Məntiq Bahadur oğlu Cəfərov , 25 yanvar 1954-cü ildəAzərbaycan Respublikası,Samux rayonu, Zazalı kəndindəanadan olmuşdur. Samux rayonun Alıuşağı kənd orta məktəbini bitirdikdən sonraGəncə Dövlət Universitetinin“Fizika” ixtisasına qəbul olmuş və 1973-cü ildə həmin ixtisası bitirmişdir.
Məntiq Bahadur oğlu Cəfərov 1979-cu ildən 2004-cü ilədək, 25 il müddətində Azərbaycan Texnologiya Universitetinin fizika kafedrasında laborant, baş laborant, laboratoriya müdiri, assistent, baş müəllim, hazırlıq kursunun rəhbəri və dosent vəzifələrində işləmişdir. 2004-cü ilin noyabr ayından Azərbaycan Dövlət Aqrar Universitetinin dosenti, 2012-2013-cü illərdə həmin universitetin Fizika və riyaziyyat kafedrasının professoru olmuşdur. 22 iyul 2013-ci il tarixdən Azərbaycan Texnologiya Universitetinin tədris işləri üzrə prorektoru olmuşdur. 2017-2018-ci illərdə Azərbaycan Respublikasının Kənd Təsərrüfat Nazirliyində Elm və təhsil şöbəsinin müdir müavini, sektor müdiri və BDU-nun professoru vəzifələrində çalışmışdır. 2018-ci ildən “Ümumi və tətbiqi fizika”kafedrasının müdiri olmuşdur.
1985-1989-cu illərdə Bakı Dövlət Universitetinin Yarımkeçiricilər fizikası kafedrasında məqsədli aspirant olmuşdur, 1989-cu ildə namizədlik, 2011-ci ildə doktorluk dissertasiyasını müdafiə etmişdir. Fizika üzrə elmlər doktoru, professordur.
Azərbaycan Respublikası Prezidentinin 18 may 2010-cu il tarixli, sərəncamı ilə Azərbaycanda təhsilin inkişafındakı xidmətlərinə görə "Tərəqqi" medalı ilə təltif olunmuşdur. 2025-ci il17 dekabr tarixli 3-29/3-1-2063K/2025 nömrəli əmri iləAzərbaycan Respublikası qabaqcıl təhsil işçisi döş nişanı ilə təltifolunmuşdur.
Məntiq Cəfərov xarici və yerli jurnallarda dərc edilmiş 80-dən çox elmi məqalənin, 50-dən çox tezisin, həmçinin 8 dərs vəsaitinin müəllifidir. 40-dan çox müxtəlif miqyaslı konfranslarda iştirak etmişdir.
