Azərbaycan Texnologiya Universitetində Məzun Günü keçirilib. Bu münasibətlə UTECA-da “Karyeraya bizimlə başla!” devizi altında məzun yarmarkasıda təşkil edilib. İşaxtaran məzunlarla işəgötürən müəssisə və təşkilatlar arasında əlaqələri gücləndirmək, gənclərin əmək bazarına inteqrasiyasını asanlaşdırmaq məqsədilə təşkil edilən yarmarkada Azərbaycan Texnologiya Universitetinnin məzunları ilə yanası Azərbaycan Dövlət Aqrar Universitetinin, Gəncə Dövlət Universitetinin və Humanitar Kollecin məzunları da istirak ediblər. Yarmarkada gənclərə 60-a yaxın xidmət və istehsal müəssisəsi tərəfindən 450-dən çox vakant yer təqdim edilib. Tələbəvə məzunlar təklif edilən iş yerləri ilə maraqlanıb, müvafiq sənədləri təqdimediblər. Dahasonra “Məzun–2019” buraxılış tədbirində universitetin rektoru, professor Akif Süleymanov məzunları təbrik edib və onlara gələcək fəaliyyətlərində nailiyyətlər arzulayıb. Qeyd edilib ki, bu il - 45-ci buraxılışda UTECA-nı 570 məzun bitirir. Həmçinin bu il universitetdə 37 magistr da məzun olur. Rektor sabahın mühəndis və texnoloqlarının təbrik edərək, onların universitetdə aldıqları biliklər sayəsində uğur qazanacaqlarına, ölkəmizin inkişafına töhfələr verəcəklərinə əmin olduğunu bildirib. Sonra təhsildə fərqlənən məzunlar mükafatlandırılıb. Tədbir konsert proqramı ilə davam edib.   

Azərbaycan Texnologiya Universitetinin (UTECA) tələbələrindən ibarət “Port of Baku” komandası Bakı Beynəlxalq Dəniz Ticarət Limanına səfər edib. 10 nəfərdən ibarət komanda üzvləri Tədris şöbəsinin müdiri Piri Axundov və Logistika Təlim-Tədris Mərkəzinin müdiri Əsgər Babazadənin rəhbərliyi ilə limanın rəhbər şəxsləri ilə görüşüb, anbar və terminallarda iş prosesi ilə tanış olublar. Əvvəlcə iclas otağında limanın məsul işçiləri tələbələr qarşısında təqdimatla çıxış ediblər. Paytaxtın Qaradağ rayonunun Ələt qəsəbəsində yaradılan Bakı Beynəlxalq Dəniz Ticarət Limanı kompleksi və yeni istifadəyə verilmiş Ro-Ro terminalı barədə qonaqlara ətraflı məlumat verilib.  Qeyd edilib  ki, təsdiqlənmiş baş plana əsasən, yeni liman kompleksinin birinci fazası 12 yanalma körpüsünə malik olmaqla yükaşırma imkanı illik 15 milyon ton yük, 100 min ədəd konteyner təşkil edir. Ümumilikdə Bakı Beynəlxalq Dəniz Ticarət Limanı Kompleksi ölkənin tranzit imkanlarının genişləndirilməsində həlledici və mühüm rola malikdir. Limanın istehsalat ərazisi ilə tanışlıq zamanı tələbələrə buraya daxil və xaric olan yüklər, yükaşırmaları, yüklərin istismar qaydaları və daşınma qurğuları, avadanlıqlar, anbarlar barədə geniş məlumat verilib. Gələcəyin logistika mühəndislərini maraqlandıran suallara limanin mütəxəssisləri tərəfindən ətraflı izahat gətirilib.Qeyd edək ki, Bakı Beynəlxalq Dəniz Ticarəti Limanı QSC və Azərbaycan Texnologiya Universiteti (UTECA) arasında imzalanmış memorandum mütəxəssis hazırlığının bir sıra başqa istiqamətləri üzrə əməkdaşlığı da nəzərdə tutur.

Azərbaycan Texnologiya Universitetində (UTECA) Rusiyanın Nijniy Novqorod Dövlət Texniki Universiteti ilə canlı telekörpü yaradılıb. İkili diplom əlaqələri çərçivəsində nəzərdə tutulan onlayn görüş məhsuldar olub. Belə ki, logistika, dizayn və nəqliyyatda daşınmalar ixtisasının tələbələrinin təqdim etdikləri layihələr tərəfdaş universitetin mütəxəssislərinin marağına səbəb olub. Nijniy Novqorod Dövlət Texniki Universitetinin nümayəndəsi Aleksandr Kulagin UTECA tələbələrinin 2 nəfərlik elektrik avtomobilinin əsaslandırılmış təqdimatının real nəticələr verəcəyini deyib, layihənin tezlilklə həyata keçirilməsi üçün detallı məsləhətlər verib.Növbəti görüşdə Rusiya universitetinin tələbələri yeni ideyalarını təqdim edəcəklər. Diskusiya zamanı telekörpünün tez-tez təşkil edilməsinin və növbəti dəfə auditoriyanın daha da genişləndirilməsinin vacib olduğu vurğulanıb.Qeyd edək ki, UTECA ilə Rusiyanın Nijniy Novqorod Dövlət Texniki Universiteti arasında mart ayında nəqliyyatda daşımalar və idarəetmənin təşkili mühəndisliyi ixtisası üzrə ikili diplom müqaviləsi imzalanıb.Sənədə əsasən həmin ixtisasa bu il qəbul olacaq tələbələr təhsil alacaqları müddətin yarısını Azərbaycan Texnologiya Universitetində, digər hissəsini isə Nijniy Novqorod Dövlət Texniki Universitetində keçəcəklər. Sonda tələbə hər iki universitetin diplomunu əldə edəcək. 

2019-cu ilin fevral ayında görkəmli ədəbiyyatşünas, Azərbaycan Elmlər Akademiyasının həqiqi üzvü, Əməkdar elm xadimi, filologiya elmləri doktoru, professor Həmid Məhəmmədtağı oğlu Araslının anadan olmasının 110 illiyi tamam olub. Görkəmli Alimin yubileyinin ölkə səviyyəsində qeyd edilməsi məqsədilə  Azərbaycan Respublikası Prezidenti Cənab İlham Əliyev 11 fevral 2019-cu il tarixdə sərəncam imazalayıb. Sərəncamdan irəli gələn tədbirlər çərçivəsində  03 may 2019-cu il tarixdə Azərbaycan Texnologiya Universitetində görkəmli folklorşünas, mətnşünas alim, akademik Həmid Araslının xatirəsinə həsr edilmiş  “Alim ömrü olduğu kimi”  adlı dəyirmi masa keçirilib. Tədbirdə  çıxış edən İctimai elmlər və multikulturalizm, Xarici dillər kafedralarının müəllimləri ədəbiyyatımızın qüdrətli yolçusunun həyat və yaradıcılığına nəzər salaraq, görkəmli akademikin  Azərbaycan ədəbiyyatının tədqiqat tarixində nəqədər müstəsna əhəmiyyətə malik olduğunu qeyd ediblər. Sonda  alimin həyat və yaradıcılığını əks etdirən video-çarx izlənib. 

Azərbaycan Texnologiya Universitetində Şuşanın işğalıyla bağlı tədbir keçirilib. Tədbirdə çıxış edən UTECA-nın rektoru, professor Akif Süleymanov qeyd edib ki, bu gün Azərbaycanın dilbər guşələrindən biri, Qarabağ xanlığının tarixi paytaxtı Şuşanın işğalından 27 il ötür. Ermənilərin Şuşaya son hücumu 1992-ci il mayın7-dən 8-nə keçən gecə başlayıb. Şəhər dörd bir tərəfdən raket, top, tank vədigər silahlardan şiddətli atəşə tutulub. Bundan sonra düşmən Xankəndi və Kərkicahan istiqamətlərindən piyadalarla hücuma keçib. Şəhər mayın 8-də axşamadək müdafiə olunsa da, silah-sursat və canlı qüvvə sarıdan üstün olan işğalçıların qarşısında tab gətirə bilməyib. Ermənilər əvvəlcə Şuşanı, sonra isə yaxınlıqdakı Kosalar və Şırlan kəndlərini ələ keçiriblər. Dəyirmi masa ətrafına toplaşanlar qeyd ediblər ki, Şuşa işğal edilərkən burada 25 min nəfərədək əhali yaşayırdı. Şəhərin müdafiəsi zamanı 195 dinc sakin şəhid olub, 165 nəfər yaralanıb. Ermənilər tərəfindən əsir götürülərək Şuşa həbsxanasında saxlanılan 114 azərbaycanlı sonradan xüsusi qəddarlıqla qətlə yetirilib. Şəhərin 58 sakini itkin düşüb. Düşmən Şuşadakı bir çox qiymətli tarixi-mədəniyyət abidələrini dağıdıb və talan edib. Çıxış edənlər Prezident və Ali Baş Komandan İlham Əliyevin qətiyyəti və iradəsi sayəsində işğal olunmuş bütün torpaqlarımızın, o cümlədən Qarabağın tacı Şuşanın nəyin bahasına olursa-olsun tezliklə düşmən tapdağından azad ediləcəyinə əminlik ifadə ediblər. 

UTECA-nın tələbə və müəllimləri qanvermə aksiyasına qatılıblar. Mərkəzi Qan Bankının Gəncə bölməsində aksiyaiştirakçılarına bildirilib ki, 18-65 yaşlı, boyu 150 sm-dən, çəkisi isə 50kq-dan az olmayan hər bir şəxs qan verə bilər. Həkim hemotoloqlar Azərbaycan Texnologiya Universitetindən gələn donorların sağlamlıq vəziyyətini yoxladıqdan sonra onlardan qan götürüblər. Mərkəzdə qan verənlər üçün desert masası təşkil edilib. Aksiya hemofiliya və talassemiyadan əziyyətçəkən insanların qanla təminatı üçün nəzərdə tutulub. Götürülən qan nümunələri laboratoriyada müayinə edildikdən sonra aidiyyəti üzrə istifadə olunacaq.