Azərbaycan Texnologiya Universitetinin təşkilatçılığı, Təhsilin İnkişafı Fondunun və Azərbaycan Respublikasının Gənclər Fondunun dəstəyi, "Səhliyalı" şirkətinin sponsorluğu ilə "GreenTech II" Startap və Yaşıl Texnologiyalar" müsabiqəsinə start verilir.

Müsabiqə Azərbaycan Texnologiya Universitetinin 55 illiyi çərçivəsində təşkil olunur.

Yarışın final mərhələsi 17 aprel 2025-ci il tarixində Gəncə şəhərində Azərbaycan Texnologiya Universitetində baş tutacaqdır.

Tələbələr qeydiyyat, eləcə də müsabiqənin kateqoriyaları ilə bağlı ətraflı məlumat əldə etmək üçün QR kod və ya atu.edu.az/greentech linkindən istifadə edə bilərlər.

Qeydiyyat 17.02.2025-ci tarixindən başlayacaq və 07.04.2025-ci il tarixinədək davam edəcəkdir.

Bütün ali təhsil müəssisələrinin tələbələrini müsabiqədə iştirak etməyə dəvət edirik.

Qeyd: Tələbələr üçün Bakıdan Gəncəyə və əks istiqamətə transfer təşkil olunacaqdır.

Azərbaycan Texnologiya Universitetində magistr və doktorantlar üçün Harvard Universitetinin gənc tədqiqatçısı Elvin Nəsibovun "Tədqiqat işinin əsasları və onun aparılması metodları" mövzusunda vebinarı təşkil ediləcək.

Tarix: 21 fevral 2025-ci il

Saat: 19:00

Platforma: Microsoft Teams

Qeyd: 18:40-dan gec olmayaraq qoşulmaq xahiş olunur

Vebinarın linki: https://teams.microsoft.com/l/meetup-join/19%3a1NIVIG4kqrc6pPGL8bkr3Au2WlyjvgKAlnqtZau1HP81%40thread.tacv2/1739345603867?context=%7b%22Tid%22%3a%22299cc022-0d08-4b01-8410-131a140cf333%22%2c%22Oid%22%3a%2209c4375b-b478-4e6a-b02d-9e6abe8a9446%22%7d

Azərbaycan Texnologiya Universitetinin (ATU) həmtəşkilatçılığı ilə "Şərq-Qərb Nəqliyyat Koridorunda Logistika və İdarəetmə Problemləri" (PLMO 2025) mövzusunda Beynəlxalq Elmi Konfrans keçiriləcək.

Azərbaycan Texnologiya Universiteti, İdarəetmə Sistemləri İnstitutu (Azərbaycan), Silesia Texnologiya Universiteti (Polşa), Guangzhou Universiteti (Çin), Gürcüstan Texniki Universiteti (Gürcüstan) və Daşkənd Dövlət Nəqliyyat Universitetinin (Özbəkistan) birgə təşkilatçılığı ilə baş tutacaq konfransın tərəfdaşları Azərbaycan Respublikası Elm və Təhsil Nazirliyi, Azərbaycan Respublikası Rəqəmsal İnkişaf və Nəqliyyat Nazirliyi və Azərbaycan, Türkiyə, Çin, Ukrayna, Qazaxıstan, Moldova və Gürcüstanın elm və ali təhsil müəssisələridir.

PLMO 2025 13-14 may tarixlərində Bakıda, 15-16 may tarixlərində isə Gəncədə Azərbaycan Texnologiya Universitetində təşkil olunacaq.

https://plmo.cyber.az/2025/index.html

17 dekabr tarixində Azərbaycan Texnologiya Universitetinin təşkilatçılığı ilə Ümummilli lider Heydər Əliyevin 101 illiyinə həsr olunmuş “II Qida sənayesi və Qida təhlükəsizliyi forumu” keçiriləcəkdir. 

Gəncə Dövlət Filarmoniyasında baş tutacaq forum iki paneldən ibarət olacaq.

I panel ATU-nun Qida mühəndisliyi fakültəsinin dekanı dos.Mehman İsmayılovun moderatorluğu ilə keçiriləcəkdir. Bu bölmənin spikerləri - AQTA-nın Gəncə-Daşkəsən Regional Bölməsinin rəis müavini Firdovsi Ələkbərov, Bitki Mühafizə və Texniki Bitkilər Elmi-Tədqiqat İnstitutunun direktoru, AMEA-nın müxbir üzvü, professor İbrahim Cəfərov, Heyvandarlıq Elmi-Tədqiqat İnstitunun direktoru, dosent Mahir Hacıyev, Azərbaycan Dövlət Aqrar Universitetinin Baytarlıq təbabəti fakultəsinin dekanı, dosent Şəlalə Zeynalova və Əməkdar mədəniyyət işçisi, Azərbaycan Milli Kulinariya Assosiasiyasının və Türksoyun nəzdində türk dünyası mətbəx kültürü, elmi və sənəti birliyinin prezidenti Tahir Əmiraslanov qida sahəsinin aktual mövzuları ilə çıxış edəcəklər.

17 dekabr tarixində Azərbaycan Texnologiya Universitetinin təşkilatçılığı ilə Ümummilli lider Heydər Əliyevin 101 illiyinə həsr olunmuş “ll Qida sənayesi və Qida təhlükəsizliyi forumu” üzrə ll panel AQTİ-nin Xidmətlərin təşkili departamentinin Xidmətlərin təşkili şöbəsinin müdiri Maşallah Tağıyevin moderatorluğu ilə keçiriləcək. 

Bu bölmənin spikerləri - ADA Universitetinin dosenti Asəf Ömərov, Azərbaycan Dövlət Neft və Sənaye Universitetinin və Azərbaycan Kooperasiya Universitetinin professoru,  “Azər Konyak” MMC-nin məsləhətçi texnoloqu Vüqar Mikayılov, Azərbaycan Standartlaşdırma İnstitutunun Aqrar və Qida sənayesinin standartlaşdırılması şöbəsinin müdiri Bayram Əliyev, AZGRANATA şirkətinin əməliyyat direktoru Yusif Ləzgiyev və "Caspian Coast" MMC-nin Baş direktoru Fuad Mollayev qida sahəsinin aktual məsələləri ətrafında diskussiya aparacaqlar.

Azərbaycan Texnologiya Universitetində 18-19 dekabr 2024-cü il tarixlərində 31 Dekabr Dünya Azərbaycanlılarının Həmrəyliyi Gününə həsr olunmuş fakültələr arası futzal üzrə birincilik yarışı keçiriləcəkdir.