UTECA-da təcrübəyə göndərilən tələbələrlə görüş keçirilib Azərbaycan Texnologiya Universitetinin (UTECA) rektoru, professor Akif Süleymanov təcrübə müddətinə başlayan tələbələrlə görüşüb.Görüşdə İqtisadiyyat fakültəsinin 4-cü kurs tələbələri iştirak ediblər. Rektor söhbət zamanı müasir tələblərə cavab verən müəssisələrdə təcrübə imkanını lazımi şəkildə dəyərləndirməyin vacibliyini qeyd edib. Bildirib ki, istehsalat təcrübəsi tələbənin praktik iş qabiliyyətinə yiyələnməsi üçün yaxşı fürsətdir. Professor tələbələrə təcrübə dövründə nizam-intizamlı, davamiyyətli olmağı tövsiyə edib.Sonda tələbələri maraqlandıran suallar cavablandırılıb.Qeyd edək ki, Texnologiya Universiteti 35 sənaye müəssisəsi ilə aktiv əməkdaşlıq edir.
UTECA-da beynəlxalq sertifikatı olan müəllimlər 50% daha çox məvacib alırlar Azərbaycan Texnologiya Universitetində (UTECA) elmi dərəcəsi və elmi adı olan professor-müəllim heyətinin vəzifə maaşı 15% artırılıb. Bu barədə universitetin rektoru, professor Akif Süleymanov əmr imzalayıb. Nəticədə cari tədris ilində universitetin professorlarının məvacibi 45% artıb. Qeyd edək ki, universitet Elmi Şurasının qərarı ilə 2019/2020-ci tədris ilinin noyabrında isə professorların əməkhaqqı 30% artırılmışdı. Ali təhsil ocağında elmi dərəcəli və gənc əməkdaşların sayı ilbəil artır. Hazırda universitetdə 53 gənc müəllim fəalliyyət göstərir. UTECA-da IELTS beynəlxalq sertifikatına malik müəllimlər aylıq əməkhaqqının 50%-i miqdarında əlavə məvacib alırlar. Hazırda Azərbaycan Texnologiya Universitetində 2700 tələbə təhsil alır və yeni tədris ilindən universitetin bütün heyətinin əmək haqqında növbəti artımların olacağı gözlənilir. Bu addımlar ölkə prezidentinin apardığı sosial islahatlara uyğun olaraq universitet əməkdaşlarının rifah halının yaxşılaşdırılması və sosial müdafiəsinin daha da gücləndirilməsinə hesablanıb.
İnsanın psixo-fizioloji tələblərini nəzərə almadan qurulan təlim prosesləri və iş şəraiti sağlamlığı zədələyir! Elmi araşdırmalar göstərir ki, məktəbi bitirənlərin yalnız 2-15%-i tam sağlam olur. Oturaq təhsil və ofis işi müddətində yaranan ilkin sağlamlıq problemləri: Görmə qabiliyyətinin pozulması Qamət problemlərin yaranması Normal fiziki inkişafın pozulması (cılızlaşma/piylənmə/alçaqboyluluq) Həll yolu:Gigiyenik normalar gözlənilməklə təhsil texnologiyalarının, dərs və iş şəraitinin insanın psixo-fizioloji tələblərinə uyğunlaşdırılması. Göz və qamət: Düz səthli masa görmə qabiliyyətini pozur və beli əyir! Masaların səthi insanın günəş kələfi səviyyəsində boya uyğunlaşan olmalıdır. Oxu və yazı zamanı səth ilə göz arasında məsafə 30-35 sm olmalıdır. Buna görə oxu və yazı zamanı səth günəş kələfinə uyğun 16 dərəcə maillikdə olmalıdır. İş səthinin işıqlanma səviyyəsi 500 luks, otaqda işıqlanma rəngi 3000K (günəş rəngi) olmalıdlr. Fiziki inkişaf, ürək-damar, sinir sistemləri: Dərs və iş prosesi statik yox, dinamik şəraitdə, ayaq üstə təşkil olunmalıdır. Əks təqdirdə qan dövranı və bədən metabolizmi ciddi zəifləyir! Oturaq vəziyyətdə sinir və qan damarları sıxılır, insanın skelet əzələlərinin 1/3 praktiki olaraq işləmir, orqanizmin qan təchizatı zəifləyir. Nəticədə, illər ərzində orqanizmin fizioloji inkişafı normal getmir və sağlamlığı pozulur! Oturacaq daim oturmaq üçün yox, fasilələrlə dincəlmək üçün istifadə edilməlidir Təhsilalanların və ofis işçilərinin sağlamlığının qorunması üçün mübarizəyə qoşul!
UTECA-nın daha bir elmi jurnalı Ali Attestasiya Komisiyasının tövsiyə olunanlar siyahısında Azərbaycan Texnologiya Universitetinin “Elmi xəbərlər məcmuəsi” adlı elmi jurnalı Azərbaycan Respublikası Prezidenti yanında Ali Attestasiya Komisiyası tərəfindən texnika, biologiya və aqrar elmlər üzrə Azərbaycan Respublikasında dərc olunması tövsiyə edilən dövri elmi nəşrlərin yenilənən siyahısına daxil edilib. UTECA-nın “İnnovasiyalı iqtisadiyyat və menecment” elmi jurnalı isə iqtisad elmləri üzrə elmi məqalələrin Azərbaycan Respublikasında dərc olunması tövsiyə edilən dövri elmi nəşrlərin yenilənmiş siyahısına salınıb. Qeyd edək ki, UTECA-nın “Elmi xəbərlər məcmuəsi” 2017-ci ildən, “İnnovasiyalı iqtisadiyyat və menecment” elmi jurnalı isə ilk dəfədir ölkədə dərc olunması tövsiyə edilən dövri elmi nəşrlərin siyahısında yer alır. Istinad: http://aak.gov.az/jurnals/2020_siyahi/iqt_elm_nesr_20.pdf http://aak.gov.az/jurnals/2020_siyahi/bio_aqrar_elm_nesr_20.pdf http://aak.gov.az/jurnals/2020_siyahi/iqt_elm_nesr_20.pdf
CRENG-in növbəti təlimləri Fransada keçirilib Azərbaycan Texnologiya Universitetinin (UTECA) əməkdaşları "Nəqliyyat xidmətləri üçün böhran və risk mühəndisliyi (CRENG)" Erasmus+ KA2 layihəsi çərçivəsində Fransada təşkil olunan təlimlərə qatılıblar. CRENG-in UTECA üzrə koordinatoru Orxan Vətənxah, komanda üzvləri Nofəl Hacıyev, Fəridə Verdiyeva və Nicat Qəzənfərli Fransanın Valensien şəhərində yerləşən Hauts De Frans Politexnik Universitetində bu ali təhsil ocağının müəllimləri tərəfindən keçilən dəsrlərdə iştirak ediblər. Bundan başqa onlar layihəyə daxil olan fənlər üzrə fəaliyyət göstərən laboratoriyaların işi ilə də tanış olublar. Təlimlərdə həmçinin layihəyə uyğun olaraq UTECA-da təsis ediləcək nəqliyyat logistikası magistr proqramı üzrə tədris olunacaq fənlərin məzmunu, sillabusları, kurikulumu və tədris vəsaitləri ilə bağlı məsələlər də müzakirə edilib. Təlimin sonunda universitetimizin əməkdaşlarına sertifikat təqdim olunub.
31 yanvar - Azərbaycan xalqının böyük oğlu, Xalq Cümhuriyyətinin banilərindən biri Məhəmməd Əmin Rəsulzadənin doğum günüdür. “Vətən qayəsi və millət duyğusu hər şeydən yüksək tutulmalıdır”.
