Azərbaycan Texnologiya Universitetində 5 noyabr 2021-ci ildə keçirilən Zəfər Gününə həsr edilmiş “Pandemiya dövründə gənclərin tədqiqat problemləri” adlı respublika konfransının iştirakçılarına sertifikatlar təqdim edilib.Əvvəlcə universitetin rektoru, professor Akif Süleymanov gənc və təcrübəli tədqiqatçılara müvəffəqiyyətlər diləyərək elmi nailiyyətlərinin davamlı olmasını arzu edib, məsləhət və tövsiyyələrini verib. Ardınca iştirakçılara setrifikatlar təqdim edilib. Konfransa qatılanlar “Ən yaxşı məruzəsinə görə”, “konfransda iştirakına görə”, eləcə də “təşkilində fəallığına görə” olmaqla 3 kateqoriya üzrə təltif olunublar. Qida sənayesi, Yüngül sənaye, Logistika, Metal və materiallar, İnformasiya texnologiyaları və kompyuter mühəndisliyi, Turizm xidməti, İqtisadiyyat və biznesin idarəedilməsi, Davamlı inkişaf və təhsil texnologiyaları olmaqla 8 bölmə üzrə çıxış edən gənc tədqiqatçılardan 21 nəfəri “Ən yaxşı məruzəsinə görə” sertifikatı ilə təltif olunublar.