Hacıyev Rövşən Mustafa oğlu 26 mart 1959-cu ildə Gəncə şəhərində fəhlə ailəsində anadan olmuşdur.

1976-cı ildə 39 saylı şəhər beynəlmiləl orta məktəbi bitirdikdən sonra M.Əzizbəyov adına Azərbaycan Neft va Kimya institutunun “Energetika” fakültəsinə qəbul olunmuşdur.

1981-ci ildə institutu bitirdikdən sonra təyinatla Kirovabad İstilik Elektrik Mərkəzinə işə göndərilmişdir.

1983-cü ildə ildə Azərbaycan Elmi-Tədqiqat Kənd Təsərrüfatının Mexanikləşdirilməsi və Elektrikləşdirilməsi institutunda aspiranturanın qiyabi şöbəsinə qəbul olunmuşdur.

1987-ci ildən Azərbaycan Texnologiya institutuna işə qəbul olunmuşdur.

1992-ci ildə dissertasiya müdafiə edərək texnika elmləri namizədi adına layiq görülmüşdür.

2006-ci il oktyabr ayından Azərbaycan Texnologiya Universitetində “İnformatika və Telekommunikasiya” kafedrasında baş müəllim vəzifəsində, 2010-cu ildən “Avtomatika və İdarəetmə” kafedrasının müdiri vəzifəsində, 2022 - ci ildən “Avtomatika, Telekommunikasiya və İnformatika” fakültəsinin dekanı vəsifəsində çalışır.