Azərbaycan Texnologiya Universitetində (ATU) Azərbaycan Kibertəhlükəsizlik Mərkəzinin (AKM) "Beyin mərkəzi" layihəsi çərçivəsində maarifləndirmə təlimləri keçirilib.

AKM heyətinin iştirakı ilə baş tutan tədbirdə universitetin akademik heyətinə kibertəhlükəsizlik qaydalarına riayət etmək, rəqəmsal mühitdə təhlükəsizliyin və şəxsi məlumatların qorunması barədə məlumatlar verilib.

Qeyd edək ki, AKM İnnovasiya və Rəqəmsal İnkişaf Agentliyinin nəzdində fəaliyyət göstərir. Mərkəzin məqsədi ölkədə kibertəhlükəsizlik ekosisteminə fayda vermək, bu sahədə mütəxəssislərin sayını artırmaq, peşəkar hazırlığını gücləndirmək, kibermaarifləndirmə təlimlərini həyata keçirmək, eləcə də kibertəhlükəsizlik üzrə yerli məhsullar hazırlamaqdır. AKM layihəsi İsrailin Technion Texnologiya İnstitutu ilə əməkdaşlıq edərək, beynəlxalq bilik və təcrübənin ölkəyə gətirilməsini təmin edir.