Məmmədov Seymur Ceyhun oğlu 27.05.1993-cü il tarixində Gəncə şəhərində anadan olub. 1999/2010-cu illərdə Gəncə şəhəri 30 nömrəli orta məktəbdə təhsil alıb. 2010-cu ildə 595 balla Azərbaycan Dövlət Aqrar Universitetinin iqtisadiyyat ixtisasına qəbul olub. 2014-cü ildə həmin universiteti fərqlənmə diplomu ilə bitirib.

2014/2015-ci illərdə Ağcabədi rayonu N saylı hərbi hissədə hərbi xidmət keçib. 2015-ci ildə Gəncə Dövlət Universitetinin iqtisadi nəzəriyyə ixtisasının magistratura təhsil səviyyəsinə qəbul olub, 2017-ci ildə magistr təhsilini fərqlənmə diplomu ilə bitirib.

2018-ci ildə Azərbaycan Texnologiya Universitetinin Sənayenin təşkili və idarə olunması kafedrasında assistent kimi əmək fəaliyyətinə başlayıb. 2020-ci ildə Azərbaycan Texnologiya Universitetində ümumi iqtisadiyyat ixtisası üzrə doktorantura təhsili almağa başlayıb. 2020-ci ildən etibarən İqtisadiyyat və idarəetmə fakültəsinin dekan müavini, həmçinin İqtisadiyyat kafedrasının assistenti vəzifəsində çalışır.

3 dərs vəsaiti, 30-dan çox elmi məqalənin müəllifidir. Ailəlidir, üç övladı var. Yeni Azərbaycan Partiyasının (YAP) üzvüdür.