Kərimov Fazil Cəmil oğlu16 oktyabr 1962-ci ildə Azərbaycan Respublikası Beyləqan rayonunun Örənqala qəsəbəsində kəndli ailəsində anadan olmuşdur.
Azərbaycanlıdır.
1969-cu ildə Örənqala kənd tam orta məktəbinin 1-ci sinfinə daxil olmuşdur. 1979-cu ildə həmin məktəbin 10-cu sinfini bitirmişdir.
1979-cu ilin iyun ayından 1981-ci ilin aprel ayına kimi Beyləqan rayonunun “Ümumittifaq Lenin Kommunist Gənclər İttifaqının( ÜİKGİ-nın) 50 illiyi” adına üzümçülük sovxozunda fəhlə işləmişdir.
1981-ci ilin aprel ayından 1983-cü ilin may ayına kimi Monqolustan Xalq Respublikasinda Sovet Ordusu sıralarında həqiqi hərbi xidmətdə olmuşdur.
1983-cü ilin may ayından 1986-cı ilin avqust ayına kimi Beyləqan rayonunun “Ümumittifaq Lenin Kommunist Gənclər İttifaqının( ÜİKGİ-nın) 50 illiyi” adına üzümçülük sovxozunda fəhlə işləmişdir.
1986-cı ildə Səmədağa Ağamalıoğlu adına “Şərəf Nişanı” ordenli Azərbaycan KəndTəsərrüfatı İnstitutunun (Azərbaycan Dövlət Aqrar Universiteti o vaxt belə adlanırdı) “kənd təsərrüfatının iqtisadiyyatı və təşkili” fakultəsinin “kənd təsərrüfatı istehsalının təşkilatçı iqtisadcısı” ixtisasına daxil olmuşdur, 1991-ci ildə həmin ixtisası müvəffəqiyyətlə bitirmişdir.
1991-ci ildən 1996-cı ilə kimi Azərbaycan Elmi Tədqiqat Kənd Təsərrüfatının Mexanikləşdirilməsi və Elektrikləşdirilməsi İnstitutunda baş mühasib vəzifəsində çalışmışdır.
1996-cı ildən 1999-cu ilə kimi Rusiya Federasiyası İdarəetmə və Biznes İnstitutunun Gəncə filialında baş mühasib və assistent kimi çalışmışdır.
1999-cu ildən 2001-ci ilə kimi Rusiya Federasiyası İdarəetmə və Biznes İnstitutunun Gəncə filialında “İqtisadiyyat” kafedrasının müdiri işləmişdir.
29 iyun 1999-cu ildə iqtisad elmləri namizədi, 2004-ci ildən 2017-ci ilədək Azərbaycan Texnologiya Universitetinin “Sənaye iqtisadiyyatı” kafedrası üzrə dossent işləmişdir.
2017-ci ildən 2022-ci ilin fevral ayınadək Gəncə Dövlət Universitetinin “İqtisadiyyat” fakultəsində dossent vəzifəsində çalışmışdır.
23 fevral 2022-ci il tarixdən 1 Dekabr 2022-ci il tarixədək Azərbaycan Texnologiya Universitetinin“Menecment” kafedrasının müdiri vəzifəsində çalışmışdır.
1 Dekabr 2022-ci il tarixdən Azərbaycan Texnologiya Universitetininİqtisadiyyat və idarəetmə fakültəsinin dekanı vəzifəsində çalışır.
16 avqust 2012 - ci ildən “Yeni Azərbaycan” partiyasının üzvüdür.
