Azərbaycan Texnologiya Universitetinin tələbəsi Gəncədə keçirilən beynəlxalq boks gecəsində yüksək nəticəyə imza atıb.
Universitetin İqtisadiyyat və idarəetmə fakültəsinin biznesin idarə edilməsi ixtisasının I kurs tələbəsi Zakir Həsənzadə “Dəmir Yumruq” Beynəlxalq peşəkar boks gecəsinin 7-ci seriyasında qızıl medalın sahibi olub.
Gərgin və maraqlı keçən döyüşlərdə uğurlu çıxış edən tələbəmiz rəqibinə qalib gələrək turnirin yüksək mükafatına layiq görülüb.
Qeyd edək ki, Zakir boks üzrə Azərbaycan çempionudur. “Bəhreyn-2024 Gimnaziada İdman Oyunları” üzrə də qızıl medal sahibi olan tələbəmiz dəfələrlə beynəlxalq turnirlərin və yarışların qalibi olub.
