Avropa İttifaqının maliyyələşdirdiyi və Polşanın Varşava Texnologiya Universitetinin koordinatoru olduğu "Nəqliyyat xidmətləri üçün böhran və risklər mühəndisliyi(CRENG)" Erasmus+ KA2 layihəsinin ilk toplantısı 27-28 fevral 2019-cu il tarixlərində təşkil edilib. Tədbir Polşanın Varşava Texnologiya Universitetinin Nəqliyyat fakültəsinin ev sahibliyi ilə keçirilmiş və layihənin bütün tərəfdaşları aktiv iştirak etmişdir. Sözügedən tədbirdə Azərbaycandan beş tərəfdaş qurum iştirak edirdi. Bunlara Azərbaycan Respublikasının Təhsil Nazirliyinin, üç ali təhsil müəssisəsinin (Azərbaycan Texnologiya Universiteti, Azərbaycan Texniki Universiteti və Bakı Mühəndislik Universiteti) və Bakı Nəqliyyat Agentliyinin əməkdaşları daxildir. Onu da bildirək ki, Azərbaycan Respublikasının Polşa Respublikasında Fövqəladə və Səlahiyyətli səfiri, cənab Həsən Həsənov da tədbirdə iştirak edib, layihənin koordinator universitetinin rəhbərliyinə və bütün tərəfdaşlara uğurlar arzulayıb.İki gün davam edən toplantıda cari layihənin məqsəd və vəzifələri, üç il davam edəcək layihə çərçivəsində görüləcək işlər, tərəfdaşların layihədəki yeri və rolu, layihənin sonunda əldə olunacaq nəticələr və təşkilati-idarəetmə mövzusunda çıxışlar olmuşdur. Layihə yeni olduğundan bütün iştirakçılar öz universitetləri adından təqdimatla çıxışlar etmiş və gələcək əməkdaşlıq üçün təkliflər irəli sürüblər.Sözügedən tədbirdə Azərbaycan Texnologiya Universitetini Tədris işləri üzrə prorektor dos. Vüqar İsmayılov və Elm və xarici əlaqələr mərkəzinin direktoru Orxan Vətənxah təmsil edib.   674 dəfə oxunub

UTECA-da Ümummilli lider Heydər Əliyevin anadan olmasının 96 illiyinə həsr olunmuş “Qida və yüngül sənayenin aktual problemləri" mövzusunda beynəlxalq elmi konfrans keçirib.    Beynəlxalq konfransda Cənubi Koreya, Gürcüstan, İran, Pakistandan olan elm adamları, Pakistanın Azərbaycandakı səfiri Səid Xan Mohmand, Pakistan Milli Bankının (NBP) Bakı filialının rəhbəri Xan Zar Vali, Gəncə şəhər İcra Hakimiyyəti, Azərbaycan Respublikası Təhsil Nazirliyi, AMEA, Kiçik və Orta Biznesin İnkişafı Agentliyi (KOBİA), ABAD, İqtisadiyyat Nazirliyi, Azərbaycan Sahibkarlar Konfederasiyası (ASK), bir sıra universitet və kolleclərin, eləcə də ölkənin bir çox aparıcı istehsal müəssisələrinin rəhbər və nümayəndələri iştirak ediblər. Plenar iclasda çıxış edənlər kadr hazırlığı, yeni texnologiyalar, istehsal dövriyyəsinin avtomatlaşdırılması, mövcud texniki alətlərin, qablaşdırmanın təkmilləşdirilməsi, qəza şəraitinin minimuma endirilməsi və s. kimi məsələlərə toxunaraq qida və yüngül sənayenin ən vacib məsələləri, aktual problemlərini gündəmə gətiriblər, həlli yolları müzakirə edilib, təcrübə mübadiləsi aparılıb, mövzuya aid məruzə və tezislər dinlənilib.   Konfransda CRENG layihəsinin Azərbaycan Texnologiya Universiteti üzrə koordinatoru orxanVətənxah iştirakçılara layihə haqqında geniş məlumat vermiş, bu cür layihələrin icrasının universitetimizin beynəlmiləlləşmə prosesində əhəmiyyətindən danışıb. 699 dəfə oxunub