Mən dünyada müəllimlikdən yüksək ad tanımıram.

Heydər Əliyev

Mən Azərbaycanın sadə vətəndaşıyam. Bu addan yüksək ad yoxdur. Ancaq bundan da yüksək ad müəllimlikdir.

Heydər Əliyev

Bizim hər birimiz elmi dərəcəmizdən, biliyimizdən, təhsil səviyyəmizdən asılı olmayaraq, bütün nailiyyətlərimizə görə məktəbə, müəllimə borcluyuq.

Heydər Əliyev

Elm sərkərdə,təcrübə isə onun əsgəridir.

Leonardo da Vinçi

Kəşf etmək hamının gördüyünü görmək,lakin hələ heç kəsin ağlına gəlməyəni düşünmək deməkdir.

A.R.Dyerdi

İki şey var ki.sonu görünməz.Ağıl və bilik.

Hz.Əli (ə)

İnsana arxadır onun kamalı,
Ağıldır hər kəsin dövləti,malı.

Nizami Gəncəvi
Son xəbər 2017/11/17 :

Xəbərlər

Gələcəyin metallurqları alüminium zavodunda istehsalat prosesi ilə tanış olub
Dərc edən: Admin Tarix: 2017-10-30

Azərbaycan Texnologiya Universitetinin (ATU) metallurgiya mühəndisliyi və maşın mühəndisliyi ixtisaslarında təhsil alan I kurs tələbələri Gəncədəki “DetAl" Alüminium Kompleksinin zavodlarında istehsal prosesi ilə yaxından tanış olub.

ATU-nun Mexanika və metallurgiya kafedrasının dosenti Nigar Əmiraslanovanın rəhbərlik etdiyi qrup əvvəlcə kompleksin baş direktoru Cəmil Səfərov ilə görüşüb. Baş direktor bildirib ki, kompleksin zavodlarında buraxılan müxtəlif markalı alüminium yarımfabrikat məhsulları avtomobil, kimya, qida sənayesi, inşaat, elektrik, kommunikasiya və digər sahələrdə geniş istifadə olunur, yerli və xarici bazara çıxarılır. Tələbələrə əlvan metalların sənyedə və məişətdə istifadəsindən, cəmiyyət üçün əhəmiyyətindən də danışan Cəmil Səfərov qeyd edib ki, ölkədə metallurgiya mühəndisləri üçün potensial iş yerləri hesab olunan bir neçə böyük müəssisə fəaliyyət göstərir. Onların hər birinin, o cümlədən “DetAl" Alüminium Kompleksinin metallurgiya ixtisası üzrə yaxşı yetişmiş mütəxəssislərə həmişə ehtiyacı var.

Zavodun əməyin mühafizəsi üzrə mühəndisi və ayrı-ayrı sexlərin rəhbərləri ilə görüşərək müəyyən təlimatlar alan tələbələr həmin məsul şəxslərin müşayiəti ilə ilə kompleksin zavodlarında metaltökmə, fasiləsiz yayma, soyuq yayma, təzyiqlə emal, boyama, elektroliz, isti və soyuq yayma, profil istehsalı, termik emal, maye metalın alınması prosesləri ilə yaxından tanış olublar. Gələcyin mühəndisləri bildirib ki, bu komplekslə tanışlıq onlara seçdikləri ixtisasın əhəmiyyətini bir daha anlamaq imkanı verib. 

 
Yuxarı
  • Developed by: Ayaz Askerov