17 mart, saat 11:00-da Azərbaycan Texnologiya Universitetinin həyətində Novruz şənliyi keçiriləcəkdir.
Bütün tələbələr və əməkdaşlar bayram tədbirinə dəvətlidir.
Azərbaycan Texnologiya Universitetində 11 mart 2026-cı il tarixində BMT-nin Ümumdünya Şəhərsalma Forumunun On üçüncü sessiyasına (WUF13) həsr olunmuş “İnnovativ şəhərsalma və yaşıl infrastrukturun inkişafı” mövzusunda seminar keçiriləcək.
Tədbir Qida mühəndisliyi fakültəsinin Şərabçılıq mərkəzində baş tutacaq.
Azərbaycan Texnologiya Universitetində (ATU) aşağıdakı ixtisaslar üzrə fəlsəfə doktoru imtahanı keçiriləcəkdir:
5308.01 – “Ümumi iqtisadiyyat”
5311.01 – “Müəssisələrin təşkili və idarə olunması”
Elan verilən gündən başlayaraq 1 (bir) ay müddətində iddiaçılardan Magistratura və doktorantura şöbəsinə müraciət etmələri xahiş olunur.
İxtisas fənni üzrə fəlsəfə doktoru imtahanında iştirak etmək üçün aşağıdakı sənədlər təqdim edilir:
- şəxsiyyəti təsdiq edən sənədin surəti əlavə olunmaqla iddiaçının ərizəsi;
- iddiaçı ixtisas fənni üzrə fəlsəfə doktoru imtahanının keçiriləcəyi elmi müəssisə və təşkilatın, ali təhsil müəssisəsinin doktorantı (dissertantı, adyunktu) olmadığı halda, onun dissertasiya işinin yerinə yetirildiyi müəssisədən müvafiq müraciət məktubu.
Müraciət üçün son tarix: 02.04.2026
Ətraflı məlumat üçün əlaqə: (+99422) 267 03 91
Azərbaycan Texnologiya Universiteti aşağıda adı göstərilən vakant olan vəzifənin tutulması üçün müsabiqə elan edilir:
- “Turizm” fakültəsi - dekan
Sənədlərin təqdim olunması bu elan dərc edildiyi tarixdən 1 ay müddətindədir.
Müsabiqədə iştirak etmək üçün sənədlər Azərbaycan Respublikası Təhsil Nazirliyinin F-100 nömrəli 05 fevral 2018-ci il tarixli “Ali təhsil müəssisələrində kafedra müdiri, dekan və dekan müavini vəzifələrinin tutulması qaydaları” əmrə uyğun olaraq elan olunduğu gündən başlayaraq 1 ay müddətində qəbul edilir.
Sənədlər təlimata uyğun olaraq rektorun adına yazılmış ərizə ilə birlikdə aşağıdakı ünvana təqdim edilməlidir.
Ünvan: AZ 2011, Gəncə şəhəri, Ş.İ.Xətai pr. 103
Əlaqə telefonu: 022-268-66-22
REKTORLUQ
İnnovasiya ruhu sizdədirsə, “GreenTech 2026” sizi gözləyir!
Azərbaycan Texnologiya Universitetinin (ATU) ölkənin yaradıcı və təşəbbüskar tələbələrini hər il bir araya gətirdiyi ənənəvi “GreenTech” Startap və Yaşıl Texnologiyalar Müsabiqəsi bu dəfə yenilənmiş format və yeni yanaşma ilə təşkil olunacaq.
Azərbaycan Respublikasının Gənclər Fondu, Azərbaycan Tələbə Gənclər Təşkilatları İttifaqı və Kapital Bankın dəstəyi ilə baş tutacaq "GreenTech III" davamlı inkişaf, ekoloji məsuliyyət və texnoloji innovasiyaları bir platformada birləşdirəcək.
Müsabiqənin istiqamətləri:
Alternativ enerji və təmiz dünya
Rəqəmsal həllər və robototexnika
İnklüziv və sosial innovasiyalar
Müsabiqə indiyədək heç bir platformada təqdim olunmamış layihələr üçün açıqdır.
Qeydiyyat https://atu.edu.az/greentech veb-səhifəsi vasitəsilə 24 fevral 2026-cı il tarixindən 6 aprelədək davam edəcək.
Yarışın final mərhələsi 24 aprel 2026-ci il tarixində Azərbaycan Texnologiya Universitetində keçiriləcəkdir.
Komandaların Bakıdan Gəncəyə və əks istiqamətdə transferi təşkil olunacaqdır.
Azərbaycan Texnologiya Universitetinin həmtəşkilatçılığı ilə "Şərq-Qərb Nəqliyyat Dəhlizində Logistika, İdarəetmə və İstismar Problemləri üzrə V Beynəlxalq Konfransı (PLMO 2026)" keçiriləcək.
Hibrid qaydaya təşkil olunacaq tədbirin digər təşkilatçıları Azərbaycan Respublikası Elm və Təhsil Nazirliyinin Riyaziyyat İnstitutu, Polşanın Sileziya Texnologiya Universiteti, Çinin Guancou Universiteti, Gürcüstan Texniki Universiteti və Özbəkistanın Daşkənd Dövlət Nəqliyyat Universitetidir.
PLMO 2026 18-19 may 2026-cı il tarixlərində Bakı şəhərində, 20-21 may tarixlərində isə Gəncə şəhərində Azərbaycan Texnologiya Universitetində təşkil olunacaq.
Tədbirdə ABŞ, Polşa, Türkiyə, Gürcüstan, Çin, Özbəkistan, Qazaxıstan, Litva, Macarıstan, İsveç və digər ölkələrin aparıcı alimlərinin iştirakı gözlənilir.
Ətraflı: plmo.cyber.az
