29 noyabr tarixində Azərbaycan Texnologiya Universitetində bir müddətdir vakant olan İqtisadiyyat və idarəetmə fakültəsinin dekanı vəzifəsinə seçki keçirilib. Fakültə əməkdaşlarının iştirak etdiyi, tam demokratik və şəffaf təşkil olunan səsvermədə Kərimov Fazil Cəmil oğlu yekdil səslə İqtisadiyyat və idarəetmə fakültəsinin dekanı seçilib.Fazil Kərimov 1991-ci ildə S.Ağamalıoğlu adına Kənd Təsərrüfatı Akademiyasının iqtisadiyyat fakültəsinin məzunu olub. Həmin ildə Mexanizasiya və Elektrofikasiya ETİ-də baş mühasib vəzifəsində çalışıb.Pedaqoji fəaliyyətə 1996-cı ildən Rusiya Federasiyasının İdarəetmə və Biznes İnstitutunun Gəncə filialının İqtisadiyyat fakültəsində başlayıb. 1999-cu ildə iqtisad elmləri namizədi dərəcəsinə layiq görülüb. Elə həmin ildən Rusiya Federasiyasının İdarəetmə və Biznes İnstitutunun Gəncə filialında kafedra müdiri vəzifəsində çalışıb.2001-ci ildən Azərbaycan Texnologiya Universitetində baş müəllim, 2021-ci ildən isə Menecment kafedrasının müdiri vəzifələrində çalışıb.