avropa təhsil standardları (ESG) üzrə əsas dəyərləndirmə göstəriciləri hazırlanıb və həmin standardların universitet daxilində tətbiqinin mövcud vəziyyəti barədə müzakirələr aparılıb. UTECA nümayəndələri keyfiyyətin təminatıilə bağlı Avropa Təhsil Məkanının (EHEA) təcrübəsini öyrənmək üçün təlimdə iştirak edən avropalı təhsil ekspertləri ilə təcrübə mübadiləsi aparıblar. EQAC (AzərbaycanAli Təhsil Müəssisələrində Keyfiyyətin Təminatı Mərkəzlərinin Qurulması) layihəsi Avropa Komissiyası tərəfindən maliyyələşən ERASMUS+ proqramı çərçivəsində həyata keçirilir. Azərbaycan Respublikası Təhsil Nazirliyi, 5 avropa və 11 Azərbaycan universitetinin iştirak etdiyi layihə tələbə yönümlü təhsil  proqramlarının yeni standartlara uyğun yazılması, tələbələrlə iş, tələbəyə dəstək, professor-müəllim heyətinin illik fəaliyyətinin reytinq qiymətləndirilməsi və stimullaşdırılması, Avropa təhsil standardlarının (ESG) mövcud vəziyyətdə universitetin struktur bölmələrində tətbiqi kimi bir sıra konsepsiyaları özündə birləşdirir. EQAC çərçivəsində indiyə qədər müxtəlif tarixlərdə Bakı ilə yanaşı İngiltərə, Litva, İsveç və İspanyada UTECA əməkdaşlarının aktiv iştirak etdiyi müxtəlif təlimlər təşkil olunub. Litvadavə İspanyada baş tutan təlimlərdə Universitetin rektoru prof.Akif Süleymanov şəxsən iştirak edib.  

Azərbaycan Texnologiya Universitetində (UTECA)5 oktyabr - Beynəlxalq Müəllimlər Gününə həsr olunan tədbir keçirilib. Tədbir zamanı universitetin rektoru, professor Akif Süleymanov əlamətdar gün münasibətilə pedaqoji heyəti təbrik edib, onlara fəaliyyətlərində uğurlar arzulayıb. Bildirib ki, müəllim şərəfli, eyni zamanda olduqca məsuliyyətli peşədir və bu işdə ali məktəb müəllimlərinin çiyinlərinə xüsusi məsuliyyət düşür. Professor-müəllim heyəti, yerli və xarici tələbələrin çıxışlarında qeyd olunub ki, müəllim əməyinin nəticəsində cəmiyyət formalaşır, savadlı, bilikli, geniş dünyagörüşlü, nümunəvi əxlaqa malik insanlar yetişir. Bu insanlar isə cəmiyyəti daha da inkişaf etdirir. Tədbirdə tələblərin Müəllimlər Günü ilə bağlı hazırladıqları videoçarxlar maraqla izlənilib.  

Azərbaycan Texnologiya Universitetində I kurs tələbələri üçün Gəncə Gənclər Evinin təqdimatı keçirilib.Tələbələri mərkəzin fəaliyyət istiqamətləri - dil kursları, klublar, debatlar, idman yarışları, tətbiqi incəsənət növləri, yerli və beynəlxalq layihələr barədə Gənclər evinin əməkdaşları məlumatlandırıblar. Bildiriblər ki, hər bir tələbə Gənclər Evinin nümayəndəsi ola bilər və məqsəd tələbənin, eləcə də hər bir gəncin asudə vaxtını səmərəli keçirməsinə dəstək olmaq, fəalları üzə çıxarmaqdır. Görüş maraqlı diskusiya ilə davamedib. Təkliflər dinlənildikdən sonra tələbələr könüllülük üçün müraciət ediblər.

Koreya Respublikasının Ticarət, Sənaye və Energetika Nazirliyinin nəzdində fəaliyyət göstərən Milli İnformasiya Texnologiyaları Sənaye Təşviqi Agentliyi (NİPA) tərəfindən Azərbaycan Texnologiya Universitetinə ezam edilib. UTECA-da 1 il müddətinə öz təcrübələrini bölüşəcək yüksək ixtisaslı ekspertin “Texnoloq” qəzetinə müsahibəsindən:-34 illik bir təcrübəyə sahibsiz, bunun 20 ildən artığını xarici ölkələrin təhsilinin təkmilləşdirilməsinə və onlardan nələrsə əldə etməyə həsr etmisiz. Son təcrübələriniz haqda eşitmək istərdik.-2016/2018-ci illərdə Özbəkistanda fəaliyyət göstərmişəm. Bu müddət ərzində Daşkənd universitetlərindən birinə yenilik gətirdik. Belə ki, Daşkəndin İKT vəlogistika profilli universitetindən birində Cənubi Koreyanın İnha universitetinin filialının açılmasına təşəbbüs göstərdik. Layihə reallaşdı, nəticədə özbəklər üçün yaxşı imkan yarandı. Həmin universitetə qəbul daha şəffaf olub ki, ən böyük nailiyyətlərdən biri də bu idi. O tələbələr ikili diplom imkanı qazanıblar. Hazırda daha bir C.Koreya universiteti olan Acou-nun Özbəkistan universitetlərindən birində elektrik mühəndisliyi və memarlıq-inşaat sahəsi üzrə filialı açılmaq üzrədir.-Və növbəti seçiminiz Azərbaycan oldu, yəqin ki, bir səbəbi var.-Azərbaycan Özbəkistandan daha zəngin ölkədir, çünki, təbii sərvətləri daha genişdir. Azərbaycana gəlməyim də təsadüfi deyil, çünki, MDB məkanında, regionda kifayət qədər gücü və imkanı var, həm də yaşamaq üçün ən təhlükəsiz ölkələrdəndir. Sadəcə təhsilə sərmayə yatırılsa iqtisadi cəhətdən daha da inkişafa nail ola, neft və aqrar sahədən asılılığı aradan qaldıra bilər. Elmin iqtisadiyyata töhfəsi zəruridir və buna nail olmaq üçün də maliyyə lazımdır.-Artıq üçüncü həftədir ki, Azərbaycan Texnologiya Universitetində fəaliyyət göstərirsiniz, bəs burada hədəfləriniz nədən ibarətdir?-Gəldiyim vaxtdan şöbələrin iş prinsipi ilə tanış oluram. Müşahidə etdim ki, elmi tədqiqatların dünya standartları əsasında aparılmasına ehtiyac var. Misal üçün Cənubi Koreya təhsili Avropa standartlarından çox Amerika standartlarına əsaslanır, həmin standartları üstün tutur. Burada da Amerika standartların tətbiqinə ehtiyac var. Nəticədə elmi tədqiqatlar universitetin özəyidir və dəyişikliyə buradan başlamaq olar. Yüngül sənaye sahəsində Koreya təcrübəsinə əsaslanan, Asiya ölkəsinin tekstil dünyasını UTECA-ya cəlb etməklə Texnoparkın qurulması haqda da düşünürəm. Keyfiyyətin təminatı məsələləri ilə tanış olub, nəticəyə əsasən təkliflər verib dəyərləndirəcəyik. Hələlik nəsə demək tezdir, çünki hazırda analiz aparırıq, vəziyyəti təhlil edirik. Bütün hallarda ilk iş rastlaşdığımız köhnə standartları yenilərilə əvəz etmək olacaq.

Azərbaycan Texnologiya Universitetində “Bir” Tələbə- Könüllü Proqramında iştirak edəcək tələbələrlə görüş keçirilib.Proqramın rəhbəri Canoğlan İlyasov 1-ci kurs tələbələrinə təqdimatındabildirib ki, “Bir” Tələbə-KönüllüProqramı ölkənin siyasi və iqtisadi inkişafında böyük rol oynayan tələbə-könüllüişini sistemləşdirmək, müvafiq fəaliyyəti stimullaşdırmaq üçün yaradılanuzunmüddətli layihədir. Azərbaycanda mötəbər idman yarışları və mədəniyyəttədbirləri gələcəkdə də davam edəcək və həmin tədbirlərdə “Bir” Tələbə -Könüllü Proqramı çərçivəsində tələbə könüllülərin iştirakı nəzərdə tutulur. LayihəBakı, Gəncə, Sumqayıt, Mingəçevir, Şəki, Masallı və Lənkəran şəhərlərində fəaliyyətgöstərən 21 ali təhsil və 16 orta ixtisas təhsil müəssisəsini əhatə edir.Hazırda “Bir” Tələbə - Könüllü Proqramına 23 mindən çox tələbə cəlb olunub. Görüşdə qeyd olunub ki, ölkədə könüllülərin fəaliyyətivahid məlumat bazasında sistemləşdirilir və tələbənin könüllü olaraq dövlət əhəmiyyətlitədbirlərdə iştirakı gələcək karyeraya müsbət təsir edir.“Bir” Tələbə - Könüllü Proqramının mahiyyətini əksetdirən videoçarxlar izləndikdən sonra tələbələrinsualları cavablandırılıb. Tədbir maraqlı oyun və müsabiqələrlə davam edib.