Şamo Zülfiqar oğlu Salayev 16 aprel 1989-cu ildə Rusiya Federasiyasının Krasnodar vilayətində (Qiaqinski) anadan olub. 1995-ci ildə Bakı şəhəri, Xətai rayonu, 171 saylı orta məktəbin 1-ci sinfinə daxil olub, 2006-cı ildə həmin məktəbin məzunu olub. .
2007-ci ildə Bakı Dövlət UniversitetininKimya fakültəsinə daxil olub, 2011-ci ildə həmin universiteti ekoloji kimya mühəndisi ixtisası üzrə bitirib. Təhsil aldığı dövrdə Bakı Dövlət UniversitetininNanoaraşdırmalar Mərkəzində nanotexnologiya sahəsi üzrə 4 il elmi tədqiqatla (nanomateriallar və ekologiya mühəndisliyi) məşğul olub.
2012-ci ildə Azərbaycan Dövlət Neft Akademiyasına magistratura dərəcəsi almaq üçün daxil olub, 2014-cü ildə həmin universiteti neft-kimya proseslərinin riyazi modelləşdirilməsi ixtisası üzrə fərqlənmə diplomu ilə bitirib.
10 ildən artıq kimya və informatika elmləri üzrə repetitor-müəllim kimi fəaliyyət göstərib.
Yerli (QHT Agentliyi, Gənclər Fondu, İKT Fondu, KOBİA və s. ) və beynəlxalq (BMT,UNİCEF,UNDP,GİZ və s.) layihələrdə layihə rəhbəri və koordinator olaraq fəaliyyət göstərib.
2011-ci ildən 2017-ci ilədək “Azərbaycan Respublikası Ailə Qadın və Uşaq Problemləri üzrə Dövlət Komitəsi”ndə “Elektron hökumət” istiqamətində məsləhətçi, aparıcı məsləhətçi və böyük məsləhətçi vəzifələrində çalışıb.
2015-2018-ci ilərdə “Elektron İdarəçilik və İnformasiya Cəmiyyətinin İnkişafı Mərkəzi” ictimai birliyinin sədri vəzifəsində çalışıb.
2018-ci ildən etibarən “Gənclərin Tərəqqisinə Dəstək” ictimai birliyinin sədr müavini vəzifəsində çalışır.
Hal-hazırda fərdi olaraq “Nanotexnologiyanın tibb və sənaye sahəsinə tətbiqi” (onkologiya və ekologiya) üzrə elmi tədqiqat işləri aparır.
2017-2023-cü illərdə təsis etdiyi “E-box” MMC-nin (fəaliyyət sahəsi: proqramlaşdırma,yüksək texnologiyalar və media) baş direktoru vəzifəsində çalışıb.
2023-cü ildə elm və mədəniyyət sahəsində fəaliyyət göstərən süni intellekt əsaslı media platformasını (efir tv ( https://etv.az/ )) təsis edib və Medianın İnkişafı Agentliyinin Azərbaycan Respublikası Media Reyestrində qeydiyyata alınıb.
2023-cü ildən Azərbaycan Texnologiya Universitetinin İnnovasiya mərkəzinin direktoru vəzifəsinə təyin edilib.
