Mən dünyada müəllimlikdən yüksək ad tanımıram.

Heydər Əliyev

Mən Azərbaycanın sadə vətəndaşıyam. Bu addan yüksək ad yoxdur. Ancaq bundan da yüksək ad müəllimlikdir.

Heydər Əliyev

Bizim hər birimiz elmi dərəcəmizdən, biliyimizdən, təhsil səviyyəmizdən asılı olmayaraq, bütün nailiyyətlərimizə görə məktəbə, müəllimə borcluyuq.

Heydər Əliyev

Elm sərkərdə,təcrübə isə onun əsgəridir.

Leonardo da Vinçi

Kəşf etmək hamının gördüyünü görmək,lakin hələ heç kəsin ağlına gəlməyəni düşünmək deməkdir.

A.R.Dyerdi

İki şey var ki.sonu görünməz.Ağıl və bilik.

Hz.Əli (ə)

İnsana arxadır onun kamalı,
Ağıldır hər kəsin dövləti,malı.

Nizami Gəncəvi
Son xəbər 2019/07/23 : “Sosial hüquqların araşdırılmas

Xəbərlər

UTECA-da Xocalı soyqırımına həsr edilmiş anım tədbiri keçirilib
Dərc edən: Admin Tarix: 2019-02-25

Əvvəlcə UTECA kollektivi universitetin həyətində ucaldılan Şəhidlər abidəsi önünə gül dəstələri qoyub. Daha sonra Xocalı soyqırımı qurbanlarının xatirəsi bir dəqiqəlik sükutla yad edilib, dövlət himni səsləndirilib.

Tədbiri giriş sözü ilə açan universitetin rektoru, professor Akif Süleymanov bildirib ki, Xocalı faciəsi XX əsrin ən dəhşətli və ən qəddarcasına törədilmiş Xatın, Xirosima, Holokost faciələri ilə bir sırada durur. Belə ki, 27 il əvvəl bir gecənin içində qədim Xocalı şəhəri yerlə-yeksan edilib. Şəhəri tərk etməyə məcbur olan əhali yollar nəzarətə götürüldüyündən dağlara, meşələrə qaçıb. Hər tərəfdə silahlı ermənilər dinc əhalini güllələyib, onlara amansız divan tutub. 613 nəfər həlak olub, öldürülənlərin 63-ü uşaq, 70 nəfəri qoca, 106-sı qadındır. 8 ailə tamamilə məhv edilib. Həmin gecə 1275 nəfər girov götürülüb. 150 nəfərin taleyi isə indiyədək məlum deyil. 487 yaralı qeydə alınıb. 25 uşaq hər iki valideynini, 130 uşaq isə valideynlərindən birini itirib.

Daha sonra Xocalı sakini Nəsimi Məmmədov çıxış edərək qarlı fevral gecəsində yüzlərlə soydaşımızın soyuqdan donaraq və düşmən gülləsinə tuş gələrək şəhid olduğunu, o gecə öldürülən yüzlərlə insandan 56 nəfərin xüsusi qəddarlıqla və amansızlıqla qətlə yetirildiyini deyib.

Çıxış edənlər qeyd ediblər ki, Azərbaycan xalqı Xocalı faciəsini heç vaxt unutmur və unutmayacaqdır.

Tədbir UTECA tələbələrinin ifasında ədəbi-bədii kompozisiya ilə davam edib.

 

#26Fevral #XocalıSoyqırımı #Faciə #QanYaddaşı #UTECA #TexnologiyaUniversiteti #AkifSüleymanov

 

 

 
Yuxarı
  • Developed by: Ayaz Askerov