Bakı Biznes Universitetinin koordinatorluğu və Avropa Komissiyasının maliyyə dəstəyi ilə həyata keçirilən “Azərbaycanda Rektorlar Konfransının yaradılması” adlı Erasmus+ layihəsi çərçivəsində növbəti səfər İsveç Krallığının Stokholm şəhərində baş tutub. Azərbaycanın 16 ali təhsil müəssisəsindən 32 nəfər nümayəndənin iştirak etdiyi təlimlər 27 fevral - 3 mart tarixlərini əhatə edib.KTH Kral Texnologiya İnstitutunda “Ali təhsil sisteminin inkişafında rektorlar konfransının rolu” adlı təlimlərin əsas məqsədi universitetlərdə elmi tədqiqat və innovasiya fəaliyyətlərinin inkişaf etdirilməsi olub. Təlim proqramına uyğun olaraq İsveç Rektorlar Konfransının, İspaniya Rektorlar Konfransının, Belçikanın Avropa İdarəetmə İnkişafı Fondunun (EFMD), İsveçin Kral Texnologiya İnstitutunun rəhbər şəxsləri tərəfindən İsveç, İspaniyada və ümumilikdə qlobal mühitdə tədqiqat və innovasiya sistemləri, tədqiqatda keyfiyyət məsələləri, tədqiqatçıların elmi fəaliyyətinə xidmət edən nəşr infrastrukturu, doktorantura təhsili, doktorantların işə qəbulu kimi mühüm istiqamətlərdə təqdimatlar edilib, müzakirələr və fikir mübadilələri aparılıb.Təlimlərin gedişində Rektorlar Konfransının fəaliyyəti ilə bağlı qrup işləri də həyata keçirilib. Proqramın yekununda layihə koordinatoru Gülşən Bayramova və ECAR layihəsi çərçivəsində pilot olaraq yaradılan Elmi işlər üzrə komitənin sədri Elçin Süleymanov tərəfindən layihədə həyata keçirilən fəaliyyətlərin icası və qarşıda duran tapşırıqlar, sözügedən komitənin gələcək fəaliyyət planı haqqında müzakirələr aparılıb.
Azərbaycan Texnologiya Universitetinin (ATU) bir qrup əməkdaşı Maşın mühəndisliyi və logistika kafedrasının müdiri Şakir Əliyevin rəhbərliyi ilə universitetin şəhid tələbəsi Kənan Ömərlinin Göyçay rayonu, Cəyirli kəndində yaşayan ailəsini ziyarət ediblər. Şəhidin mövlud gününə qatılan ATU kollektivi ailə ilə birlikdə Kənanın təhsil aldığı orta məktəbdə də olublar. Əməkdaşlar şəhidin məzarını ziyarət edib, ruhuna dualar oxuyub, valideynlərinə və yaxınlarına Azərbaycan Texnologiya Universitetinin Kənanla daim fəxr etdiyini, şəhid tələbə və məzunlarımızın heç vaxt unudulmayacağını bildiriblər.Kənan Ömərli təhsilini yarımçıq qoyaraq könüllü döyüşlərə qatılmışdı. ATU tələbəsi 44 günlük Vətən müharibəsində şücaət göstərərək 6 oktyabr 2020-il tarixində Ağdam istiqamətində gedən döyüşlərdə qəhrəmancasına şəhid olub.Ölkə başçısının sərəncamı ilə 3 - cü dərəcəli "Vətənə xidmət" ordeni", "Ağdamın azad olunması", "Vətən uğrunda" medalları ilə təltif edilib. Allah rəhmət eləsin.
Ulu Öndər Heydər Əliyevin siyasi xəttinin davamçısı İlham Əliyevin Prezident seçilməsinin 20-ci ildönümü münasibəti ilə YAP Gəncə şəhər təşkilatının partiya fəalları ağacəkmə aksiyası keçiriblər.
Aksiyada Azərbaycan Texnologiya Universitetinin rektoru v.m.i.e. dos Yaşar Ömərov, əməkdaşları və tələbələr də iştirak edib.
Aksiyada həmçinin Gəncə Şəhər İcra Hakimiyyətinin başçısı Niyazi Bayramov, YAP Gəncə şəhər təşkilatının sədri Bayram Aslanov, Gəncə Dövlət Universitetinin rektoru, professor Yusif Yusibov, Azərbaycan Dövlət Aqrar Universitetinin rektoru Zəfər Qurbanov, Gəncə Tibb Kollecinin direktoru, Əməkdar həkim Mehman Rzayev, bələdiyyə sədrləri, idarə, müəssisə, təşkilat rəhbərləri, təşkilatın partiya fəalları və gənclər iştirak ediblər.
Aksiya iştirakçıları Nizami Gəncəvi Məqbərəsi ətrafında 20 ədəd Gəncənin simvolu olan çinar ağacı əkiblər. Bununla yanaşı, partiya fəalları ərazidə təmizlik işləri aparıb, yeni əkilən ağacları suvarıb, onlara aqrotexniki qulluq göstəriblər.
Aksiyada universitet rəhbərliyi, professor-müəllim heyəti və tələbələr iştirak ediblər. Yaşıllaşdırma aksiyası çərçivəsində Azərbaycan Texnologiya Universitetinin həyətyanı ərazisinə 50-ə yaxın həmişəyaşıl ağaclar əkilib. Bundan başqa universitet ərazisində yerləşən Bayraq meydanının ətrafına, eləcə də yaşıllıq zonalarına müxtəlif güllər əkilib. Aksiya çərçivəsində Azərbaycan Texnologiya Universitetinin həyətyanı ərazisindəki yaşıllığa aqrotexniki qulluq göstərilib.
Bu gün Azərbaycan Texnologiya Universiteti rəhbərliyi və kollektivi universitetin bütün xanım əməkdaşlarını 8 Mart - Beynəlxalq Qadınlar Günü münasibətilə təbrik edib.
Azərbaycan Texnologiya Universitetində Əməkdar incəsənət xadimi, "Şöhrət" ordenli nasir, şair, dramaturq, Azərbaycan Yazıçılar Birliyinin üzvü Baba Vəziroğlu ilə görüş keçirilibTədbir 5 mart tarixində Ermənistanın təxribatı nəticəsində şəhid olmuş hərbçilərin timsalında torpaqlarımızın bütövlüyü uğrunda canından keçən Vətən övladlarının əziz xatirəsinin bir dəqiqəlik sükutla yad edilməsilə başlayıb.Moderator şairin həyat və yaradıcılığı haqqında məlumat verdikdən sonra Baba Vəziroğlu açılış nitqi ilə çıxış edib.Görüşdən məmnunluğunu bildirən Baba Vəziroğlu "Sən elə bir zirvəsən" və “Cənab Ali Baş komandan” şeirlərini səsləndirib, yaradıcılığı ilə bağlı xoş xatirələrini bölüşüb.Tədbir zamanı Azərbaycan Texnologiya Universitetinin rektoru dos. Yaşar Ömərov şairə ATU əməkdaşının əl işini – Baba Vəziroğlunun yağlı boya ilə çəkilmiş protretini təqdim edib.Görüşdə ATU tələbələrinin ifasında şairin şeirləri, şeirlərinə bəstələnən musiqilər səsləndirilib.Tədbir boyu B.Vəziroğlu tələbələri maraqlandıran bir çox sualları cavablandırıb, müxtəlif şeirlərini səsləndirib.Sonda şair kitablarını öz imzası ilə oxuculara hədiyyə edib.
